hósdagur 14. desember 2017síða 13

FRÍGGJADAGUR 15. DESEMBER 2017 SOSIALURIN 146 13 MILDRIÐ JACOBSEN MILDRID@SOSIALURIN.FO N ógv tann størsti parturin av teimum, sum eru í fátækraváða og hava søkt um jólahjálp frá Barnabata, eru einsamallir uppihaldarar við tveimum børnum. Í ár eru 158 av 218 umsóknum frá fólki í fátækraváða frá støkum. Tað eru 3 færri enn í fjør. Miðalinntøkan hjá støku um­ søkjar­unum er slakar 13.000 krónur um mánaðin. Tað eru 1.200 krón­ur meira, enn miðalinntøkan hjá støkum uppihaldarum, sum søktu um jólahjálp í fjør. Tá allar fastar útreiðslur eru goldnar, hava tey í meðal 3.400 krónur eftir at liva fyri um mánaðin. Nógv tey flestu, sum eru støk, búgva til leigu, og hava eina mánað­ar­ liga miðalleiguútreiðslu á slakar 5.000 krónur. Barnabati hevur fingið 60 um­ sókn­ir frá fólki, sum liva í parlagi. Tey hava í miðal 2,7 børn. Tey hava eina miðalinntøku á knappliga 17.000 krónur, og hava einar 4.300 krón­ur eftir um mánaðin at liva fyri. Í fjør vóru 71 umsóknir um jóla­hjálp frá fólki í parlagi. HAGTØLINI ERU GREIÐ HESI BIÐJA UM JÓLAHJÁLP Tølini hjá Barnabata vísa, at tey flestu, sum søkja um jólahjálp, eru støk, fáa forsorgarhjálp og hava fólkaskúlaútbúgving MIÐALINNTØKA HJÁ STØKUM OG PØRUM SAMBÆRT TØLUM HJÁ BARNABATA: 2017 2016 Støk: 12.900 kr./mðr. 11.700 kr./mðr. Pør: 16.700 kr./mðr. 17.500 kr./mðr. TØK UPPHÆDD AT LIVA FYRI HJÁ STØKUM OG PØRUM SAMBÆRT TØLUM HJÁ BARNABATA: 2017 2016 Støk: 3.400 kr./mðr. 3.200 kr./mðr. Pør: 4.280 kr./mðr. 3.910 kr./mðr. HØVUÐSINNTØKUGRUNDARLAG Tey flestu, sum hava søkt um jólahjálp frá Barnabata í ár, fáa forsorgarhjálp. Talan er um góð 21 prosent av umsøkjarunum. Talið er at kalla óbroytt samanborið við umsóknirnar, sum Barnabati fekk í fjør. Eisini nógv lesandi eru millum tey, ið eru so illa fyri fíggjarliga, at tey eru í fátækraváða. Tey lesandi eru stívliga 17 prosent av umsøkjarunum. Tað eru góð 3 prosent færri enn í 2016. HØVUÐSINNTØKUGRUNDARLAG HJÁ STØKUM OG PØRUM SAMBÆRT TØLUM HJÁ BARNABATA: 2017 2016 Forsorgarhjálp 21,10% 20,26% Útbúgvingarstuðul 17,43% 20,69% Fyritíðarpensjón 8,72% 7,76% Arbeiðsloysisstuðul 4,59% 7,33% Barnsburðarfarloyvi 4,13% 3,45% Sjúkrameldað 3,67% 2,16% Av teimum 218, ið eru í fátækraváða, og hava søkt um jólahjálp í ár, eru góð 16 prosent í starvi á almenna ella kommunala arbeiðsmarknaðinum. Hetta talið er at kalla óbroytt samanborið við umsóknirnar, sum Barnabati fekk í fjør. Stívliga 16 prosent starvast á privata arbeiðsmarknaðinum, og tað eru sløk fýra prosent fleiri enn í 2016. ÚTBÚGVING Nógv tann størsti parturin av teimum, sum eru í fátækraváða, og sum hava søkt um jólahjálp frá Barnabata bæði í ár og í fjør, hava fólkaskúlaútbúgving sum hægsta útbúgvingarstig. Í spurnarblaðnum, sum skal svarast, tá søkt verður um jólahjálp, svara næstan 42 prosent, at hægsta útbúgvingin hjá teimum er fólkaskúlaútbúgving. Í fjør var talan um sløk 44 prosent. Knappliga 23 prosent hava miðnámsskúlaútbúgving sum hægstu útbúgving, og góð 20 prosent eru yrkislærd ella hava miðallangar útbúgvingar, sum vanliga taka eini 3 til 4 ár. Góð tvey prosent av teimum, sum søktu um jólahjálp bæði í ár og í fjør, hava útbúgving frá hægri lærustovni, eitt nú kandidatútbúgving. ÚTBÚGVING HJÁ STØKUM OG PØRUM SAMBÆRT TØLUM HJÁ BARNABATA: 2017 2016 Fólkaskúlaútbúgving 41,74% 43,53% Miðnámsskúlaútbúgving 22,94% 19,83% Stutt útbúgving (1-2 ár) 12,84% 13,36% Yrkislæru (2-4 ár) 10,09% 11,64% Útbúgving (3-4 ár) 10,09% 9,48% Hægri útbúgving 2,29% 2,16% Í tølunum hjá Barnabata fyri 2017 sæst eisini, at nógv tey flestu, sum hava søkt um jólahjálp, hava eisini søkt tey undanfarnu árini. Bara 26 av teimum 218 umsóknunum, sum eru innkomnar frá fólki í fátækraváða, eru frá umsøkjarum, sum ikki hava søkt um jólahjálp fyrr. Næstan 32 prosent av umsøkjarunum í fátækraváða hava søkt um jólahjálp trý ár á rað. Tey fevna um umleið 142 børn. Av teimum 218 umsóknunum, sum Barnabati fekk um jólahjálp í ár frá fólki í fátækraváða, eru 192 umsóknir frá kvinnum og 26 frá monnum. Nógv søkja um jólahjálp hvørt ár.