hósdagur 4. januar 2018síða 12

FRÍGGJADAGUR 5. JANUAR 2018 SOSIALURIN 2 12 Eg festi í rakettina, og flyti meg burtur frá henni, men onki hendir. Eg fari tá aftur til rakettina, og skal festa í aftur, tá rakettin eksploderar og fer í 1000 stykkir, sigur Tróndur Enni, sum kvøldið fyri gamlaárskvøld fekk ógvusligan skaða, tá ein rakett eksploderaði beint framman fyri honum, tá hann festi í hana ANNIKA KUNOY IM ANNIKA@SOSIALURIN.FO K vøldið fyri gamla­árs­ kvøld var tónleikarin Tróndur Enni av Tvør­ oyri á veg út í Klubban at gera ljóðroynd, tí hann skuldi spæla til dans har gamlaárskvøld. Hann avgerð tá at royna eina av rakettunum, sum hann hevði keypt til nýggjárið. Hann fer omanum hús­ini, tí hann vildi ikki festa í rakett­ina á vegnum. Hetta var ein av rakett í einum sokallaðum junior­pakka, ið er ætlaður til ung­ dóm. Rakettin, sum hevur skap av ein­um grísi, sær spennandi, stuttlig og óskyldig út, greiðir hann frá. – Eg festi í rakettina, og flyti meg burtur frá henni, men onki hend­ir. Eg fari tá aftur til rakettina, og skal festa í aftur, tá rakettin eksploderar og fer í 1000 stykkir. Tað var ein ræðuligur larmur á um­ leið 140 desibel. Eg verði slongd­ur afturav og missi við tað sama bæði sjón­ina og hoyrnina og fekk skaða á hondina. Eg síggi kortini okkurt ljós hinumegin vegin og klári at finna heim, sigur Tróndur Enni um hendingina. –140 desibel er ómetaliga hart. Tá eyguni og hoyrnin lukka niður, veit man, at talan er um eina kraft­ iga eksplosión, staðfestir hann. – Júst tá tað hendi, føldi eg onki, og eg trúði, at eg hevði mist hond­ ina og vorðin blindur, leggur hann afturat. Oyrini fingi skaða Systur Trónd er heima, og hon koyrir hann á Suðuroyar sjúkra­ hús, har staðfest verður, at størsti skaðin er í oyrunum. – Læknin hyggur í oyrini og sig­ur, at onnur ljóðhinnan er reyð, og at eg havi sprongt hina ljóð­ hinnuna, og tað var blóð runda­ num, sigur hann. –Tað er eitt øgiligt sjokk bæði kropps­liga og sálarliga, tí hoyrnina sært tú ikki, men tær tørvar hana, og ert tú dulur, fært tú ikki fyglt við. Man hevur ofta lyndi til at flenna at tí at missa hoyrnina, og tað er kanska tí, at man ikki sær tað. Missir man eitt bein, er tað onki at flenna at, sigur Tróndur Enni. Eisini hevur Tróndur sterkt tinni­tus í oyranum, og hann sig­ur, at tað ljóðar júst sum tá eitt tok bremsar. Óvist er, um hann tinni­ tusið verður betri, ella um hann má liva við tí restina av lívinum. – Tað ljóðar sum jarn ímóti jarni, staðfestir hann. Tróndur var hjá oyralækna í vikuni, og hann sigur, at hann hevur verið sera heppin, tí holdið í hoyranum er við at grøða aftur. Hann er nú sjúkrameldaður í tvær vik­ur, og hann hevur fingið boð um at hvíla oyrað, og at halda seg frá larmi. Hann hoyrir ikki tær høgu bylgj­urnar, og enn veit hann ikki, um tað nakrantíð verður heilt frískt. Enn veit Tróndur ikki, um skað­ in fer at ávirka lívsleið hansara sum tónleikari, men hann følir longu stór framstig, og hann vónar inni­liga, at hann kemur fyri seg aftur. –Man skal veruliga ansa sær við fýr­verki. Pakkarnir eru kraftigir, og desibellini eru hørð av eini spreinging, sigur hann til endans. Vandamikið fýrverk TEMA: Vandamikið fýrverk Tað er eitt øgiligt sjokk bæði kroppsliga og sálarliga, tí hoyrnina sært tú ikki, men tær tørvar hana, og ert tú dulur, fært tú ikki fyglt við. Man hevur ofta lyndi til at flenna at tí at missa hoyrnina, og tað er kanska tí, at man ikki sær tað. Missur man eitt bein, er tað onki at flenna at Man skal veruliga ansa sær við fýrverki. Pakkarnir eru kraftigir, og desibellini eru hørð av eini spreinging Bæði rakettin hjá Tróndi og hjá Sólarn eru framleiddar í 2013 SPRONGDI LJÓÐHINNUNA AV ÓGVUSLIGARI EKSPLOSIÓN