mánadagur 8. januar 2018síða 20

Mánadagur 8. januar 2018 · Nr. 3 20 Sosialurin Hugskot og viðmerkingar – send sms til 225000 Útisetar í 2018: FÓTBÓLTUR André Olsen Eftir at 2017 fór í árbókina sum eitt ár, har fleiri av okkara bestu fót­ bólts­úti­setum vóru nógv darvaðir av skaðum, byrjar nú eitt nýtt ár fyri okkara fótbóltsútisetar. Sum kappingarnar eru skrúvað­ ar saman, er lættast at meta um út­litini hjá teimum, ið spæla í donsk­um fótbólti, av tí at helvtin av kapp­ingar­árinum hjá teimum longu er spælt, meðan útisetarnir í Íslandi og Noregi byrja eitt heilt nýtt kappingarár, tá tað fer at líða móti vári. Tískil eru fyritreytirnar eitt sindur meira ókendar í teimum báð­um londunum, samanborið við í Dan­mark. Hallur móti Jóan Símun og Viljormur móti Jákup Thomsen Í Danmark eru tað serliga feløgini hjá teimum fýra, Hallur Hansson, Jóan Símun Edmundsson, Vilj­or­ m­ur Davidsen og Jákup Thomsen, ið hava eitt spennandi hálvár framman­fyri sær. Við føroyskum eygum er tað eitt sindur tvíbýtt millum teir fýra. Í donsku Superliguni er mál­ setn­ingurin hjá feløgunum hjá Halli Hansson og Jóan Símun Ed­ mundsson tann sami, meðan mál­ setningurin í næstbestu donsku deil­d­ini eisini er tann sami hjá feløg­unum hjá Viljormi Davidsen og Jákupi Thomsen. AC Horsens og OB, sum eru feløgini hjá Halli Hansson og Jóan Símuni Edmundsson, stríðast bæði um at enda millum seks tey ovastu liðini, tá kappingin hálvan mars verður býtt upp, har seks tey ovastu liðini koma at spæla í einum bólki fyri seg, meðan átta tey niðastu liðini koma at spæla í einum øðrum bólki um niðurflytingarpláss. Málsetningurin er broyttur í AC Horsens Heldur óvæntað liggur AC Horsens í løtuni millum tey liðini, sum kunnu tryggja sær pláss í ovara bólkinum, tí sum støðan er beint nú, liggur AC Horsens nummar fimm í bestu donsku deildini. Hallur Hansson, ið hevur sína dagligu gongd í AC Horsens, viðurkennir eisini, at mál­ setningurin hjá felagnum er broytt­ ur eitt vet, nú tá gongdin hevur verið betri enn væntað í heyst. Eg síggi við stórum spenningi uppá komandi hálvárið. Málið hjá okkum yvirfyri miðlunum hevur alla tíðina verið at yvirliva, men nú tá gongdin hevur verið so góð sum hon hevur verið, so droyma vit sjálv­andi um meir. Um vit kunnu bjarga okkum við at enda í topp 6, hevði tað verið framúr fyri okkum, men tað er heldur eingin katastrofa fyri okkum, um vit ikki enda í ovara bólki­num. Har eru eini 10 lið sum kapp­ast um at enda millum seks tey ovastu, so kappingin er hørð. Men eg dugi ikki at síggja, hví vit ikki kunnu fara avstað við einum plássi millum tey ovaru liðini, sigur Hallur Hansson, sum víðari sigur, at tað bæði ítróttarligt og fíggjar­ ligt vil vera ótrúliga stórt fyri eitt felag sum AC Horsens, um tað skuldi eydnast at enda millum tey ovaru liðini. Fyrstu dystirnir skilmarka kappingarárið Í OB í Odense, har Jóan Símun Edmundsson hevur sína dagligu gongd, eru væntanirnar eitt sindur øðrvísi enn hjá Halli Hansson og AC Horsens. Har hevur fólki eina fatan um, at OB eigur at vera millum tey ovaru liðini í donskum fótbólti. Jóan Símun Edmundsson sigur, at komandi átta dystirnir vera avgerandi fyri, um kappingarárið hjá OB fer at vera góðkent ella ikki. Vit hava eitt sera spennandi hálvár fyri framman, har átta teir fyrstu dystirnir koma at skil­ marka um kappingarárið verður góð­kent ella skuffandi. Vit hava eina lutfalsliga harða leikskrá, har vit hava útidystir móti FC Nord­ sjælland, FC Keypmannahavn og Brøndby, so tað skulu helst stig til í teimum dystunum, um vit skulu klára tað. Men vit góðar vónir, og eg ivist ikki í at tað fer at vera stórur spenn­ingur til tað allar seinasta um seks tey ovastu plássini í deildini, sigur Jóan Símun Edmundsson. Kundi hugsað sær at roynt seg á hægri støðið Persónliga er komandi hálvárið eisini spennandi fyri Jóan Sím­un Edmundsson. Í summar gong­ ur sáttmálin hjá Jóan Símun Ed­munds­ son við OB út, og tofta­ maðurin er longu nú byrjaður at hugsa um sína fótbóltsframtíð. Sum er, royni eg bara at gera mítt besta á vøllinum, og so má tíðin vísa, hvar eg spæli eftir kapp­ ingar­árið. Eg havi samskifti við OB í løtuni um at leingja samstarvið, ella um hetta verður mítt síðsta hálv­ár. Støðan hjá mær er eitt sind­ur tvíbýtt. Eg haldi tað kundi verið spennandi at kunna at verið við til at fingið OB upp í toppin aftur av donskum fótbólti aftur, men hinvegin kundi eg eisini tonkt mær at spælt á hægri støðið enn í Superliguni, um eg fekk møgu­ leikan til tað, sigur Jóan Símun Meðan Hallur Hansson og Jóan Símun Edmundsson stríðast um pláss fyri at enda í ovaru hálvu av Superliguni, stríðast Viljormur Davidsen og Jákup Thomsen um uppflytingarpláss til Superliguna. Eisini ganga sáttmálarnir hjá fleiri av føroysku útisetunum seinni í ár út FLEIRI SÁTTMÁLAR GANGA ÚT