týsdagur 23. januar 2018síða 6

Mikudagur 24. januar 2018 · Nr. 10 6 Sosialurin Hugskot og viðmerkingar – send sms til 225000 Hallur av Rana Á seinasta býráðsfundi í Tórs­havnar kommunu í 2017, kunngjørdi meirilutin í býráðnum ein nýggjan bú­stað­ar­pakka, ið hevur sum endamál, at 600 nýggir bú­staðir skulu byggjast í høvuðs­staðnum næstu fýra árini. Talan er um eina fram­ søkna ætlan, ið skal koma stóra bústaðarneyðini í høvuðs­staðnum til lívs, og nú er líkt til, at kommunan fær kærkomna hjálp frá privat­um eigarum í komm­ un­uni. Tríggir eigarar av traðum undir Krákugjógv hava slig­ið seg saman, og leggja í løtuni síðstu hond á eina verk­ ætlan, ið umfatar 35 privat grundstykkir nærhendis Ring­veg­num. Tórshavnar kom­mu­na hevur longu góð­ kent tekn­ing­ar­nar til nýggju út­stykk­ingina, ið telist millum ein av teim­um heilt stóru privatu út­stykk­ing­ unum síðstu árini. 500 metrar av vegi Talan er um tey trý matrikul­ nummar­ini 1345a, 1346a og 1347a við Villingardalsvegin, ið tilsamans eru umleið 29.000 fermetrar til víddar, ið ætlanin nú er at selja sum grund­stykkir. Grundstykkir liggja á niðara partinum av Villingardalsvegnum, og verður innkoyringin til nýgg­ja býlingin yvir­av inn­ koyr­ingini til Blá­kollu­gøtu. - Vit hava biðið um tilboð frá nøkrum arbeiðs­ takarunum til vegin, ið eftir ætlan verður 500 metrar til longdar. Tað verður ein innkoyringarvegur, ið síðan fer sundur í tvey, siga eigar­ arnar við Sosialin. Tá eigararnir hava fingið til­boðini til nýggja vegin, verður støða eisini tikin til, um hvussu nógv av grund­ stykkjunum skulu planerast áðrenn tey verða seld ella um tey verða seld beinanvegin. - Ætlanin er at planera nøkur stykkir fyrst fyri at vita, um tað verður lættari at selja. Men tað verður við­gjørt við viðkomandi arbeiðs­takara, ið fær arbeiðið at gera vegin og gera alt klárt, siga eigararnir. Kostnaðurin ikki settur Sostatt er heldur ikki heilt greitt hvat tey 35 grund­ stykkini verða seld fyri, men eigararnir upplýsa, at ætlanin er at selja tey í trim­ um umførum. - Um tað gongur sum ætl­ að, so verða stykkini seld í trimum umførum, men við tøttum millumbilum. Hvussu stutt tað verður mill­um umførini verður sjálv­andi ávirkað av, hvussu skjótt tað gongur at selja grund­ stykkini. Men í fyrsta umfari verða í hvørt fall tíggju góð grundstykkir sett til sølu, greiða eigararnir frá. Við 35 nýggjum grund­ stykkjum verður talan um ein heilt nýggjan býling í høvuðsstaðnum, og sambært eigar­unum, so verður tað ikki leingi áðrenn grundstykkini verða sett til sølu. - Tilboðini upp á vegin koma um fýra vikur. So hygg­ja vit eftir tí, og so fara vit at selja grundstykkir. Tað eru góð grundstykkir. Eini seks eru væl yvir 500 fermetrar, eitt er 680 fer­ metrar og restin er góðar 400 fermetrar. So her verður talan um ein nýggjan býling í Havn­ini. Tað er eitt ómetaliga veður­gott øki og so gott sum øll grundstykkini fáa útsýni yvir Havnina. Hetta er eitt av teim­um heilt fáu økjunum, ið liggja nær miðbýnum, har man enn kann fáa frítt­stand­ andi grundstykkir. Annars má man út um býin, siga eigar­arnir. Ein gomul verkætlan Talan er um eina verk­ætlan, ið hevur verið í kortunum í fleiri ár, men hevur verið tarnað av óvissu­ ni viðvíkjandi eini størri verk­ætlan. Ætlaði inn­ komu­vegurin til Havn­ar, ið Lands­verk, lands­myndug­ leik­ar­nir og Tórshavnar kom­mu­nu hava togast um í fleiri ár, hevur ført við sær, at eigararnir hava bíðað við at framt verkætlanina. - Vit hava loyvið at byggja, óan­sæð hvør loysnin verður, men nú liggur tað í luftini, at ein tunnil verður gjørdur, og so­statt verður eingin vegur beint við útstykkingina. Óviss­an um hvat fór at henda hevur verið ein forðan fyri, at man slapp í gongd, tí av­varðandi myndugleikar ikki vóru før fyri at finna eina loysn, siga eigararnir. hallur@sosialurin.fo Byggja nýggjan býling í høvuðsstaðnum Tríggir eigarar av traðum undir Krákugjógv hava sligið seg saman, og leggja í løtuni síðstu hond á eina verkætlan, ið umfatar 35 privat grundstykkir nærhendis Ringvegnum Tað eru góð grundstykkir. Eini seks eru væl yvir 500 fermetrar, eitt er 680 fermetrar og restin er góðar 400 fermetrar. So her verður talan um ein nýggjan býling í Havnini Tríggir eigarar av traðum undir Krákugjógv hava sligið seg saman, og leggja í løtuni síðstu hond á eina verkætlan, ið umfatar 35 privat grundstykkir nærhendis Ringvegnum Her er ætlanin at ein nýggjur býlingur skal standa um nøkur ár TÍÐINDI