týsdagur 13. februar 2018síða 9

9 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 14. februar 2018 · Nr. 19 ALS Tað er ikki rímiligt at samsýningin skal lækka ALS Samsýningin til limirnar í stýrinum fyri ALS, hevur staðið í stað í 11 ár, samstundis sum allar aðrar lønir eru hækkaðar. Vit umsita stór virði, so vit halda, at samsýningin er hóskandi, sigur stýrisformaðurin í ALS Áki Bertholdsen Vit halda ikki at tað er rímiligt, at samsýningin til stýrislimirnar í ALS, skal lækka. Tað sigur Eyðfinnur Jacobsen, formaður í stýrinum fyri ALS. Sum tað stendur í hinari grein­ ini, ætlar Hevur Henrik Old, lands­ stýrismaður í arbeiðs­markn­aðar­ mál­um heitt á stýrið fyri ALS um at lækka samsýningarnar, men tað hevur stýrið ikki tikið til eftir­tekt­ ar. Henrik Old fer í næstum at leggja uppskot fyri Løgtingið um ymsar tekniskar broytingar í ALS og í tí sambandi eisini, hevur hann eisini í hyggju at fáa Løgtingið at sam­tykkja, at Landsstýrismaðurin skal góðkenna samsýningarnar til stýrislimirnar í ALS. Hann heldur eisini, at Løgtingið eigur at viðgera spurningin um, at Landsstýrismaðurin skal fáa størri ávirkan á virksemið hjá ALS. Samsýningin er hóskandi Eyðfinnur Jacobsen sigur, at áheit­ anin frá lands­stýris­mann­in­um er ikki gingin á møti, tí tey halda, at samsýningarnar eru hóskandi, tá ið samanborið við ábyrgdina, nevnd­in hevur, og tað arbeiðsorku, sum verður brúkt. Hann vísir á, at stýrið fyri ALS hevur minst átta fundir um árið, men er tørvur á tí, eru fleiri fundir. Og ímillum fundirnar er rættilig fitt at gera við at fyrireika seg til tær avgerðir, sum skulu takast. – Vit hava lurtað eftir ynskinum hjá Landsstýrismanninum og hava givið honum eitt væl grundað svar, leggur hann afturat. Eyðfinnur Jacobsen vísir á, at samsýningarnar hava staðið í stað í 11 ár, samstundis sum at allar aðr­ ar lønir eru hækkaðar. Skuldi samsýningarnar til stýris­lim­irnar í ALS hækka líka nógv sum allar aðrar lønir eru hækk­aðar, skuldu tær verið góð 30 pro­sent hægri enn tær eru í dag. Stór ábyrgd Stýrisformaðurin í ALS vísir eisini á, at stýrið hevur eina stóra ábyrgd og umsitur ognir fyri einar 600 milliónir krónur, og sum tíðirnar eru, veksa ognirnar 120 milliónir krónur um árið. Hann sigur, at sostatt halda tey ikki, at tað er rímiligt at lækka sam­sýningarnar. Men hann leggur afturat, at tað eru heldur ongar ætl­anir um at hækka tær. Hinvegin staðfestur Eyðfinnur Jacobsen, at ger Landsstýrið al­ menn­ar leiðreglur fyri samsýn­ ing­arnar til almennar nevndir og grunn­ar, og almenn ráð, er stýrið fyri ALS eisini sinnað at fylgja teim­um. Stýrisformaðurin í ALS vísir eisini á, at útreiðslurnar av at um­ sita ALS eru minkaðar 38 pro­sent hesi seinastu fýra árini, úr 10,4 milliónum, niður í 6,5 milli­ónir. Hann sigur, at eftir lima­tal­inum, er ALS sostatt tann ar­beiðs­loysis­ trygg­ingin í danska ríkinum, sum er bí­ligast at umsita, og tað er ein gongd, stýrið ætlar at halda fast um. Vatntætt skott Annars hevur Eyðfinnur Jacobsen ikki stórvegis viðmerking til hugs­an­ina hjá Henriki Old um, at lands­stýris­maðurin skal fáa størri ávirk­an á virksemið til ALS. Men hann sigur stutt, at ALS er nettupp skipað soleiðis, at tað skal vera skott ímillum skipanina og politiska myndugleikan og tí er ábyrgdin fyri ALS løgd í eitt stýri. Men hann sigur, at tá ið ALS hevur keypt húsið hjá Losjuni fyri 6,2 milliónir, er tað ein partur av vanligu ognarrøktini hjá ALS, har tey hava sett peningin í fasta ogn, heldur enn í bankan. Og tey meta, at talan er um eina góða íløgu, tí tey vænta virðið á ognini fer at hækka í framtíðini. Politikarar hava áður gjørt yms­ar royndir at fáa ávirkan á ALS, men tað hava partarnir á ar­ beiðs­marknaðinum hvørja ferð av­ gjørdir víst frá sær. Eitt dømi er, at eina ferð vóru røddir frammi um, at gjaldið í ALS í roynd og veru var ein skattur, sum átti at fara í landskassan. Men tann ætlanin varð av ongum, tí part­arnir á arbeiðsmarknaðinum vístu henni avgjørdir frá sær. Teir stúrdu nevniliga fyri, at so fór gjaldið til ALS bara at verða brúkt til tunlar og vegir og alskyns onn­ ur endamál, sum einki hava við ar­ beiðs­loysið at gera. –  Eg haldi, at ALS er farið at fevna breiðari enn tað eigur eftir enda­málsorðingini. Tey eru farin út um sítt kjarnuøki tá ið tey skipa fyri skeiðum fyri arbeiðsgevarar, og tað haldi eg, at Løgtingið eigur at fáa høvið til at siga sína hugsan um tað, sigur Henrik Old. So er spurn­ingurin um niðurstøðan at lands­stýrismaðurin skal hava eitt ávíst eftirlit við ALS, ella um ALS skal sleppa at gera sum tað vil, púra óheft av politisku skipanini. Men tað stendur so til Løgtingið at av­ gera, sigur hann. – Eg heitti á tey um at lækka samsýningina til stýrislimirnar, men tað varð ikki gingið á møti, tí tey søgdu, at tað avgera tey sjálvi, sigur Henrik Old, landsstýrismaður í arbeiðsmarknaðarmálum. Nú heldur hann, at Løgtingið skal fáa høvi til at siga sína hugsan um virksemið hjá ALS og um landsstýrið púra onga ávirkan yvirhøvur skal hava á virksemið hjá ALS Eg haldi, at ALS er farið at fevna breiðari enn tað eigur – Vit hava lurtað eftir ynskinum hjá Landsstýrismanninum og vit hava givið honum eitt vælgrundað svar, sigur Eyðfinnur Jacobsen, formaður í stýrinum fyri ALS