mánadagur 8. januar 2018síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. januar 2018 · Nr. 3 FÝRVERK tað eftir umleið tveimum tímum at finna báðar tenninar aftur í kav­ an­um. - So skjótt, sum tenninar vóru funn­ar, kom systir mín oman á skaða­stovuna við teimum. Væl móttikin Men, hvussu gekst so, tá móðir og dóttir komu oman á skaðastovuna? - Eingin sat í bíðirúminum, tá vit komu, og vit fóru tískil beint inn á skaðastovuna, har vit vórðu ógvu­liga væl móttiknar. Onkur var til viðgerðar, tá vit komu, men við­ kom­andi varð beinanvegin flutt á eina skaðastovu við síðuna av. Mary Petersen sigur, at dóttirin nú gjørdist ógvuliga bleik og vildi svíma, men tað hjálpti, og hon kom líka sum fyri seg aftur, tá hon fekk sett seg niður á ein stól. Á skaðastovuni fekk hon bein­ an­vegin heilivág í æðrarnar við morf­ini í droppi, og hon fekk eisini sproyt­ur, tá læknin fór at seyma. Sjálv minnist Anna Petra Peter­ sen læknan siga, at nú fór hon at síggja út sum ein piratur - við ong­ um tonnum! - Eg haldi, at læknin royndi at vera eitt sindur stuttligur fyri at lætta um stemningin, men fyri meg var hetta ikki stuttligt at hoyra, og eg fór at gráta. Eg hvørki tordi ella vildi síggja meg í nøkrum spegli, og tískil hongdu tey løk fyri speglini á skaðastovuni og á wc’inum. Mary Petersen sigur, at tey mundu vera á skaðastovuni í einar tveir til hálvan triðja tíma. - Tá tey vóru liðug at seyma, spurdi eg, um tey ikki skuldu seta tenn­inar í aftur, tí tað var framvegis hetta, sum fylti ógvuliga nógv hjá dótt­ir míni. Gentan græt og var ógvu­liga ólukkulig um tenninar. Men, á skaðastovuni søgdu tey seg ikki vera før fyri at seta tenninar í aftur, tó at tey vistu, at vit høvdu tenn­inar, sum systir mín var komin við. Eingin tannlækni Á skaðastovuni søgdu tey, at tey kundu ikki skaffa Onnu Petru Pet­ er­sen nakran tannlækna. - Av tí, at eg var so órógvað, kundu tey hjálpa mær at finna tele­fon­nummarið hjá vakthavandi tann­lækna. Eg ringdi longu um 02.30-tíð­ina hesa náttina, men har kom bara ein tele­fonsvarari sum segði, at vakt­havandi tannlækni svar­ar leygardag og sunnudag mill­ um klokkan 10 og 11. Mary Petersen sigur, at tá tær báðar vóru komnar heim aftur av skaða­stovuni um 03.30-tíðina og vóru aftur á Heimasta Horni, ringdi lækn­in av Landssjúkrahúsinum og segði, at tey nú høvdu funnið út av, at tenn­inar skuldu liggja í mjólk. - Tá eg so ringdi til tann­lækna­ vakt­ina aftur klokkan 10 morgunin eftir, fingu vit boð um at koma bein­an­vegin og hava tenninar við. Ikki fyrr enn tá fekk eg at vita, at tenn­inar skuldu standa í mjólk í ein­um køliskápi. Tá móðir og dóttir komu til vakt­havandi tannlækna, høvdu tenn­inar verið úr munninum á Onnu Petru í meira enn 10 tímar, tó at tær tá fingu at vita, at tenninar helst skulu setast í aftur innan seks tímar. - Tannlæknin segði, at um tenn­ inar koma í aftur innan seks tímar, er møgu­leikin nokso stórur fyri, at lik­amið tekur ímóti teimum aftur, og at tær vilja festa seg. Men, í løt­ uni vita vit ikki, hvussu hetta fer at eydn­ast, sigur Mary Petersen, sum eins og dóttirin er ógvuliga hørm um, at Landssjúkrahúsið ikki kundi veita dóttrini hesa tænastu. Ov lítið seymað Tannlæknin, sum setti tenninar í aftur hjá Onnu Petru Petersen henda nýggjársmorgun, gjørdi eisini vart við, at munnurin á ungu gent­uni als ikki var seymaður nóg væl, og hon fýltist á, at gent­an var alt ov lítið seymað frá tann­ haldinum í yvirmunninum framm­ an og upp á yvirvørrina. Her gapaði sárið av fýrverkinum alt ov nógv, og tað bleiv eisini við at bløða. - Eg noyddist eisini at royna at sova hesa náttina við onkrum fyri, tí eg bleiv við at bløða. Nakað annað er so, at eg svav einki hesa nátt­ina fyri pínu. Pínulinnandi, sum eg hevði fingið heim við at taka, megnaði ikki at doyva pínuna, eg hevði, sigur Anna Petra. Mary Petersen sigur, at tá tann­ læknin var liðug við at festa tenn­ in­ar, sendi hon gentuna út aftur á skaða­stovuna. - Vit komu á skaðastovuna aft­ur um 13.30-tíðina nýggjársdag, og her noyddust vit at bíða leingi. Meðan vit bíða, ringir tann­lækna­spesial­ist­ ur - og ikki tannlæknin, sum hevði sett tenninar í aftur - og biðir meg koma á tannlæknastovuna aftur við Onnu Petru. Tá vit komu niðan, seym­aði hann alt aftur, sum hekk leyst. Mary Petersen sigur, at hóast alt ov lítið varð seymað inni í munn­inum og undir yvirvørrini á skaðastovuni nýggjársnátt, rósti tann­lækna­spesialisturin skaða­ stov­uni fyri tað vælaarbeiði, tey høvdu gjørt á ytru síðuni á vørruni. - Hann helt, at læknin á skaða­ stov­uni her hevði gjørt eitt dygd­ ar­arbeiði. Tannlæknaspesialisturin setti fleiri pentur í aftrat, og nú sær alt betri út hjá Onnu Petru Petersen. Tá Sosialurin skifti orð við móðir og dóttir á Sandi í gjárkvøldið, var fram­vegis ógreitt, hvussu fer at verða við báðum framtonnunum. - Tilsamans kostaði fýrverks­ skað­in hesa feigdarnátt dóttir míni 24 pentur, 20 inni í munninum og fýra uppi á ytru síðu á vørruni, sig­ ur Mary Petersen. Gjørdu einki galið Meðan vit skifta orð, sigur Anna Petra Petersen, at hon onkusvegna føldi á sær nýggjársaftan, at eitt hvørt fór at henda. - Eg havi verið rættiliga djørv, tá ræður um fýrverk, men tað hev­ ur sum oftast við pápi mín, ið líka sum hevur havt eftirlit við støðuni. Hesa­ferð var pápi burtur, og eg helt meg ikki ordiliga til. Haldi, at eg sjálv festi í eina rakett hetta kvøldið. Eg stóð mest saman við mammu og vaksnu kvinnunum um midnáttarleitið, og tá eg varð rakt, skuldi eg bara líka oman at hyggja eft­ir einum fýrverki, sum tey áður høvdu skotið, men sum eg ikki hevði sæð. Eg vil tó leggja dent á, at tað var eingin, sum gjørdi nakað galið. Tað var fýrverkið, sum galið var við og sum breyt seg út ígjøgn­ um og rakti meg í munnin. Anna Petra Petersen sigur, at hetta gjørdist ein ordiligur um­ gang­ur hjá henni, men í óhappinum var hon kortini ómetaliga heppin. - Hvat hevði hent, um fýrverkið rakti eyguni - ella, um fýrverkið hevði brostið, tá tað rakti meg í munn­in? spyr hin 16 ára gamla. Við eitt nú at fylgja blóðslóðini eydnaðist tað eftir umleið tveimum tímum at finna báðar tenninar aftur í kavanum Tað var hetta fýrverkið, sum varð skotið, tá Anna Petra Petersen fekk stóra skaðan Myndin er tikin í gjárkvøldið, tá Sosialurin hitti móður og dóttir, sum greiddu frá fýrverksskaðanum