mánadagur 18. desember 2017síða 6

Mánadagur 18. desember 2017 · Nr. 147 6 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Hvønn sang hevði tú ynskt, at tú hevði skrivað? – Eg hevði ikki ynskt at tikið sangir frá nøkrum, men eg elski tó nógvar sangir. Til dømis Yesterday hjá Paul McCartney og Lean On Me hjá Bill Withers. Hvørjum leingist tú eftir í Føroyum? – Familjuni, vinum, náttúruni og fótbóltinum. Eyðun Klakstein Tá ið Dánjal Rói Olsen fyri fýra árum síðani hevði tikið eina bachelor útbúgving innan búskap, skuldi hann velja ímillum víðari útbúgving ella at taka stigið út í lívið sum tónleikari fulla tíð. Valið stóð ímillum eina kandidat útbúgving í Kina ella ein óvist lív sum tónleikari í Sydney. Hann valdi tað seinna, og síðani hevur tónleikur verið í miðdeplinum í hansara lívi. – Eg droymdi um at kunna liva av tón­ leiki – at skriva sangir og spæla konsertir – og skuldi eg koma til tað, mátti eg spæla tónleik og einki annað. So eg valdi at taka stigið, og nú havi eg livað av tónleiki í fýra ár, sigur Dánjal Rói Olsen, sum brúkar listarliga navnið Dan Olsen. Í eitt hálvt ár búði hann í einari íbúð í Sydney, har 12 fólk búðu upp á skift. Nógv av fólkunum komu og fóru við rygg­ sekki, og Dánjal Rói hevði lítið kamar við tveimum koyggjusongum saman við trim­ um øðrum fólkum. – Eg vildi hava livikostnaðin so lágan sum gjørligt, men vildi vera mitt í Sydney, og tí bleiv tað til tann bústaðin. Har frá kundi tað næstan bara ganga ein veg, sigur Dánjal Rói. Og tað gjørdi tað, tí nú býr hann í íbúð mitt í London, har miðdepilin fyri hansara tónleikavirksemi er. Valið í Australia Dánjal Rói Olsen er argjamaður, og hann byrjaði at spæla gittar, tá ið hann var um 12 ára aldur. – Mamma mín hevði teknað meg til gitt­ ar­spæl í Musikkskúlanum í Havn, men eg hevði størri áhuga fyri ítrótti. Hon dugdi væl at selja mær hugskotið, tí hon segði, at eg hevði staðið leingi á bíðilista, og tað vóru ikki øll, sum sluppu inn. So eg valdi at geva tín ein kjans, greiðir Dánjal Rói Olsen frá. –  Eg gekk til klassiskt gittarspæl hjá Ólavi Jakobsen, sum var ein góður lærari og lærdi meg teknikkin at spæla gittar. Eg spældi ymisk klassisk stykki, men so líð­andi fekk eg meira áhuga fyri at spæla popp­sangir, sum eg hoyrdi í radionum, og eg byrjaði at spæla í veitslum og aðra­ staðni. Tá ið Dánjal Rói hevði tikið miðnáms­ prógv í Hoydølum, fór hann til Danmarkar á hægri lestrarstovn at taka útbúgving inn­an búskap. Eftir tvey lestrarár flutti hann heimaftur til Føroya eina tíð, men valdi so at fara til Australia at taka seinasta árið av útbúgvingini. Og har var tað, at tað av álvara festi í fjúsið at spæla tónleik. – Eg flutti til Sunshine Coast í Australia, og umframt at taka útbúgvingina hugsaði eg, at eg skuldi blíva betur til enskt, og so vildi eg royna at búgva í einum øki, har tað er summar mest sum alt árið. Í bak­høvd­ inum lá okkurt annað eisini og lúrdi, men eg var ikki heilt greiðir yvir, hvat tað var. Tað vísti seg, at hugurin til tónleik av álv­ara kom undan kavi í Australia, har Dánjal Rói byrjaði at spæla á onkrum sonevnd­um »open mic« tiltøkum í Sun­ shine Coast. Tað førdi til, at hann fekk betalt­ar uppgávur sum tónleikari. Tá ið útbúgvingin var liðug, valdi Dánjal Rói at flyta til Sydney at royna seg sum tónleikari. – Eg segði við meg sjálvan, at eg byrjaði lutfalsliga seint upp á tónleikin, so eg mátti brúka alla mína tíð upp á hann, um tað skuldi blíva til nakað. Eg vildi spæla kon­sertir og blíva betri til at skriva sangir, og mongu framførslurnar í Sydney gjørdu meg betri, sigur hann. Eftir eitt skifti á sjónleikarskúla í Sydney avgjørdi Dánjal Rói Olsen at flyta til London at gera meira við tónleikin. – London er ein spennandi býur við nógvum møguleikum, men tað var eisini øgi­liga hart at flyta hertil, tí tað eru so nógvir dugnaligir tónleikarar her, og tú skalt veruliga stríðast fyri at sleppa fram­ at, sigur Dánjal Rói Olsen. – Í London valdi eg at finna ein bíligan bústað, og so bara fáast við tónleik. Eg bankaði upp á nógvar dyr fyri at fáa kjansin at framføra, og eg varð avvístur nógva­staðni. Men so líðandi fekk eg møgu­ leik­ar, og so kom ein nøkunlunda inntøka til at liva av. Innspælt í London Í London fór Dánjal Rói Olsen veruliga und­ir at arbeiða við sínum egnu sangum. Hann hevði skrivað nakrar sangir í Australia og vildi hava teir innspældar í Lond­on. Har fekk hann samband við kenda framleiðaran Steven Williams, sum tók tveir sangir upp saman við Dánjal Róa. Ann­ar av teimum sangunum er »Here With Me«, sum er spældur meira enn 700.000 TÚ MÁST TOLA AT VERÐA AVVÍSTUR – Tað gongur nógv upp og niður, og tú veist ongantíð nakað við vissu. Nógv fólk lova nógv, men levera lítið. Men tú mást fara eftir øllum kjansum, tí tað kann vera, at onkur teirra blívur til nakað. Hóast tú verður avvístur og vónbrotin við hvørt, mást tú ikki missa mótið, men fara víðari, sigur Dánjal Rói Olsen, sum seinastu fýra árini hevur verið yrkistónleikari í Australia og Onglandi