týsdagur 19. desember 2017síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 20. desember 2017 · Nr. 148 SKOPUN FÆR NÝGGJA INNKOYRING NÆSTA ÁR Vilmund Jacobsen Fiskaarbeiðið, sum er á fiska­ virkinum í Skopun, krevur, at stórir trailarar javnan koma við fiski til bygdar. Bilar­nir koma suður við Teista­num og seta fiskin av við fiska­virkið. Tíðin stendur ikki í stað, og tað er ikki longur sum fyrr, tá skipini løgdu fiskin upp í Skopun ella á Sandi. Men, innkoyringin til bygd­ina í Skopun hevur gjøgn­um mong ár verið ein fløsku­hálsur. Borgarstjórin í Skopunar kom­munu, Gerhard Logn­ berg, dylur ikki fyri at siga, at innkoyringin til bygdina bein­leiðis er ”elendig”, sum hann tekur til, og nú skal hon betrast. - Vit hava sett pengar av til nýggja innkoyring, og í komandi ári skal hon gerast. Eg vænti, at vit kunnu fara í holt við hetta ar­beiði komandi summar, og ætlanin hjá okkum er, at ar­beiðið skal gerast liðugt í 2018, sigur borgarstjórin. Tvinnir møguleikar Gerhard Lognberg sigur, at møguleikarnir at betra um inn­koyringina til bygdina eru tvinnir - antin at fara inn í benið oman fyri ella at taka bátadráttin og eitt horn burt­ ur av bátahylinum. - Vit høvdu ætlað okkum at keypt eitt sindur av niðas­ ta parti av lendinum und­ir húsunum, har Petur Mohr Dam, sáli, vaks upp, og vit bóru hetta upp á mál yvir fyri teimum, sum áttu húsini. Men, síðan ætlanir vóru frammi um at keypa, hava hús­ini fingið nýggjan eigara. Vit vita tískil ikki neyvt í løtu­ni, hvussu landið liggur. Borgarstjórin sigur, at nýggja innkoyringin í øll­um førum skal gerast, og hann heldur ikki, at tað er nakar stórvegis trupuleiki, um neyðugt verður at taka báta­ dráttin og eitt horn burtur av bátahylinum til útfylling. - Bátadrátturin verður ikki nógv brúktur. Teir flestu, sum taka bát upp ella seta bát á sjógv, brúka kranabilar, sig­ur hann. Kanska beding Hinvegin heldur Gerhard Logn­berg, at Skopun átti at fingið ein nýggjan bátadrátt á leiðini, har sum gamla portr­ið í havnini var áður. - Her kundi verið skorið fyri til ein nýggjan bátadrátt, men sjálvur kundi eg hugsað mær, at vit heldur fingu eina lítla beding. Borgarstjórin sigur, at tá hann var óviti, var beding í Skopun, har rímiliga stór deks­før kundu takast upp. - Verður tað soleiðis, at vit noyðast at taka verandi báta­drátt og eitt horn burt­ur av bátahylinum til inn­koyr­ ingina, fara vit ivaleyst eisini at byggja ein nýggjan báta­ drátt, sum kanska verður ein lítil beding, sigur Gerhard Lognberg. Vilmund Jacobsen Hin 1. mars 2018 verður Ger­ hard Lognberg leysur av sjúkra­flutningstænastuni í Sand­oynni, sum hann hevur havt ábyrgdina av heilt síðan 1993. Hann hevur sagt starvið frá sær, og Landssjúkrahúsið hevur bjóðað tænastuna í Sand­oynni út. - Eg havi havt ábyrgdina av sjúkraflutningstænastuni øll hesi ár, og eg haldi, at tað eftir umstøðunum hevur ging­ið væl, tó at nógvir ymiskir dagar og uppgávur hava verið. Seinnu árini hevur Ger­ hard Lognberg ikki sjálvur verið aktivur partur av sjúkra­flutninginum, men hann hevur framvegis verið leiðari, eins og flutningurin hev­ur verið hansara ábyrgd, dag sum nátt. - Eg havi verið partur av aktivu manningini øll ári­num heilt fram til fyri umleið fýra árum síðan. Nú henda tíðin gongur móti endanum, kennist tað sum ein lætti, sam­stundis sum eg gleðist um, at vit øll hesi ár hava roynt at gjørt okkara besta, sigur Gerhard Lognberg. Tá vanlukka rakti Leiðarin vísir á, at skal ein sjúkraflutningstænasta í Sandoynni virka væl, er neyðugt, at í minsta lagi trý ella fýra fólk eru knýtt at tænastuni. - Minsta kravið í sjúkra­ bili­num er tvey fólk, og fólk mugu eisini hava frí, tí neyðugt er, at sjúkrabilurin er tøkur og til reiðar allar 24 tímar­nar í samdøgninum. Gerhard Lognberg sigur, at í gjøgnum so mong ár hev­ ur hann upplivað bæði tær góðu og minni góðu síðurnar av slíkum arbeiði, og eitt tað ringasta hevur verið, tá van­ lukkan rakti børn og ung. - Innkoyringin til bygdina er ”elendig”, og vit hava sett pengar av til nýggja innkoyring, sigur Gerhard Lognberg, borgarstjóri í Skopunar kommunu Havt ábyrgd av sjúkraflutningi í fjórðings øld - Nú henda tíðin gongur móti endanum, kennist tað sum ein lætti, samstundis sum eg gleðist um, at vit øll hesi ár hava roynt at gjørt okkara besta, sigur Gerhard Lognberg Síðan 1993 hevur Gerhard Lognberg havt ábyrgdina av sjúkraflutningstænastuni í Sandoynni Mynd: Vilmund Jacobsen INNKOYRING - Noyðast vit at taka bátadráttin og eitt horn burtur av hylinum í samband við nýggja innkoyring, er ikki óhugsandi, at vit kanska í staðin fáa eina lítla beding, sigur Gerhard Lognberg, borgarstjóri Mynd: Vilmund Jacobsen