mánadagur 5. februar 2018síða 8

Mánadagur 5. februar 2018 · Nr. 15 8 Sosialurin Hugskot og viðmerkingar – send sms til 225000 Jóan Petur Clementsen á Sandi er í holt við at smíða eitt 7-mannafar til Havnar. Pápin, Marius Clementsen, smíðaði eisini nógvar snøggar og góðar bátar Kambur dró longsta stráið Munurin á veiðini hjá trimum teimum bestu frystilínuskipunum á Flemish Kap er bert nøkur fá tons Vilmund Jacobsen Øll tey føroysku frystilínuskipini, sum byrjaðu at fiska á Flemish Kap hin 7. januar í ár, hava fingið nógv burturúr. Øll skipini landaðu fyrstu lastina í Ný Foundlandi, og síðan eru tey á veg heim til Føroya við seinnu lastini, samstundis sum føroyska línukvotan á Flemish Kap er uppfiskað. Gongst, sum væntað, verða frysti­línuskipini heima í Føroyum seinni í hesi vikuni. Kambur í oddinum Sambært veiðifráboðanini, ið frysti­línuskipini, sum hava fiskað á Flemish Kap, hava latið inn, hevur Kamb­ur fiskað flestu tonsini. Men, beint í hølunum á Kambi, kemur Klakk­ur og síðan Stapin. Munurin á veiðini hjá hesum trim­um skipunum er rættiliga lítil, bert nøkur heilt fá tons. Í hølunum á trimum teimum fremstu, koma Eivind og síðan Ågot, og teirra millum er lítil og eing­in munur, eisini bert nøkur heilt fá tons. Sambært veiðifráboðanini, sum Fiskiveiðieftirlitið hevur fingið frá teimum fimm frystilínuskipunum, eru tonsatølini hesi: Kambur (568,6), Klakkur (566,3), Stapin (541,2), Eivind (436,6) og Ågot (423,1). Greipa til húsbrúks Tað er langur vegur av leiðunum við Flemish Kap og heim til Før­oya, og teinurin tekur - alt eftir veðr­in­ um - eini 8-10 samdøgur. Nú menn eru á veg heim, stytta teir sær stundir við práti og spølum umborð. Men, teir skulu eisini hava fisk heim við sær til húsbrúks. Vanligt er, at menn skera sær kjalkar og greipa sær fisk at ræsa, og øll vita, at fiskur, sum er ræsaður umborð, fæst neyvan betri.  Á viðheftu myndum eru tað menn umborð á Ågot, sum hava greipað og hava hongt sær fiska­ greip­urnar upp á snórar á brúgva­ tak­inum. Lagið er gott og á myndum, teir hava lagt út henda dagin, teir hongdu greipurnar upp, er veðrið eis­ini gott. Men, tá tað er háveturstíð, kann veðrið skjótt broytast frá degi til dags. Malla er elst Vilmund Jacobsen Leygardagin 3. februar fylti Malla Olsen á Toftum 103 ár, og soleiðis er hon elsti núlivandi føroyingur. Jaspur Jan Olsen, ommusonur Mallu, veit frá ommuni at siga, at um veðrið var gott 3. februar, soleiðis sum veðrið var seinasta leygardag - ja, so kundu vit vænta okkum eitt sólríkt vár. Tá Malla fylti 100 ár, varð dagurin hildin í Missións­hús­ inum Tabor á Toftum. Fyri Mallu byrjaði 100 ára føðingardagurin  við, at út­varpið ringdi, og umleið klokk­an 10.30 sama morgun komu næmingar og lærarar úr Tofta skúla og at syngja sangir fyri henni. Beint eftir døgurða kom sjón­varpið og hevði samrøðu við Mallu, og klokkan 15 var almenn veitsla í Tabor. Millum mongu gest­ir­nar vóru løgmaður, lands­stýris­ kvinn­an í almannamálum, stjór­in í almannaverkinum og ríkis­um­boðsmaður. TILTAK: Hevur tú lipødem ella lymfødem, so ert tú vælkomin á hugnaløtu hóskvøldið 8. februar. Tiltakið verður í hølunum hjá Krabbameinsfelagnum, har Eliesar Olsen, serlækni, fer at siga frá um nýggjastu vitan og viðgerð innan lip- og lymfødem. Eisini verður drekkamunnur og okkurt til matna. Royna nú eydnuna í íslendskum sjógvi Um vikuskiftið fór línuskipið Sigmund av Toftum við kós móti Íslandi Vilmund Jacobsen Nú fiskiveiðiavtalan við Ísland er komin upp á pláss, hevur skiparin á Sigmundi, Elmar Rubeksen, hug at royna eydnuna í íslendskum sjógvi. Tað veit Facebook-síðan hjá Før­oysku Sjómansmissónini at siga. Skiparin vísir á, at línu­fiski­ skap­urin undir Føroyum er smá­ lig­ur í løtuni, men prísurin hevur verið góður. - Seinasta túr høvdu vit 70.000 pund av toski, svartkalva og longu. Hetta gav ein miðalprís á næstan 20 krónur fyri kilo, og tað er á góðari leið, heldur Elmar Rubek­sen, skipari á Sigmundi. 13 mans eru við línuskipinum. Manningin umborð á Ågot hevur greipað sær eina rúgvu av fiski at taka heim við til húsbrúks. Mynd: Sofus Dalsenni - Vit fara at royna eydnuna í íslendskum sjógvi, sigur skiparin, Elmar Rubeksen Mynd: TJ-myndir