mánadagur 12. februar 2018síða 18

Mánadagur 12. februar 2018 · Nr. 18 18 Sosialurin Hugskot og viðmerkingar – send sms til 225000 André Olsen Tað er vorðið alsamt meira vanligt hjá føroyskum feløgum seinastu árini at fara til heitari lond at fyri­ reika seg til kappingarárið í bestu deildini. Fyri nøkrum árum síðani var EB/Streymur á venjingarlegu í Turkalandi, fyri tveimum árum síðani var B36 á venjingarlegu í Gran Canaria og í ár hava meistar­ arnir úr Víkingi fyrireika seg í Turkalandi til komandi kapp­ingar­ árið í Betri-deildini. Turkaland bíligari enn Ísland Brandur Jacobsen, formaður í Vík­ ingi, sigur, at teir í Víkingi í nøkur ár hava tosað um at farið til eitt heitari land at fyrireika seg til kap­pingarárið, men at teir høvdu væntað at tað var ov dýrt. Tað vísti seg at vera nógv bíligari, enn teir høvdu ímyndað sær áðrenn. Vit hava í nøkur ár verið í Íslandi á venjingarlegu fyri at fyrireika okk­um til kappingarárið, og tá hev­ur ofta verið tosað um, at man burdi verið farin til okkurt heitari land. Men eg havi erliga ikki trúð uppá at tað hevur kunna verið ein møgu­leiki, tí eg havi væntað, at tað tað hevur verið alt ov dýrt. Men eg var eitt sindur bilsin, tá eg sá hvat tað kostaði at fara til Turkalands – í veruleikanum var tað bíligari enn at fara til Íslands. Veðrið er eisini betri, umframt at umhvørvi har ferða­lagið búði var ógvuliga gott. Har vóru fleiri onnur fótbóltslið, ið búðu á sama hotelli, sigur Brandur Jacob­sen, formaður í Víkingi. Gevur betri samanhald Formaðurin í Víkingi heldur, at tílík­ar venjingarlegur geva nakað eyka sosialt til hópin, í mun til at venja heima í feløgunum, har leikar­arnir samlast tveir tímar um dagin til venjingar. Okkara royndir eru, at venjing­ ar­legurnar geva nakað eyka til hópin. Fótbóltsliga sjálvandi eitt sind­ur eisini, men meira sosialt við at samansjóva hópin. Leikararnir koma hvørjum øðrum við uppá ein øðr­vísi máta á eini venjingarlegu, har allir eru saman í døgndrift, saman­borið við vanligu venjingina úti í feløgunum, har teir samlast til venjingar í áleið tveir tímar um dagin, sigur Brandur Jacobsen. Ein av orsøkunum til góðu úrslitini Síðani Víkingur á fyrsta sinni spældi í bestu deildini í 2008, hevur felagið regluliga verið á venj­ingar­ legum. Tað hava teir bæði verið í Føroyum, í Íslandi og nú í Turka­ landi. Brandur Jacobsen sigur tó ikki, at tað beinleiðis er nakar fastur táttur, at felagið skal á venjingarlegu á hvørjum ári. Fyrst og fremst skulu fíggjarlig atlit takast, tá farast skal á venj­ingar­ legu. Vit hava ikki verið á venj­ ingarlegu hvørt ár, tí vit mugu taka fíggjarlig atlit. Tó hava vit verið ofta seinastu nógvu árini - næstan annað hvørt ár. Okkara royndir eru eisini, at tað hevur givið góð úrs­lit. Nú hava vit í felagnum havt góð úrslit seinastu árini, og tað eru fleiri orsøkir til tess. Eg eri tó vísur í, at ein av brikkunum í stóra puslispælinum hevur verið, at vit hava verið á venjingarlegum. Til saman­haldið í hópinum, hevur tað givið nakað eyka, sigur Brandur Jacob­sen, formaður í Víkingi. andre@sosialurin.fo Seinastu árini eru fleiri og fleiri feløg í bestu fótbóltsdeildini hjá monnum farin til heitari lond á venjingarlegu, fyri at fyrireika seg til fótbóltsárið. Brandur Jacobsen, formaður í Víkingi, sigur, at tað fíggjarliga var bíligari fyri Víking at fara til Turkalands á venjingarlegu enn at fara til Íslands FÓTBÓLTUR FLEIRI FARA TIL HEITARI LOND AT FYRIREIKA SEG