hósdagur 25. januar 2018síða 46

VINNUBLAÐIÐ HJÁ MIÐLAHÚSINUM 22 januar 2018 26 Vilmund Jacobsen Tað er Annvør Jacobsen, ættað úr Saltangará, sum er stjóri og stendur á odda fyri fyritøkuni á Eiði, Salmon Proteins, sum tekur ímóti av­ skurði, ryggjum, slógvi, gørnum og sjálv­deyð­ um alifiski. Hon er gift Tóri Jacobsen, ið arbeiðir sum timbur­maður og hevur framt og verið partur av fleiri verkætlanum innan byggivinnuna, bæði í Før­oyum og uttanlands. Annvør Jacobsen byrjaði hjá Salmon Pro­ teins sum skrivstovufólk á hálvari tíð í 2003, men gjørdist stjóri í fyritøkuni í 2005. - Eg lærdi í sínari tíð til skrivstovufólk hjá Trúgva Samuelsen, advokati, men øll míni bestu ár arbeiddi eg sum skrivstovufólk á Dómara­skrivstovuni. Hon starvaðist á Dómaraskrivstovuni í tveim­um umførum og í nøkur ár hvørja ferð. - Tá eg flutti norður til Eiðis at búgva, gavst eg á Dómaraskrivstovuni og arbeiddi tá nøkur ár í Sparikassanum á Eiði. Tá tey so søktu eftir skrivstovufólki á Dómara­skrivstovuni, søkti hon og arbeiddi aftur har í nøkur ár. Eitt stutt skifti, áðrenn Salmon Proteins byrjaði sítt virksemi í 2003, arbeiddi Annvør Jacob­sen sum avloysari í eldrarøktini á Eiði. Eitt gott arbeiðspláss Tað kann tykjast sum eitt langt lop - at byrja sum skrivstovufólk á hálvari tíð í 2003 og síðan at taka við stjórastarvi í 2005. - Jú, tað er rætt, at eg eri stjóri á virkinum, men vit eru ikki so nógv arbeiðsfólk, tó at nøgdir­nar av súrløgu eru stórar. Umframt meg sjálva, hava vit ein maskinmann, eitt fólk á skriv­stovuni hálva tíð, og so hava vit vaskifólk. Annvør Jacobsen sigur, at tað kann vera eitt sindur friðarligt og stundum einsligt á skriv­ stovuni um dagarnar viðhvørt. - Men, eg havi yvir langar tíðir verið í starvi, har ikki so nógv fólk er og kemur á gátt, og eg haldi, at hetta er nakað, tú venur teg við. Skemtandi sigur Annvør Jacobsen, at hóast hon lyfti seg upp í stjórastarv frá at arbeiða hálva tíð sum skrivstovufólk, so hevur hon kort­ini hug at “umskylda” seg, tá onkur spyr, hvør er stjóri á Salmon Proteins. - Tí, eg eri bara skrivstovufólk við skriv­ stovuútbúgving, sum hon so lítillátin tekur til. Tók ketilpassaraskeið Tað hevur verið eitt krav, at súrløga frá laksi skal hitaviðgerast á Salmon Proteins, og so­ leið­is hevur verið gjørt øll árini, síðan virkið byrj­aði at taka ímóti. Men, nú er hetta broytt, soleiðis at súrløgan ikki skal hitaviðgerast. Stjórin sigur, at tað eru ES-reglur, sum eru broytt­ar í hesum sambandi, og síðan er tað Heilsu­frøðiliga Starvsstovan, sum setir Salmon Pro­teins galdandi treytir. - Jú, tað er nógv at seta seg inn í, tá tú tekur við ábyrgd av einum slíkum virki og eitt, sum eg mátti gera, tá eg tók við stjórastarvinum, var at taka eitt ketilpassaraskeið á Vinnu­há­ skúlanum fyri at kunna passa ketilin, har hita­ við­gerðin fer fram. Annvør Jacobsen sigur, at hennara dag­liga arbeiði serliga er at hava samskifti við við­ skiftafólk. - Hetta er eitt týdningarmikið virkið, sum ali­vinnan eigur, og tað er brúk fyri okkum alla tíðina, leggur hon aftrat. Tað eru eisini langir dagar á Salmon Pro­ teins, tá súrløgur skal avskipast. - Goymslan av súrløgu í bólki 3 (lág­vanda­ bólkur) er á 2000 tons, og goymslan av súr­ Øll laksavinnan hevur brúk fyri Salmon Proteins á Eiði Í FJØR TÓK SALMON PROTEINS ÍMÓTI 19.500 TONSUM AV SÚRLØGU FRÁ VANLIGUM AVSKURÐI, RYGGJUM, SLÓGVI OG GØRNUM - OG ÍMÓTI 5.200 TONSUM AV SJÁLVDEYÐUM OG MØGULIGA SJÚKUM ELLA VIÐGJØRDUM FISKI. VIT HAVA SKIFT ORÐ VIÐ STJÓRAN, IÐ BYRJAÐI SUM SKRIVSTOVUFÓLK Á HÁLVARI TÍÐ, MEN ENDAÐI SUM STJÓRI Á VIRKINUM TVEY ÁR SEINNI Salmon Proteins byrjaði sum ein verkætlan í samband við ILA, umframt at Føroyar eisini gjørdu eina veterinera avtalu við ES. - Hetta er eitt týdningarmikið virkið, sum alivinnan eigur, og tað er brúk fyri okkum alla tíðina, sigur stjórin