týsdagur 2. november 2004síða 11

Nr. 209 • týsdagur • 2. november 2004 • 78. árgangur • www.sosialurin.fo Seinastu spurning- arnir avgreiddir Seinasti dysturin um upp- og niðurflyting varð avgreiddur í farnu viku. Dysturin stóð millum Skála, sum gjørdist næst aftust í triðju deild og GÍ, sum vann silvur í fjórðu deild. Skála vann báðar dystirnar, og halda teir soleiðis fast um sessin í triðju deild, meðan gøtumenn mugu bíða í øllum førum eitt ár, áðr- enn hetta skal eydnast teimum. -jm Skiftið hjá Niclas staðfest Í farnu viku skrivðu vit, at tað eftir øllum at døma fór at eydnast B36 at knýta Niclas Niclasen úr KÍ afturat besta hóp- inum. Fríggjadagin kundi B36 so á heima- síðu sínari staðfesta skiftið. Soleiðis verður tað helst hann, sum saman við Pól Thor- steinsson fer at manna miðverjuna hjá B36 komandi kappingarár. -jm Útlending- arnir hjá ÍF verða verandi Tað hevur ikki verið nøkur loyna, at fleiri av føroysku fótbóltsfeløg- unum hava ligið fram- við eftir undirskriftun- um hjá Ahmed Sylla og Gunnar G. Nielsen, sum í ár hava leikt fótbólt við ÍF. Soleiðis skrivaðu vit í leygardagsblaðnum, at B36 hevur sýnt leikar- unum stóran áhuga. Og sum skilst, so høvdu teir báðir eisini hugt at um- støðunum í B36. Men tað skiftið verður so av ongum nú. Úr Fuglafirði eru boðini, at leikararnir í dag hava gjørt nýggjan sáttmála við ÍF, har teir soleiðis eisini fara at spæla fót- bólt komandi kapping- arár. -jm Føroyingar gott fótafesti í toppinum Horsens og Frem fingu fult, meðan tað eftir stinna kapping- arbyrjan er gerandis- dagur hjá Fremad Amager og føroysku spælarunum á Amag- er, sum ikki eiga pláss millum teir fyrstu ellivu DANMARK 1. DEILD Jóannes Hansen Tað gongur ógvuliga væl hjá Horsens og Frem. Hesi bæði feløgini eru á uppflyt- ingar plássunum, og í viku- skiftinum fingu tey bæði fult. Johan Byrial Hansen og Horsens vóru í Næstved, har tað eydnaðist at vinna sannførandi 3-1. Mikukvøldið tapti Frem 2-0 á heimavølli móti Skjold. Tað var í steypa- kappingini. Leygardagin hittust feløgini aftur. Tað var í landskappingini og á Eysturbrúgv, har Skjold heldur til. Frem hevndi tapið í steypakappingini so dyggiliga. Teir vunnu ikki minni enn 4-0. Jón Rói Jacobsen var á vølllinum allar 90 minuttirnar. Hann taldist ikki millum mál- skjúttarnar hesa ferð. Í 10. minutti fekk hann gult kort. Fremad Amager hevði vitjan av Fredericia. Úrslit- ið var málleysur javnleikur. Eftir at teir eitt skifti vóru á uppflytingarplássi, er Fremad Amager nú dottið niður á sjeynda plássið, men tað er ikki so langt fram á triðja plássið. Hesa ferð var eingin føroyingur millum teir fyrstu ellivu. Andrew av Fløtum varð skiftur inn beinanvegin eftir steðgin, og Hjalgrím Elttør varð skiftur inn, tá ið tað restaði eitt korter. Fram ímóti dystarenda vildu teir á heimaliðnum hava brots- spark, tí Andrew av Fløtum fór um koll, men tað var dómarin ikki samdur við teimum í. SønderjyskE og Vejle eru væl við í kappingini um bestu plássini. Hesa ferð vann Vejle 3-0 á heimavølli móti HIK, sum í fyrstu umførunum stóð seg óvan- liga væl. Nú er HIK á sætta plássinum — eitt pláss frammanfyri Fremad Amager. Fyrrverandi føroyski landsliðsspælari ger nógv um seg í Lyngby DANMARK 2. DEILD Jóannes Hansen Tað gongst væl hjá Christi- an Lamhauge Holst. Hann er í álopinum hjá Lyngby, sum spælir í triðju bestu donsku deildini. Í fjør helt Henrik Larsen, sum spælir oldboys fótbólt í Lyngby, har hann hevur sína dagligu gongd, at Christian var ein møguleiki á føroyska landsliðnum, og hann varð úttikin. Í ár hevur Christian ikki verið á landsliðnum. Men hann hevur skorað nógv mál fyri Lyngby, og aftur í vikuskiftinum var hann í brennideplinum. Lyngby vann 4-1 á útivølli móti Holsterbro, og Christian Lamhauge Holst skoraði tvey mál. Ein annar gamal kenningur í Føroyum skoraði eisini í 2. deild í Danmark.Karsten From, sum í fjør spældi bæði við HB og NSÍ, spælir nú við Kolding, og hann skoraði einsamalla málið, tá ið Kolding í vikuskiftinum hevði vitjan av Glostrup Tað er føroyskur dámur í toppinum av næstbestu donsku fótbóltsdeildini. Johan Byrial er fastur maður á liðnum hjá Horsens, sum er á odda í deildini. Nummar tvey er Frem, har Jón Rói verður mettur sum týðandi partur av stinnu verjuni Kendir málskjúttar 21 20 Nr. 209 - 2. november 2004 Herfyri spældu átta ára gamli Torstein og nakrir av hansara vinmonnum í einari gamlari grund í Vest- manna, tá Torstein brádliga datt einari fimm ella seks metrar niður og lendi á sjógvi. Torstein kom ótrúliga væl frá óhappinum, og fleiri eru tey, ið siga, at mestur man ein verndareingil hava havt eyguni eftir honum ÓHAPP Solby A. Eliasen solby@sosialurin.fo Torstein Paulason Bratta- berg slapp við skrekkinum, tá hann tann 21. oktober kom út fyri einum óhappi, sum kundi volt honum stóra skaða. Meðan hann og nakrir vinmenn spældu í einari gamlari húsagrund, datt hann brádliga út av og lendi í sjónum einar seks metrar niðriundir. Vanliga er hella undir, men tíbetur var flóð hendan dagin, so sjógvurin tók tað mesta av stoytinum, tá hann lendi. Hann fekk nakað av skaða í andlitið, men annars kom hann væl frá fallinum. – Júst hvat hendi, er ikki heilt greitt, men har lá ein planki, sum Torstein antin hevur sett seg ella traðkað á, og so fór hann sendandi út- av, greiðir mamma Torstein, Barbara Brattaberg, frá. Í fallinum smekkaði Tor- stein høvdið í sjálvan vegg- in í grundini, og tá er hann so svímaður. Sjálvur greiddi hann frá, at hann svímaði, tá hann datt, men vaknaði aftur, tá hann lá í sjónum. Hjálp var í nánd Dreingirnir, sum vóru við Torsteini, søgdu, at Torstein sjálvur svam stutta teinin inn á land, men hesum er Torstein ikki samdur í. Hann sigur, at tað kendist um ein alda tók í hann og flutti hann inn á land. – Tað er sjálvandi torført at siga, júst hvat og hvussu. Hetta eru jú børn, sum vit tosa um, og tey uppfata uttan iva eina slíka støðu á hvør sín hátt, heldur Bar- bara fyri. Men hvussu er og ikki, so kom Torstein í øllum góð- um upp á turt aftur. Tað vildi so væl til, at nakrir menn vóru til ar- beiðis har í nánd, og vin- menninir hjá Torsteini róptu á teir og bóðu um hjálp. Teir fingu fatur á drong- inum, sum tá var illa skjøl- aður, vátur, kaldur og bløddi sera illa. Við bili varð so farið úr Vestmanna. Teir ringdu til Paula, pápa Torstein, sum arbeiðir í Havn. Avrátt varð, at Pauli skuldi koyra ímóti teimum. Við rundkoyring- ina í Kollafirði hittust teir, og Pauli tók sonin í sín bil og koyrdi so beint á Lands- sjúkrahúsið. Ómetaliga heppin Menninir í hinum bilinum ringdu so til Barbaru og boðaðu henni frá, at sonurin og maðurin vóru á veg á skaðastovuna. Barbara ar- beiðir á Tjaldursapotekin- um, og hon var ikki komin út um Havnina, tá hon fekk boðini. So hon koyrdi beint á sjúkrahúsið og var har, áðrenn Torstein og maðurin komu. – Eg bleiv ikki so bangin, tí teir dugdu avbera væl at siga mær, hvat var hent. Teir løgdu mær eina við, at tað sá nógv ógvusligari út, enn tað í veruleikanum var, greiðir Barbara frá. Hon rósar bæði monnun- um, sum komu Torsteini til hjálpar og øllum á sjúkra- húsinum upp um øll skýggj fyri teirra fyrimyndarliga góðu hjálp í sambandi við óhappið hjá einasta sonin- um hjá teimum. Torstein varð liggjandi á Landsjúkrahúsinum eina nátt. Staðfest varð, at hann ikki hevði fingið stóran skaða. Knoglin undir vinstra eygað hevði fingið eitt knekk. Av tí sama var hann sera hovin í andlitin- um. Hann fekk eisini nakr- ar pentir undir undirvørrini, men tað var alt. – Tá man hugsar um alt, sum kundi havt hent, so kunnu vit ikki siga annað enn, at hann var ótrúliga heppin, sigur Barbara. Tað letur ikki til, at Tor- stein fekk nakran ógvuslig- an skelk av óhappinum. Ta fyrstu náttina á sjúkrahúsin- um droymdi hann eitt sind- ur, men annars hevur hann ikki havt órógv av fallinum. Barbara heldur tó, at onkur av vinmonnunum hjá Tor- stein ikki høvdu tað so lætt tær fyrstu næturnar aftaná. – Tað hevur uttan iva ver- ið ein ógvusligur skelkur fyri teir at vera vitni til eitt slíkt óhapp, sigur Barbara. Torstein hevur ei heldur trupulleikar við at fara aftur á staðið, har óhappið hendi, so har hevur hann longu verið aftur fleiri ferðir. Ótrúligur stuðul Barbara sigur, at øll vita, at óhappið er hent. Bygda- fólkið í Vestmanna vísti ein ótrúligan stuðul, sigur hon. Flokkurin hevur verið á vitjan, øll ringdu fyri at spyrja, hvussu tað stóð til, og sum sagt eru tað mong, sum hava havt á tungu, at ein Torstein hevur ein verndareingil. Talan var um eitt hendi- ligt óhapp hendan dagin. Børn spæla so nógv og nógvastaðni, og her mundi tað endað galið. Barbara heldur ikki, at tað veruliga er gingið upp fyri henni enn, hvussu heppin tey hava verið. – Sjálvandi hugsar ein um alt tað, sum kundi hent. Hann kundi havt sligið seg í á ein annan hátt og harvið brotið seg nógv verri sund- ur, heilaskjálvti og hvat veit eg. Og um ongin flóð var, eg tori næstan ikki at hugsa tankan. Men tíbetur var hansara tíð ikki komin, og sigast má, at tá tað skuldi vilja illa til, kundi tað hóast alt ikki gingið betur. Tað eru vit ómetaliga takksom fyri, sigur Barbara Brattaberg. Torstein hevur ein verndareingil Knoglin undir vinstra eygað hjá Torsteini fekk eitt knekk, tá hann smekkaði seg í. Hann var rættiliga hovin ta fyrstu tíð- ina, men tað legði seg skjótt Mynd: Jens K. Vang Fallið hjá Torsteini var um seks metrar ella so. Tíbetur var flóð hendan dagin, og tískil var stoyturin ikki so harður Mynd: Jens K. Vang Pauli, Barbara og Torstein eru ómetaliga takksom fyri, at alt spældi so væl av við óhappinum hjá Torsteini Mynd: Jens K. Vang C M Y K 20