hósdagur 14. desember 2017síða 11

FRÍGGJADAGUR 15. DESEMBER 2017 SOSIALURIN 146 11 EIRIKUR LINDENSKOV BARBARA HOLM EIRIKUR@SOSIALURIN.FO  BARBARA@SOSIALURIN.FO  O rrustan í Kringvarpinum bara veksur í vavi og nú er eitt skjal komið undan kavi, sum kann hava týdning hendan ella handan veg­ in. Liljan Weihe er søgd úr starvi, men givið er, at hon ætlar sær ikki at fara stillisliga. Sigmund Poul­ sen, sakførari hjá Liljuni Weihe sigur við Miðlahúsið, at tey hava í hyggju at afturvísa uppsøgnini og somuleiðis at Liljan Weihe skal sleppa aftur til arbeiðis sum tíð­ inda­leiðari. - Skjalprógv er fyri, at avtala er gjørd við Eyðun Mørkøre, stjóra í Taks, um at sleppa framat í Kringvarpinum. Tað sigur Sig­ mund Poulsen, sakførari hjá Liljuni Weihe. Fyri at meta um, hvørt hetta skjalprógvið er avgerandi í mál­ in­um mugu vit fyrst kaga eftir pørt­um av ætlanarskrivinum hjá Lilj­uni Weihe.  Tí í ætlanarskrivinum um upp­ søgn av Liljan Weihe stendur mill­ um annað:  ”Tygum rógva eisini framundir, at tað ber til at gera avtalur við kringvarpsstjóran um at sleppa framat mikrofonum Kringvarpsins. Hesar grundgevingar eru ósannar, tí stjórin hevur ikki bjóðað Eyðuni Mørkøre framat mikrofonum Kringvarpsins. Eisini redaktørurin Ivan Niclasen avsannar, at tað fyriheldur seg soleiðis”.  - ætlan­ar­ skriv um uppsøgn av Liljan Weihe dagfest 30. november 2017.  Í her sigur kringvarpsstjórin, at hann ikki hevur bjóðað Eyðuni Mørkøre framat mikrofonunum. Men Eyðun Mørkøre sjálvur er eftir øllum at døma av aðrari fat­ an. Í øllum førum kann tað tulkast so­leiðis, um ein lesur skjalprógvi, sum Sigmund Poulsen vísir til. Samskifti millum Johnny í Grót­in­ um og Eyðun Mørkøre dagin eftir nógv umrødda kjakið í Dagur&Viku er her.  Telduposturin sum Johnny í Grótinum sendir til Ivan Niclasen byrjar við ”Latið okkum líka tosa um ”kjakið” týskvøldið. Eyðun skriv­aði hetta til mín í gjár” og kann síggjast her á síðuni. Sostatt er Eyðun Mørkøre av tí sannføring, at hann gjørdi avtalu við júst Johnny í Grótinum og við Ivan Niclasen, redaktør. Er annars í tráð við útlegging hjá Ivani Niclasen Boðini frá Eyðuni Mørkøre bera brá av, at hann í øllum førum upplivdi tað sum, at hann gjørdi avtalu við Johnny í Grótinum og Ivan Niclasen. Sostatt setir hetta samskifti spurnartekin við brotið í ætlanarskrivinum um uppsøgn, sum sigur, at eingin avtalan varð gjørd við stjóran.  Og so til hin spurningin, har hetta samskiftið eisini er við­kom­ andi - nevniliga hvussu gekk kjak­ kvøldið fyri seg. Hvør gjørdi avtalu við hvønn - ein spurningur, sum høvuðspersónarnir í málinum eru ósamdir um.  Ivan Niclasen, redaktørur hetta kvøldið, hevur greitt frá einari aðrari útlegging av hendingini, sum boðini hjá Eyðun Mørkøre eisini kunnu tulkast at leggja seg uppat.  Tí Ivan Niclasen hevur sagt alment fleiri ferðir, at hendingin fór so­leiðis fram, at Johnny í Grótinum alment í lesarabrævi beyð Eyðuni Mørkøre at greiða frá sínum sjónarmiðum um frágreiðinga hjá Bárði Larsen, bráðfeingisstjóra á Taks, í Kringvarpinum. Og Eyðun Mørkøre tók av, sambært Ivani Niclasen, og ringdi til Johnny í Grótinum, sum síðani spurdi Ivan Nicla­sen eftir sum redaktør í Dag­ ur&Viku tað kvøldið. Sostatt kann skrivið frá Eyðuni Mørkøre eisini tulkast á hendan hátt. - Her er hann Telduposturin, sum sakførarin hjá Liljuni Weihe heldur kann ógilda uppsøgn hennara, og sum stjórarnir Johnny í Grótinum og Eyðun Mørkøre ikki vilja lata innlit í, er nú komin undan kavi. Og hann er í andsøgn við tað, sum stendur í ætlanarskrivinum hjá Liljuni Weihe, meðan hann líkist tí, sum Ivan Niclasen hevur ført fram. Lesarin kann her meta um.  Nógv umrøddi telduposturin Teldupostur frá Eyðuni Mørkøre til Johnny í Grótinum ”Í aftursvari til mítt tíðindaskriv ”Óseriøsur og manipulerandi tíð­inda­flutningur” skrivar Johnny í Grótinum millum annað so­leiðis: "Best hevði tó verið, um stjór­in á TAKS sjálvur svaraði fyri seg og útdjúpaði almennu við­merk­ingarnar teirra til frá­greið­ing­ina hjá Bárði Larsen. Hetta stendur honum framvegis í boði". Men hóast avtalu við Johnny í Grót­in­um og við redaktørin Ivan Niclasen, um júst at sleppa at greiða frá hesum í Degi og Viku, so sig­ur kjakverturin at tað er ikki tað vit tosa um nú, men tvørturímóti kann­ingina hjá Bárði Larsen og bara tað. Tá eg so royni at greiða frá okkara sjónarmiðum, soleiðis sum avtalað var at eg skuldi, so blívi eg áhaldandi avbrotin, og vert­urin heldur fram á sama óseriøsa og manipulerandi hátt. Eg haldi hetta er rættiliga óseriøst og skilji ikki hvat endamálið er við hesum tíðindaflutninginum, ella mangulin uppá sama. Eg skilji at tað kann vera trupult hjá fjøl­miðl­um at síggja at vinklingin og miðlingin av einum máli yvir longri tíð vísur seg at vera skeiv ella óheppin, men sum ein public service stovnur, kann man ikki bara halda fram í sama skeiva spori. Eg eri enn einaferð skuffaður av arbeiðslagnum hjá KVF, og júst nú serliga av at man ikki kann líta á avtalur sum man ger við stjóran á KVF og redaktørin í mun til fortreytirnar til luttøku í einum kjaki sum var í gjárkvøldið.” - Eyðun Mørkøre til Johnny í Grótinum, og Johnny víðari til Ivan Niclasen dagfest 28. september 2017.