hósdagur 14. desember 2017síða 10

FRÍGGJADAGUR 15. DESEMBER 2017 SOSIALURIN 146 10 EIRIKUR LINDENSKOV BARBARA HOLM EIRIKUR@SOSIALURIN.FO  BARBARA@SOSIALURIN.FO  E itt heldur undrunarvert mál er komið undan kavi, nú Miðlahúsið hev­ ur viðgjørt orrustuna í Kringvarpinum seinastu vik­ur­ nar. Talan er um eitt ávíst stykki av samskifti millum Eyðun Mørk­ øre og Johnny í Grótinum. Eitt sam­skifti, sum vit hava hoyrt nógv um seinastu vikurnar, tó al­ menn­ingurin enn ikki hevur sæð tað. Sakførarin hjá Liljuni Weihe, Sig­mundur Poulsen, er av teirru fat­an, at hetta samskifti máar grund­arlagið undan uppsagnini av Liljuni Weihe. Slaturin hevur leingi gingið um hetta skrivliga samskifti, og tí er tað nakað síðani, at Sosialurin søkti um alment innlit í hetta sam­skifti frá Taks. Tí sum sæst her á síðuni snýr samskifti seg um ónøgd hjá Eyðuni Mørkøre um nógv umrøddu samrøðuna í Dag­ ur&Viku, og somuleiðis um hans­ ara fatan av avtalubrotið millum sín og Johnny í Grótinum og Ivan Niclasen. Innihaldið í hesum teldu­posti kann síggjast frá fleiri vinklum í mun til teir ymisku part­ar av orrustuni millum Liljan Weihe og Johnny í Grótinum, sum hesin teldupostur er ein partur av, men eitt áhugavert er, sum illa kann síggjast burtur frá, og tað er, at hvørgin av stjórunum vil geva almenninginum innlit í hetta sam­ skiftið.  Tí upp á fyrispurningin hjá Sosialinum um innlit í hetta sam­ skifti segði lógardeildin hjá Taks, at einki samskifti var millum stjór­ arnar at geva innlit í. Síðani hevur Sosial­urin áhaldandi roynt at fáa við­merking frá stjóranum um, hví tað er so, men hann vil ikki gera við­merkingar um hetta samskiftið. Og meðan Johnny í Grótinum hevur váttað fyri Sosialinum, at eitt slíkt samskifti er til, so er svarið tað sama frá Kringvarpinum - har er einki samskifti, sum verður mett at verða fevnt av almennum inn­liti.  Á kantinum á innlitslógini Endamálið við innlitslógini er greitt. Í §4, stk. 1 í innlitslógini er púra greitt, at endamálið er at geva al­menninginum rætt til innlit í skjøl, sum eru gjørd ella móttikin sum liður í fyrisitingarligari saks­ við­gerð.  Lógardeildin á Taks sigur tó, at samskifti millum stjórarnar báð­ ar ikki kann vera partur av fyri­ sit­ingarligari saksviðgerð. Tað er tó lítil ivi um, at samskifti millum tveir almennar stjórar um málsøkið hjá báðum pørtum, má síggjast sum boð frá einum stovni til ein ann­an. Tað eru ikki privat boð, sum ikki viðkoma almenninginum, tá ið evnið í samskiftinum viðkemur báð­um stovnunum. Hjá Taks tí, at hetta er samskifti, sum viðkemur nógv umrødda skattamálinum.   Hjá Kringvarpinum er lítil ivi um, at telduposturin hevur verið lið­ur í einari fyrisitingarligari saks­viðgerð. Í øllum førum er greitt, at starvsfólk undir Johnny í Grótinum vórðu biðin um at fyri­ halda seg hesi boðini frá Eyðuni Mørkøre, og somuleiðis er Liljan Weihe síðani søgd úr starvi. Um ein beinleiðis orsøk til upp­sagnina er hetta samskiftið millum stjórarnar er óviðkomandi, tí inn­litislógin er eisini greið í, at stovnar ikki kunnu velja og vraka mill­um tilfar í málinum, tí alt innlit skal latast, sum hevur týdning í ein­ um máli, uttan so tað er fevnt av ávís­um undantøkum, sum eru óviðkomandi her.  Facebook samskiftismiðilin Hetta samskiftið, sum í øllum før­ um er viðkomandi í kjakinum um bæði uppsøgnina av Liljuni Weihe og um kjakið um hvørt Johnny í Grót­inum gjørdi avtalu við Eyð­un Mørkøre ella ikki, er ikki ein van­ ligur teldupostur. Hetta er held­ur eitt samskifti millum báðar stjór­ ar­nar á Facebook.  Tí dagin eftir kjakið í Dag­ ur&Viku, har Eyðun Mørkøre var gestur, sendi hann boðini til Johnny í Grótinum, sum kunnu síggj­ast aðrastaðni á síðuni her.  Spurningurin er so, hví stjórarnir báðir velja at samskifta á Facebook heldur enn at samskifta umvegis formellu teldupostadressur teirra.  Sosialurin hevur verið í sam­ bandi við fleiri løgfrøðingar. Teir eru á einum máli um, at um ein nýt­ir Facebook sum sam­skiftis­ mið­il, tá ið ein umrøður arbeiðslig við­urskifti, so ger tað ongan mun í sam­bandi við innlitslógina. Tí hóast innlitslógin hevur eitt niðara bag­atellmark, so kann hetta illa sig­ast at koma undir tað - óansæð hvussu tú samskiftir.  Loynilig samskifti STJÓRARNIR VILJA IKKI VÍSA TELDUPOSTIN Hjá Taks er fyrsta svarið, at einki samskifti er at finna. Næsta svarið er, at samskiftið ikki verður mett at verða fevnt av almennum innliti. Hjá Kringvarpinum verður tað somuleiðis ikki mett sum verandi fevnt av almennum innliti. Talan er um samskifti millum Johnny í Grótinum og Eyðun Mørkøre, sum hvørgin stovnur vil kennast við í dag. Spurnartekin má setast við, um hetta er at ganga ímóti endamálinum við innlitslógini KVF ORRUSTA