hósdagur 28. desember 2017síða 16

FRÍGGJADAGUR 29. DESEMBER 2017 SOSIALURIN 150 16 Byggja skip til cruise á Norðpólinum Nú verður fyrsta ferðamannskip bygt til at sigla í økinum kring Norðpólin. Tað er norska skipasmiðjan Vard Søviknes, sum byggir heimsin fyrsta cruise- skip, sum er ætlað at sigla kring Norðpólin. Hetta skrivar Arkitisk Nyt. Franska reiðaríið Ponant hevur umbiðið skipini, sum ætlandi verða liðugtbygd í 2021. Ponant førir seg fram við marglætisskipum. Ponan Icebreaker, sum nýggja skipið skal eita, fer at hava pláss til 270 ferðafólk á 175 kømurum. Skipið verður 150 metrar langt, og manningin fer at telja 180 fólk. Skipið fer at hava tvær tyrlur umborð. Prísurin fyri Ponan Icebreaker verður tvær milliardir krónur. Vit eru í seinastu døgunum í 2017 – eitt hendingaríkt ár. Búskaparliga hevur tað gingið væl sum heild, sjálvt um ikki øll hava fingið lut í góðu gongdini. Samfelagið hevur fingið nógvar skatta- og avgjaldskrónur í kass­an og stóru og miðalstóru vinnufyritøkurnar hava eisini havt avlop. Stuttligt at síggja, hvussu væl nøgdir politkiararnir eru við gongd­ina. Tey vita øll, at meira pengar koma í almennu kassarnar, meira eru hjá politkkarunum at deila út. Alt verður koyrt undir, at góða gongdin snýr seg um at tryggja okkara felags vælferð, men við­ hvørt ivast ein í, um tað er júst so­ leiðis tingini hanga saman. Tá ið vanliga verður tosað um vælferð, so snýr tað seg um heilsuverk, skúlaverk, børnini og tey gomlu og tey veiku. Eg veit væl, at onnur ting hanga saman við vælferðini, men verður hugt at fíggjarlógini til dømis, so sæst hvussu stórur partur eisini verður brúkt til onnur ting. Eftirlit við hvørjum æðrum, kontrol og so hesar ílkøgurnar, sum hava heilt onnur endamál. Íløgur, sum privatir íleggjarar eins væl kundu gjørt. Eitt lítið mál, sum hevur verið uppi at venda, er eitt sjósavn. Upp­ skot var herfyri lagt fyri tingið um at gera eitt slíkt í Klaksvík, men tað fall. Grudgevingarnar vóru nógvar, men ein av teimum var, at savnið á Argjum hevur ætlanir um at vaksa um virksemið. Uppskotið fall altso og tað var samgongan, sum feldi upp­skotið. Tí sker tað í eyguni, tá ið fíggj­ arlógin nú var samtykt, so vóru 200.000 krónur settar av til fyri­ reiking av sjósavni í Klaksvík – og nú atkvøddu samgongufólk fyri upp­skotinum. Skilji hvør í skilja kann. Forkvinnan í fíggjarnevndini játt­aði meira ella minni fyri út­ varp­inum, at hetta var sett í fíggj­ arlógina fyri at fáa alt at ganga upp. Tey royna øll at lata sum hetta eru avgerandi samfelagsligar upp­ gávur, sum pengarnir hjá skatta­ borg­arunum í Føroyum skulu brúk­ast til. Ikki tí, eitt sjósavn ella okkur sum líkist í Klaksvík, ljóðar skilagott – serliga tá ið lurtað verður eftir ætlanunum hjá teimum sum fyrireika sjómannadagarnar í Klaksvík. Eg brúki hetta bert sum dømi um, hvussu lætt tað er at brúka pening, sum ikki eru eins egni, uttan at krøv verða sett og uttan at ein greitt kann siga, at hetta er ein uppgáva, sum samfelagið eigur at átaka sær. Havi altíð hildið, at fremsta uppgávan hjá politikarum er at raðfesta nýtsluna av teimum pengum, sum tað almenna dregur inn frá borgarunum. Havi ilt við at skilja, at hetta viðhvørt meira skal lagast eftir hvørjum politikarum ein játtan gagnar, heldur enn at hugt verður eftir, hvat gagnar samfelagnum best. Nógvar uppgávur eru stórar og tunga., Tí er tað umráðandi at raðfesta tær týdningarmiklastu fyrst. At hava ein ætlan fyri, hvussu íløgur verða gjørdar, samsstundis sum atlit veerður tikið til, hvat íløgurnar fara at kosta í rakstri. Á samferðsluøkinum hava vit eina íløguætlan fyri vegagerð. Hon verður ikki altíð hildin, tí har vinnur politiski viljin viðhvørt á tí raðfesta, men ætlanin finst. Tað sama kann ikki sigast um øll hini økini. Eitt praktiskt nýggjárynski kann vera, at hetta verður gjørt fyri allar samfelagsíløgur í fram­ tíð­ini, so vit sleppa undan, at politik­ararnir hvør í sínum lagi – alt eftir hvørjum lyklasstøðum tey sita í - sleppa at skræða skilgóðar játtanir, sum eru raðfestar, í smábitar, sum mest gagna nøkrum politikarum akkurát tá. Ája! Gott nýár, øll somul. Árni Gregersen, journalistur, skrivar Ája!