mánadagur 19. februar 2018síða 8

Mánadagur 19. februar 2018 · Nr. 21 8 Sosialurin Hugskot og viðmerkingar – send sms til 225000 Soleiðis sá dekkið á bátinum hjá Doru Tiberiu á Torvlaðnum út leygardagin, tá hann var sín fyrsta snellutúr á Norðhavinum í ár. Misvísandi um sildakvotuna Út frá tíðindaskrivi hjá Fiskimálaráðnum kunnu fólk halda, at føroyska sildakvotan er økt í 2018, men soleiðis er ikki. Í tonsum er talan um eina lækking á stívliga 37.000 tons Vilmund Jacobsen Høgni Hoydal, fiskimálaráðharri, hevur eftir ráðførslu við uttan­ landsnevnd løgtingsins tikið avgerð um at áseta føroysku kvotuna av norðhavssild til 88.350 tons fyri 2018. Hóast strandarlondini fram­ vegis ikki eru samd um at býta norð­havssildina sínámill­um, samd­ust londini tó í Keyp­manna­ havn hin 7. desember 2017 um mest loyvdu veiði á 435.000 tons fyri 2018. Londini samdust eisini um at endurskoða langtíðar umsiting­ar­ ætlanina. - Føroyski luturin av norð­havs­ sild er hækkaður eitt vet í pro­sent­ um mun til í fjør til tess lut­fals­ liga at útjavna nýliga økt krøv frá øðrum pørtum, sigur Fiski­mála­ ráðið í tíðindaskrivi fríggja­dag­in.   Tað ósagda Út frá tíðindaskrivinum hjá Fiski­ málaráðnum kann lesarin halda, at føroyska sildakvotan er økt í 2018, men soleiðis er ikki. Í skrivinum hjá Fiskimála­ráðn­ um verður nevniliga einki sagt um, at føroyska sildakvotan í 2017 var umleið 125.000 tons - og at kvotan í ár einans er 88.350 tons. Her er soleiðis talan um eina lækk­ing á stívliga 37.000 tons ella umleið 30 prosent. Hóast prosenthækkingin av før­ oysku sildakvotuni fer úr 19,44 upp í 20,31 prosent, soleiðis sum onkur miðil eisini hevur ført fram, er talan um stóra minking í tonsum. Hetta kemst av, at mest loyvda veiða í 2018 er 435.000 tons í mun til 646.075 tons í 2017. Fjarnám bjóðar tær menning Vilmund Jacobsen Hugsar tú um at menna teg fakliga, um at fáa annað arbeiði - ella at taka eina útbúgving? Týskvøldið 20. februar klokkan 20 bjóðar Fjarnám í Klaksvík til ókeypis fyrilestur við Deirdre Hansen, lestrar- og karrieruvegleiðara á Fjarnámi. Deirdre Hansen fer at tosa um, hvørjir møguleikar eru til teirra, sum umhugsa víðari lestur ella karrieruskifti. Eftir fyrilesturin er møguligt at fáa eitt prát og persónliga vegleiðing um, hvussu hetta kann gerast. Fjarnám, sum húsast saman við Íverksetarahúsinum í gomlu skrivstovuni hjá Kjølbro í Klaksvík, er ein lestrardepil hjá Klaksvíkar kommunu. Depilin gevur borgarunum møguleika fyri útbúgving og førleikamenning í nærumhvørvinum í Norðoyggjum. LIÐUGT: Uppgávan er liðug - fáa vit nú okkurt gott? Soleiðis síggja hesir tríggir brundarnir í Koltri út til at hugsa. Fyrr byrjaði seyðaárið á trettandu - hin 6. januar - tá var brundtíðin liðug, og menn fóru eftir verðagjólingum. Ein gloymd vikuløn 17. februar í 1968 - ella fyri fimmti árum síðan - var ein stórur dagur í Skopun, tá flakavirkið í bygdini læt upp Vilmund Jacobsen Sambært Fríðhild Winther, sum hevur starvast á virkinum í mong Harrans ár, komu menn henda dagin av Eiði til Skopunar at læra konur á virkinum at skera flak. Eitt, sum eisini hendi henda dag­in fyri fimmti árum síðan, var sambært Fríðhild Winther, at Rit­ an sakk við havnarmola, tá Tern­ an og Ritan stoyttu saman. Seinasta leygardag, sum eis­ ini var hin 17. februar, bjóðaði ar­ beiðs­kvinnufelagið í Skopun øll­ um kvinnum, sum hava starvast og fram­vegis starvast á virkinum, til morgun­kaffi við onkum góðum aftur við. Tiltakið var í Samljóði frá klokk­ an 10 til 14, og her var høvi at skifta orð og minnast aftur á gaml­ar dagar á flakavirkinum. Viðhefta mynd av gomlum penga­seðlum er ein lønargjalding hjá einari av mongu kvinnunum, sum hava arbeitt á flakavirkinum í Skopun gjøgnum árini. Fríðhild Winther vísir á, at hetta eru pengar, sum ein av kvinn­unum fekk í løn, men hon misti brævbjálvan burtur - og bræv­bjálvin varð ikki funnin aft­ ur, fyrr enn húsini fleiri ár seinni vórðu tømd. Føroyska sildakvotan í ár minkar umleið 30 prosent í mun til 2018