hósdagur 28. desember 2017síða 44

Fríggjadagur 29. desember 2017 28 Sosialurin Brot og bitar úr árinum, ið fór Hvussu var 2017 fyri teg? – Ivaleyst eitt tað árið í meira enn tretivu ár, har eg havi arbeitt mest. Høvuðsorsøkin var útgávan av "Færøsk Litteraturs Historie Første Bind 1298- 1950", sum kravdi at eg arbeiddi hvønn tann einasta dag vikuskiftini íroknað til bókin var liðugt prentað miðskeiðis í septembur. Og so fór skrivingin av krimisøguni "Heljarportur" í gongd. Hvør var besta upplivingin í 2017? – Ilt at siga, hvør upplivingin er tann besta, tí upplivingarnar vóru so fáar. Sum maðurin segði, var lívið hjá mær ein filmur, so hevði eg ikki tímað at sæð hann. Mín fyrsta vitjan úti í Mykinesi var í seinnu helvt av juli, og tað var hóast alt ein stór uppliving. Hvør var keðiligasta upplivingin í 2017? – Í mong ár havi eg siglt nakrar vikur hvørt summar við seglbátinum hjá mær, men av omanfyrinevndu grundum kom eg í 2017 næstan ikki út at sigla. Tað er ein saknur. Hvat hevur tú sett tær fyri at gera í 2018? – Havi sett mær fyri at skriva "Færøsk Litteraturs Historie Andet Bind 1950- 2018", soleiðis at bókin vónandi kann koma út várið 2019. Aftrat hesum fimta bindið um William Hammer og Skansadeildina. Uppímillum vónandi eina røð av ummælum. Arbeiddi so nógv sum sjáldan Jógvan Isaksen, rithøvundur Lívið hevur smílst til mín aftur Holgar Jacobsen, tónleikari Hvør dagur skal livast fult Elisa Heinesen, sniðgevi í London Hvussu var 2017 fyri teg? – 2017 var eitt betur ár fyri meg enn tey síðstu nógvu árini hava verið, heilsan hevur verið í lagi, nógv at spæla, og eg havi verið við í fleiri spennandi verkætlanum, spælt á øllum festivalum og einari fantastiskari Fólkatónleikarastevnu. Jú, eg haldi at lívið hevur smílst til mín aftur, og Gud havi lov fyri tað. Hvør var besta upplivingin í 2017? – Besta upplivingin er helst tann at eg havi møtt eini so sera fittari kvinnu í mínum lívið, helt faktisk ikki tað fór at henda mær aftur, takk Erika. Hvør var keðiligasta upplivingin í 2017? – Gud havi lov fyri at tær ikki eru so nógvar og stórar, tó vil eg siga, at lívið hevur lært meg ikki at samla uppá trupulleikar, eg einki fái gjørt við, eg vil heldur gera ein mun, har eg kann. Annars er tað í teimum truplu tíðum, tú kennir tínar verulig vinir. Hvat hevur tú sett tær fyri at gera í 2018? – Sjálvandi eru tað mínar egnu manglandi útgávur, ið eg má gerða okkurt við. Havi forsømt mítt egna tilfar alt ov nógv. Hvussu var 2017 fyri teg? – 2017 var produktivt, litríkt og fult av lærdómi. Hvør var besta upplivingin í 2017? – Besta upplivingin í ár var frítið vid familju og vinum. Leiðin gekk til Turkaland, Føroyar og París. Eitt annað var, at unnustan hjá Captain America gekk í kjóla frá mær. Tað var sera stuttligt fyri elsta drongin hjá mær, sum elskar Captain America. Hvør var keðiligasta upplivingin í 2017? – Grenfell Towerblock tragedian var heilt avgjørt keðiligasta upplivingin í 2017. 71 fólk doyðu í eldbrandi í háhúsi í vestur London. Hjálparloysi og frustration vóru kenslurnar, sum stóðu fremst. Politiskt sæð reint globalt – ongi orð! Hvat hevur tú sett tær fyri at gera í 2018? – Eg gleði meg longu at fara í holt við 2018. Eg havi altið dámt at lívið er bytt upp í sesongir, og vár er tann ultimativa byrjanin. Alt tad, sum árið, ið fór hevur lært meg, skal nú setast í verk. Lívið er stutt, og hvør dagur skal livast fult. Soleiðis var okkara Vit hava spurt nøkur fólk um, hvussu tey upplivdu 2017, og hvat tey hava sett sær fyri í 2018 2017