mánadagur 18. desember 2017síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 18. desember 2017 · Nr. 147 Samgongan løgd undir at keypa 17.atkvøðuna Andstøðan leggur samgonguna undir at keypa sær 17.atkvøðuna gjøgnum fíggjarlógina Árni Gregersen At viðurskiftini millum andstøðu og samgongu eru køld, sást best undir endaliga orðaskiftinum um fiskivinnunýskipanina, men áltið um fíggjarlógina vísir eisini tað sama, tá ið hugt verður eftir hvatr meitlutin og minnilutin skriva. Serliga eru viðmerkingaarnar frá minniulutanum, Bárði av Steig Nielsen, Sambandszflokkurin, Jacob Vestergaard, Fólkaflokkurin, og Bill Juistinussen, Miðflokkurin, hvassar. Minnilutin víðger í stórazn mun tað, sum í mannamunni verður kallað politiskir rosssahandlar. Teir siga, at hvørki minnilutin ella Føroya fólk kennir til allar rossahandlarnar, sum eru gjørdir fyri at halda samgonguna koyrandi. Men tó eru nakrir handlar komnir í alment ljós, sum boða frá ófrættakendum hugburði hjá ráðandi elituni. Minnilutin sigur víðari: Tann eini samgongutinglimurin hevur ferð eftir ferð sett samgonguni krøv fyri at geva henni 17. atkvøðuna. Í mun til fíggjarlógina fyri 2018 varð eitt av krøvunum sera sjónligt, nú fiskivinnunýskipanin varð samtykt. Fyrst fall málið um frádrátt til yrkisfeløg í Løgtinginum mánadagin 11. desembur, og longu týsdagin, sama dag sum fiskivinnunýskipanin kom til 3. og endaligu viðgerð í Løgtinginum, varð málið lagt framaftur við 17 undirskriftum. Kostnaðurin fyri 17. atkvøðuna frá Sonju Jógvansdóttir í hesum føri er 40 mió. krónur. • Sami tinglimur hevur eisini sett samgonguni krøv um, at fyritíðarpensjónirnar skulu hækka munandi. Upprunaliga hevur hon kravt eina hækking á kr. 3.000. Men í fyrsta umfari hevur samgongan játtað at givið eina generella hækking á kr. 1.000 til hvønn fyritíðarpensjónist. • Kostnaðurin fyri 17. atkvøðuna er í hesum føri kr. 25 mió, ið verður lagt til kommunurnar at gjalda. Íalt kostar sostatt 17. atkvøðan frá tí eina tingliminum í samgonguni kr. 65 mió. • Fyri at fáa undirtøku fyri pensjónsnýskipanini hevur samgongan keypt Sjálvstýri fyri kr. 21 mió. til Klaksvíkar Sjúkrahús og kr. 2 mió. til nýtt tilboð til heimleys í Klaksvík. • Menningarkvoturnar blivu seldar á afturlatna samgongumarknaðinum, áðrenn tær blivu bodnar út til allar føroyingar á jøvnum føti. Viðmerkingin til §60 í lógini um Sjófeingi ásetir ávís støð í Føroyum, har samgongutinglimir búgva, sum eru prekvalifiserað til menningarkvotur. • Borgarstjórar stýra løgtingsarbeiðnum. Hvørja ferð, eitt uppskot nærkast tingborði, sum hevur øktar útreiðslur til kommunurnar við sær, stinga borgarstjórarnir í Løgtinginum høvdini saman og trýsta samgonguna at broyta ætlan. Útreiðslur, sum undir vanligum umstøðum skuldu verið býttar millum land og kommunur, verða í nógvum førum lagdar á landskassan. • Uttanumparlamentarisma stýrir arbeiðnum í fíggjarnevndini og í stóran mun í Løgtinginum. Fyri at halda upp á allar mill­um­ rokningarnar, sum koma í kjal­ arvørr­inum av polit­isku rossa­handl­ un­um, hevur sam­gongu­meiri­lut­in í fíggj­ar­nevndini saman við Sjálv­ stýri latið sítt vald í hend­ur­nar á lands­stýrisfólkunum. Tað er bæði skrivað og óskrivað lóg, at meðan fíggjarnevndin ar­ beiðir, halda landsstýrisfólk seg burtur frá fíggjarlógini. Á Løgtingi sita fólk við tí mandati, tey hava fingið frá fólkinum. Landssýrisfólk eru sett í starv av løgmanni, sum er valdur av Løg­ ting­inum, sum er valt av fólkinum. Tí er tað alt annað enn í trá við fólka­ræði, at landsstýrisfólk stýra arbeiðnum í fíggjarnevndini. 2. viðgerð av fíggjarlógini er seinna­partin og í kvøld. Orðaskiftið um fíggjarlógina verður seinnapartin og í kvøld. Minnilutin - Jacob Vestergaard, Bárður á Steig Nielsen og Bill Justinussen eru ógvuliga hvassorðaðir í viðmerkingum í álitinum frá fíggjarnevndini