hósdagur 21. desember 2017síða 11

FRÍGGJADAGUR 22. DESEMBER 2017 SOSIALURIN 149 11 fimm metrar. Soleiðis er eisini við tiltøkum. Tað er nógv betri at gera tiltøkini í tryggum umhvørvi saman við góðum fólki, og so gera tey enn betri árið eftir, sigur hann. Fyrsta Jólaskipið Fyrsta jólaskipið var reyði og jóla­ ligi AWI 27 báturin hjá pápa Niclas Hera. Pápi Emil hjálpti at pynta bátin, og pápi Niclas Hera var skipari. Teir væntaðu ikki nógv fólk fyrsta árið, men tá hann og Emil sum jólamenn, og pápar teirra sum manning, komu siglandi inn eftir vágni, blivu teir bilsnir av, at so nógv fólk vóru møtt upp. –Tá vit høvdu hugsað um hetta konseptið, so vóru vit eisini bangnir fyri, um tað nú fór at eydn­ ast, sigur hann. Niclas Heri greiðir frá, at hann minnist, at teir keyptu tvær karamellu­eskjur, tí so kundu teir geva børnunum karamellur, tá teir komu í land í lítla bátinum. Teir sigldu ikki út um Klaksvíkina, men nakað út, tendraðu síðani tvey neyð­bluss og sigldu so inn aftur. – Vit vórðu tiknir á bóli av mót­ tøkuni, og skundaðu okkum inn í Statoil, sum tað kallaðist tá, og keyptu seks karamellueskjur aftur­ at, sigur hann. Hann minnist, at tey næstu árini fingu teir fleiri vinmenn afturat sær, og síðani eisini Klaksvíkar hornorkestur og skótarnar, sum tóku í móti skipinum við kyndlum. Eftir tað var skrúðgonga niðan til vøllin, har borgarstjórin bar fram røðu. Tiltakið var tá nógv vaksið, og tað var á tremur við fólki. Ågot sum jólaskip Tiltakið var so mikið væleydnað, at tað bleiv ein fastur táttur í Klaks­ vík - og tá eigararnir og mann­ing­ in á línuskipinum Ågot bjóðaðu seg fram at vera ein partur av til­ takinum, fekk tað bein at ganga á. Tá komu einir 10 jólamenn afturat, og knappliga pyntaðu teir bátin í fleiri tímar, og tóku eisini fleiri hundrað neyðbluss og flott fýrverk við. Nógvir eru jólamenninir, sum hava hjálpt til øll hesi 28 árini, og nógv hava hjálpt og stuðlað - bæði privat­persónar og vinnulívið. Norð­ lýsið og Klaksvíkar Hornorkestur hava verið ein hollur stuðul øll árini, eins og Klaksvíkar Kommuna altíð hevur eggjað og stuðlað til­ taki­num, greiðir hann frá. Ársins Rósa Í 2004 kom Ársins Rósa inn í tiltakið, sum setur fokus á per­ són­ar, sum í stillum hava gjørt væl­gerandi arbeiði. Hetta var við íblástri frá Lægens Bord, sum í sjónvarpssending deildi "Måned­ ens buket" út. – Vit gjørdu eina nevnd, sum ár eftir ár fekk uppskot frá al­ menn­inginum um, hvør skuldi fáa heið­urin Ársins Rósa. Hetta er ein, sum ger vælgerandi arbeiði uttan at hugsa um vinning. Helst onkur, sum ikki buldrar avstað og ger nógv burturúr sær sjálvum, sigur hann. Í dag eru fleiri jólaskip runt land­ið, og Niclas Heri heldur, at tað er bara at gleðast yvir, at onnur hava tikið táttin upp. –Tað er fantastiskt. Eg havi ongan­tíð havt nakað ímóti, at nakar brúkar míni hugskot. Tey kunnu eisini brúka tey, áðrenn eg realiseri tey sjávur, sigur hann. Sælari at geva Fyri Niclas Hera er tað sælari at geva enn at fáa, og hann er vísur í, at tað er so fyri onnur eisini. –Tað er eitt ómetaligt vælsignilsi, ið mann fær, tá mann ger tiltøk, sum gleða onnur. Er tiltakið væl um­hugsað og fyriskipað, og hevur sam­leikin nakað við tað góða, vakra og varandi at gera, so veit man við vissu, at tað ger gott fyri ein, sigur hann. Hann heldur tí eisini, at tað er lætt at gera ein gott tiltak um jóltíðir, tí fólk eru í góðum lagi, og tað er fjálgt og vakurt rundan um ein. Tá farið verður undir slík tiltøk er umráðandi, at vinnulívið og menta­n­ar­lívið hjálpast at. Tá til­ takið Jólaskipið varð sett í verk, var lætt at finna stuðul í vinnuni, og tí bar til at vaksa um tiltakið á hendan hátt. –Man fær skjótt góða undirtøku mill­um manna, um man setur nógv í sving, og eru tiltøkini væl løgd til rættis og samskipað, so er sannlíkt, at nógv fólk taka tey til sín, sigur hann av góðum royndum. “Summi siga, at samfelagið onki ger fyri okkum, men vit eru samfelagið og hava eina felags ábyrgd. Gávurnar, sum eg havi fingið, kunnu samanberast við eitt klaver frá BR, men eg spæli altíð upp á allar tangentarnar” Jólaskipið kemur til Klaksvíkar 19. desember 2017 28. árið á rað