hósdagur 15. februar 2018síða 28

FRÍGGJADAGUR 16. FEBRUAR 2018 SOSIALURIN 20 28 TRÓNDUR ARGE V ÍF og Kyndil hava saman­lagt bara tveitt níggju stig í lands­ kapp­ingini. Flest av teimum er follin í innanhýsis dyst­um millum oddaliðini. VÍF og Kyndil eru greitt bestu liðini í kvinnudeildini í løtuni. Tí er talan um eina dreymafinalu hjá kvinnunum. Tey tey bestu liðini í kapp­ingini møtast til eina uppgerð, og tað er vónleyst at velja annað liðið framum hitt sum favoritt. Finalan kvinnur: Kyndil – VÍF Vegurin til finaluna: Kyndil: Koma víðari uttan dramatikk. Vinna við 10 og 11 í tveimum teimum fyrstu dystunum. Kyndil er víðari sum 1-ari, tá VB kemur á vitjan í triðja dystinum í bólkaspælinum, men vinna alíkavæl. Í hálvfinalunum kemur Kyndil heldur lættliga víðari móti H71. Longu aftaná eitt korter av fyrru hálvfinaluni í Hoyvík er Kyndil á odda 8-0. Tær vinna rímiliga greitt báðar dystirnir og koma sannførandi víðari. Úrslit: (Bólkaspælið) Kyndil – Stjørnan 31-21, StÍF – Kyndil 21-32, Kyndil – VB 29-26 (Hálvfinalurnar) H71-Kyndil 19-31 og Kyndil-H71 33-23 Lyklaspælari hjá Kyndli: Maja Dragoljubovic Royndi málverjin úr Serbia hevur verið við til, at gera Kyndil meiri støðugt. Verjan hjá Kyndli er sterk, men spælir Maja Dragoljubovic væl, so er grundin løgd undir einum sigri. Hon hevur gjørt tað fyrr. Millum annað í fjør, tá hon bleiv vald til besta spælaran í steypafinaluni. Vegurin til finaluna: VÍF: Kom í hálvfinaluna næstan uttan at sveitta. Vinna fyrst við níggju málum á H71, fyri síðani at vinna heili 47-13 á næstbesta liðnum hjá VÍF. Tær hava næstan ikki sett stig til í ár. Tað er eitt sunt tekin, tí tað er bara í tí eina dystinum móti Kyndli, at liðið ikki hevur spælt væl. Í hálvfinalunum er heldur ikki nógvur spenningur, hóast tað sjáldan er lætt at spæla í Vági. VÍF vinnur við tíggjum málum. Tá er allur ivi burtur. Úrslit: (Bólkaspælið) VÍF – H71 27-18, VÍF 2 – VÍF 13-47, VÍF – Neistin 31-25 (Hálvfinalurnar) VB-VÍF 28-28, VÍF-VB 25-23 Lyklaspælari hjá VÍF: Marianna H. Jacobsen Liðið hevur fleiri spælarar, sum hava stóran týdning fyri liðið, men til finaluna verður neyðugt at fáa skotið nøkur mál í fyrru hálvfinaluni, so útgangsstøðið verður gott til seinna dystin. Tá verður brúkt fyri Mariannu H. Jacobsen og Liljuni Djurhuus, sum skulu vinna dystin á Maju Dragoljubovic. Vit tippa: Kyndil vinnur – við einum Her er ongin munur á liðunum. Tey eru eins sterk og tað finalan helst eisini at vísa. Tað verða teir heilt smáu lutirnir, ið koma at avgera dystin. Tí kann Kyndil hava ein fyrimun í, at tær hava spælt saman leingi og hava roynt at vunnið bæði steypafinalur og FM-finalur. TRONDUR@SOSIALURIN.FO ÍTRÓTTUR: Hondbóltur Steypafinalan hjá kvinnum verður millum oddaliðini í landskappingini, VÍF og Kyndil. Hetta er dreymafinalan fyri 2018, tí onki annað lið kann spæla upp í móti hesum báðum DREYMAFINALAN Steypahondbóltur: