hósdagur 18. januar 2018síða 17

FRÍGGJADAGUR 19. JANUAR 2018 SOSIALURIN 8 17 Harumframt gongur hetta beint øvugt móti tí, ið vit vanliga siga vit ynskja fyri tað føroyska sam­ felagið. - Vit snakka um at byggja okkara samfelag við rættartrygd sum ein grundleggjandi part. Men í hesum førinum gera vit tað øvugta. Um onkur reisir eina ákæra móti tær, so verður tú settur á svartalista. Eg dugi ikki at síggja hvussu tað hjálpir, sigur Sveinur Tróndarson. Var neyvan ætlanin Hóast Sveinur Tróndarson er at­ finningar­samur móti rørsluni, ið hevur rist Vesturheimin seinastu mánað­ir­nar, so er týðiligt, at hansara kritikkur er meira rætt­ aður eftir hvat rørslan er blivin til. Sjálvt upprunin til rørsluna metir hann nevniliga vera góðan, og leggur hann fleiri ferðir dent á, at tað er týdningarmikið at boða frá, um man metir seg hava verið fyri órætti. - Eg trúgvi ikki hetta var ætlanin hjá teimum, ið byrjaðu rørsluna. Tey gjørdu tað fyri at vísa á, at tað eru nakrir persónar, ið útnytta sína makt. Men so eru tað eisini nakrir per­sónar, ið hava sæð hetta og sagt, at hetta er smart. Um eg fari út nú, so fái eg umtalu og verði møguligur kendur aftur, sigur Sveinur Tróndar­son og heldur fram. - Endin var, at tað kom sum ein flóðalda inn yvir samfelagið og fólk mistu tamarhaldið á tí. Úrslit­ ið er, at Gud og hvør maður hevur gjørt ting, ið eru skeiv, og skulu revsast fyri tað. Ein dama, ið tú hevur kent í ungum árum, kann fara út og siga okkurt um teg, og tá hon hevur sagt tað, so hevur hon automatiskt rætt, og tú skalt taka avleiðingarnar. Hvar bleiv av próvnum? Mugu vakna #MeToo hevur sett sjóneyka á ser­liga atburðin hjá mannfólkum og teirra manglandi virðing fyri mørk­unum hjá kvinnum. Og ágangur­in er vorðin so stórur, at Sveinur Tróndarson metir, at tað er týdningarmikið, at menn ansa sær, og ikki bara góðtaka, at allir verða skerdir yvir ein kamb. - Vit mugu sjálvir vakna og verja okkara kyn. Vit skulu aldrin góð­ taka svínskan atburð, vit skulu altíð verið høvisk móti hvørjum øðrum og vit skulu altíð uppføra okk­um sum fólk. Men menn eru menniskjur og menniskjur gera feilir. Eg taki undir við, at fólk gera vart við, tá tey hava verið fyri órætti. Men lat okkum gera tað, tá ið tað hendir, og ikki bíða fleiri ár, áðrenn vit ákæra onnur, sigur Sveinur Tróndarson. Sveinur Tróndarson vísir á, at eins og tað ikki ber til at skera allar kvinnur yvir ein kamb, so ber heldur ikki til, at siga at øll mann­ fólk eru ræðulig, tí at Harry Wein­ stein, Kevin Spacey og aðrir eru farnir yvir mark. - Tú kanst ikki skera eitt heilt kyn yvir ein kamb. Vit eru ymisk sum menniskjur, og tað einasta vit hava til felags er, at vit øll hava gjørt feilir. Spurningurin er bara hvat slag mistak tað var, og um mis­tak­ið skal straffast ultimativt, bara tí ein persónur ikki dámar teg og ynskir at revsa teg fyri tað, sigur Svein­ur Tróndarson. Vit snakka um at byggja okkara samfelag við rættartrygd sum ein grundleggjandi part. Men í hesum førinum gera vit tað øvugta Sveinur Tróndarson, journalistur heldur, at MeToo rørslan er farin ov langt. Hann vísir á, at politikarar hava lagt frá sær, tí teir hava klamsað eina kvinnu í afturpartin fyri 30 árum síðani. Tað eru somu politikarar, sum hava bumbað jørðina sundur og saman uttan nakrar avleiðingar