mánadagur 5. februar 2018síða 18

Mánadagur 5. februar 2018 · Nr. 15 18 Sosialurin Hugskot og viðmerkingar – send sms til 225000 Mildrið Jacobsen H71 er best umboðað í steypa­ finalun­um í ungdóms­deild­unum. Heili átta lið hjá hondbóltsfelagnum í Hoyvík hava tryggjað sær pláss í steypafinalunum, sum verða í ítróttar­høllini á Hálsi tann 17. og 18. februar. Bæði í dreingjadeildini og í gentu­deildini er H71 annað finalu­ lið­ið í øllum aldursbólkum uttan hjá teimum yngstu gentunum og dreingju­num. Hoyvíkingar vóru eisini í hálvfinalunum hjá gentum og dreingjum 10 ár, og høvdu um viku­skiftið møguleika at spæla seg í allar steypafinalurnar hjá teimum yngru, men tað eydnaðist kortini ikki. Eisini Neistin hevur fingið nógv lið í steypafinalurnar í ár. Seks lið hjá næststørsta felag­num í landi­ num hava spælt seg í finalur­nar. Tey bæði stóru hond­bólts­feløg­ ini í Tórshavnar komm­unu eru so væl umboðað, at helvtin av teim­ um 10 finalunum í yngru aldurs­ bólkunum verða millum lið hjá H71 og Neistanum. Skikkaðir ungdómsvenjarar Forkvinnurnar í báðum hond­ bólts­feløgunum eru samdar um, at høvuðsorsøkin til, at yngru liðini standa seg so væl, er, at feløgini hava sett vælútbúnar venjarar at standa á odda fyri og leggja til rættis venjingina hjá børnum og ungum. Í Hoyvík er tað ikki nakað nýtt, at yngru liðini fáa sera góð úrslit bæði í landskappingini og í steypakappingini. Í fjør vann H71 fýra av fimm steypafinalum í yngru deildunum, og árið fyri vunnu ungdómsliðini hjá H71 sjey av teimum átta steypafinalunum, sum hoyvíkingar vóru við í. Anna Dam, sum er forkvinna í H71, sigur, at góða gongdin hjá liðunum hjá felagnum er úrslit av, at H71 fyri fleiri árum síðani gjørdi av at seta ungdómsvenjara at skipa fyri venjingini. - Vantandi hallartímar er tann størsta forðingin fyri menning. Vit sóu, at vit høvdu ongan møguleika at nøkta tørvin á venjing. Fyri at fáa sum mest burtur úr teimum tímun­um, sum eru, settu vit fólk í starv til burturav at taka sær av venjingini hjá yngru liðunum, sum so kundu byrja at venja tíðliga seinnapart, sigur Anna Dam. Hon vísir samstundis á, at krøv­ini eru stór í dag bæði frá for­ eldrum og spælarum, sum vilja hava skikkaðar venjarar. Og í H71 hava tey verið ómetaliga heppin við útlendsku venjarunum, sum tey hava havt, sigur Anna Dam. Serliga fegin eru tey um at hava danan Mark Marcher í felagnum. Mark Marcher, sum hevur høvuðs­ ábyrgdina av ung­dóms­lið­unum, hev­ur ver­ið ungdómsvenjari hjá H71 tey seinastu árini, og sam­ bært for­kvinnuni í H71 hevur hann størsta partin av æruni av, at H71 hevur heili átta lið í steypa­ finalunum. Eisini halda tey seg hava verið heppin við høvuðs­ venjaranum Sonni Larsen, ið eisini er uppi í venjingini í yngru deildunum. Somu royndir í Neistanum Sigursvanda felagið Neistin hevur tey seinastu nógvini árini ikki havt serliga góð úrslit í yngru deildunum hvørki í landskappingini ella í steypa­kappingini. Í fjør hevði Neistin bara lið í tveim­um steypafinalum í yngru deild­unum, og tað sama gjørdi seg galdandi árini frammanundan. Men í ár er støðan ein heilt onnur, og hesa ferð hava seks lið í yngru deildunum tryggjað sær pláss í steypafinalunum. Súna Mørk, sum er forkvinna í hond­ bólts­felagnum Neistanum heldur, at hetta er úrslit av, at felagið tey seinnu árini miðvíst hevur bygt upp ungdómsarbeiðið. Fyri hálvum triðja ári síðani varð avgerð tikin um at seta bretan Scott Harrington í starv sum ungdómsvenjara, og tað sæst aftur nú, heldur Súna Mørk. - Tað er hesum arbeiði, sum vit síggja úrslitið av, nú vit hava fingið so nógv fleiri lið í steypafinalurnar í ár enn tey undanfarnu árini, sigur Súna Mørk. - Miðvíst ungdómsarbeiðið og venjara­toymini, sum hava verið um ungdómin tey seinastu árini, geva úrslit nú, sigur forkvinnan í Neista­num og vísir á, at eisini aðrir venjar­ar í felagnum hava lært nógv av Scott Harrington, sum hevur lagt teimum lag á. Eldri spælarar eru venjarar Í H71 hava tey góðar royndir av at hava nógvar venjarar í hvørjum ein­ støkum aldursbólki bæði í gentu­ deildini og í dreingjadeildini. Um­ framt høvuðsungdómsvenjaran Mark Marcher eru at kalla allir spælar­ar á liðunum í fremstu deild­ unum hjá monnum og kvinnum venjar­ar og hjálparfólk í teimum yngru aldursbólkunum. -Tað gevur felagnum nógv, at spælararnir í bestu deildini kenna børn­ini í felagnum og øvut. Vit fáa fleiri fólk í høllina, og undirtøkan mill­um foreldur er eisini størri til at savna inn pening til at seta høvuðsvenjarar, tá tey vita, at børnini eisini fáa nakað burtur úr tí, sigur Anna Dam. Eisini hevur H71 lagt seg eftir, at teir ymisku aldursbólkarnir venja saman við eldri leikarum, soleiðis at tey alla tíðina fáa avbjóðingar. Ungdómsfinalur: Miðvíst ungdómsarbeiði gevur úrslit, siga forkvinnurnar í hondbóltsfeløgunum H71 og Neistanum. Tey bæði størstu hondbóltsfeløgini í landinum hava tilsamans 14 lið í 10 steypafinalum hjá børnum og ungum HONDBÓLTUR H71 OG NEISTIN NÓGV FLEST FINALULIÐ