mánadagur 12. februar 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. februar 2018 · Nr. 18 Hóskvøldið klokkan 19.30 verður alment temakvøld um nýbygging og umbygging í Frøishøllini í Kvívík Skiftandi veður Veðrið teir næstu dagarnar verður skiftandi, bæði við vindi, kulda og hita Vilmund Jacobsen Í dag verður andøvsgul til strúkur í vindi av vestri og útsynningi, 8 til 13 metrar um sekundið, sum minkar niður í 5 til 10 av útsynningi. Í kvøld og í nátt verður hann landsynningur, strúkur í vindi til skrið, 15 til 20 metr­ ar um sekundið. Sum náttin gong­ur, minkar hann vindin niður í 5 til 10 metrar um sekundið av útsynningi. Hit­ in fer at liggja millum tvey kuldastig og trý hitastig. Í morgin - týsdagin - verð­ ur gul til stívt andøvs­gul, 5 til 10 metrar um sekundið, sum mikunáttina veksur til stívt andøvsgul og seinni strúkan vind, 10 til 15 metrar um sekundið. Hitin fer at liggja millum eitt kuldast og fýra hitastig, men um nátt­ina kunnu vit fáa fimm kuldastig. Mikudagin verður meira vindur, 15 til 20 metrar um sekundið av landsynningi og møguliga upp í 23. Seinna­ partin mikudagin mink­ar hann aftur vindin av suðri nið­ur í andøvsgul ella strúk­ an vind. Mikudagin verður lýggj­ ari, alt samdøgnið millum 2 og 5 stig. Hósdagin og fríggjadagin verður hampiligt veður, mill­um 8 og 15 metrar um sekundið, og hitin fer at liggja millum frostmarkið og 6 hita­stig. Ættin verður mest sunn­an og útsynningur. Minnisrit yvir 100 ára arbeiði Vilmund Jacobsen Tað var í apríl í 1917, at nakrar ungar gentur á Toftum samlaðust í bóndahúsunum inni á Regni til bíbliulesnað, bøn og hugnaliga samveru. Skjótt komu fleiri kvinnur og menn aftrat, og gamli skúlin var leigaður til at hava møtir í. Í 1939 varð missiónshúsið Tabor vígt, og arbeiðið mentist alla tíðina. Í 1994 varð núverandi missiónshús vígt og hevur síðani verið karmur um nógva og fjøllbroytta arbeiðið á Toftum. Blái Krossur byrjaði á Toftum í 1908 og var sostatt virkin, áðrenn missiónsarbeiðið byrjaði. Alt hetta og nógv aftrat kann lesast um í einum minnisriti, sum nú er skrivað um hetta virksemið. Í heftinum er stutt søguligt yvirlit yvir arbeiðið, sunnukvøldsmøti, bíbliutímarnar, leygarkvøldsmøtini og jólaveitslurnar. Haraftrat eru frágreining frá arbeiðsgreinunum, sum í dag eru virknar og eru: Bindimøti/ sjómanskvinnuringurin, Blái Krossur, streingjakórið, sunnudagsskúlin, útimissiónsbarnaringurin, barnakórið, ungdómsmøtini, seinnapartssamkoman, Taborkórið og juniorarbeiðið. Bóklingurin, ið er givin út sum minnisrit, er 60 síður í A5 stødd við 43 myndum. Minnisritið, saman við innbjóðing til missiónsvikuna, sum verður hesa vikuna, varð borið út í hvørt hús í Nes kommunu farna vikuskiftið. LIST: Hósdagin klokkan 17 letur Finleif Mortensen upp listaframsýning í Smiðjuni í Lítluvík. Við eru málningar og oljukritspastellir. Framsýningin verður opin til týskvøldið 20. februar. Skjalasavn tekur skap á Tvøroyri Á Tvøroyri halda tey, at Ísvirkið, sum í síni tíð var eitt sera framkomið átak á Tvøroyri, er ein virðiligur karmur um savningina av skjølum til søguna Vilmund Jacobsen Tað var á heysti í fjør, at Tvøroyrar býráð samtykti at veita fígging til eina 3-ára verk­ætlan, ið hevur til enda­ máls at skipa eitt skjala­savn á Tvøroyri við til­hoyr­andi gransk­ing. At standa á odda fyri verk- ­ætlanini, setti komm­un­an søgufrøð­ing­ar­nar og tvørá­ menn­inar, Kára Jesper­sen og Jens Paula A. Nolsøe. Framkomin skipan Í Tvøroyrar kommunu siga tey, at arbeiðið at skipa skjala­savnið, sum er stað­sett í gamla Ísvirkinum í Konga­ brekk­uni, er nú komið so mikið áleiðis, at hillaskipanin verð­ur sett upp. - Sjálv hillaskipanin er fram­komin, men tílíkt er neyð­ugt, um skjølini skulu liggja trygg og verða lætt at­ komilig. Sagt verður av Tvøroyri, at meira verður at hoyra um arbeiðið við skjalasavninum og ætlaðu tilknýttu gransk­ ingini komandi tíðina. Ynskja bestu eydnu - Ísvirkið, sum í sínari tíð var sera framkomið átak á Tvør­ oyri, er ein virðiligur karmur um savningina av skjølum til søguna í kommununi, siga tey í Tvøroyrar kommunu, sam­stundis sum tey ynskja odd­amonnunum, Kára Jesp­- er­sen og Jens Paula A. Nols­ øe, bestu eydnu við ar­beið­ num at skipa skjala­savnið á Tvøroyri. Nú verður hillaskipanin sett upp á skjalasavninum, sum er staðsett í gamla Ísvirkinum í Kongabrekkuni á Tvøroyri Vøkru kavamyndina hevur Jan Mortensen tikið