hósdagur 22. februar 2018síða 13

FRÍGGJADAGUR 16. FEBRUAR 2018 SOSIALURIN 20 13 Fíggjarmálaráðið søkir eftir løgfrøðingi til setan skjótast tilber. Ert tú tann, vit leita eftir, so hava vit eitt avbjóðandi og spennandi starv, har uppgávurnar krevja royndir, fakligan førleika og áhuga fyri økinum, sum ráðið varðar av. Sum løgfrøðingur í Fíggjarmálaráðnum sleppur tú at brúka tína løgfrøðiligu vitan til at ráðgeva stjórnarráðum og leiðslum hjá landsins stovnum í arbeiðs- og setanarrættar- ligum spurningum, umframt at luttaka í lógararbeiði innan tey øki, sum ráðið varðar av. Tú kemur at tulka sáttmálar, luttaka í rættarmálum og gerðarættarmálum. Eisini fært tú góðar møguleikar fyri menning. Høvuðsuppgávurnar eru at: • ráðgeva og málsviðgera í starvsfólka rættar- ligum spurningum • Verða við í lógararbeiði innan virkisøkini hjá Fíggjarmálarráðnum • viðgera ósemjur millum sáttmálapartar, herundir at fyrireika og verða við í rættar- og gerðarrættarmálum • tryggja holla vegleiðing og kunning um starvsfólkaviðurskifti á heimasíðu okkara • Verða við, eftir tørvi, í sáttmálasamráð ing- um hjá landinum Vit søkja eftir einum, sum er útbúgvin løg frøðingur, hevur vitan um almenna fyri siting og hevur áhuga fyri starvsfólka- og arbeiðsrætti. Vit vænta, at tú sum persónur: • er semjusøkjandi • hevur góðar samskiftisførleikar, bæði munnliga og skrivliga • megnar at arbeiða undir trýsti og • dugir at hava fleiri bóltar í luftini í senn Setanarviðurskifti: Starvið verður lønt eftir útbúgving og royndum eftir sáttmála við BLF. Umsókn: Umsókn við upplýsingum um útbúgving, lívsrensl og møgulig viðmæli skulu stílast til Jan Mortensen, lønarstjóra í Fíggjarmála- ráðnum, og skulu sendast til: Fíggjarmálaráðið Tinganes, Postrúm 2039, FO-110 Tórshavn Umsóknin kann eisini sendast umvegis teldupost til: jan@fmr.fo Umsóknin skal vera okkum í hendi í seinasta lagi 8. mars 2018 kl. 16.00. Starvið verður sett skjótast møguligt eftir nærri avtalu. Allar umsóknir verða viðgjørdar í trúnaði. Nærri upplýsingar fáast við at venda sær til Jan Mortensen, lønarstjóra á tlf. 35 20 20 ella 55 20 00. Um ráðið: Fíggjarmálaráðið fyriskipar landsins búskaparstýring og skapar grundarlag fyri, at lands fyrisitingin greiðir sínar uppgávur væl búskapar liga. Høvuðsarbeiðs økini hjá Fíggjar málar- ráðnum eru: Búskaparmál, Fíggjarmál, Lønar- og starvsfólka mál og Skattamál. Kristina Háfoss er landsstýriskvinna í fíggjarmál um og í ráðnum starvast 14 fólk. Ráðið heldur til úti í Tinganesi. Les nærri á www.fmr.fo LØGFRØÐING TIL FÍGGJARMÁLARÁÐIÐ Fíggjarmálaráðið, Tinganes Postrúm 2039 FO-100 Tórshavn Tlf: +298 35 20 20 fmr@fmr.fo www.fmr.fo STARVSLÝSING Níggju filmar í uppskoti til Geytan Leygarkvøldið verður filmsvirðislønin Geytin handað í Norðurlandahúsinum. Níggju føroyskir stuttfilmar eru við í kappingini um virðislønina á 30.000 krónur. Eisini verður avdúkað, hvør fær Áskoðaravirðislønina, sum er á 25.000 krónur MILDRIÐ JACOBSEN MILDRID@SOSIALURIN.FO L eygarkvøldið verður av­ dúkað, hvør vinnur films­ virðis­lønina Geyt­an. Til­ samans níggju før­oysk­ir stuttfilmar, sum allir eru nýgg­ir, eru í uppskoti til virðis­lønina, ið er á 30.000 krónur. Umframt virðis­løn­ina fær vinn­arin eisini Geyta­stand­myndina, sum Astrid Andrea­sen hevur sniðgivið. Áskoðararnir fáa eisini møgu­ leika at velja sín yndisfilm. Áskoð­ ara­virðislønin er á 25.000 krónur. Føroysku stuttfilmarnir verða vístir fram í Norðurlandahúsinum, og eftir sýningina verður vinnarin avdúkaður. Ein filmsnevnd, sum er mannað við sjey limum, ger av, hvør filmur vinnur Geytan. Formaður í nevnd­ ini er Birgir Kruse. Hinir limirnir í filmsnevndini eru Sif Gunnarsdóttir, stjóri í Norð­ urlandahúsinum, Jan B. Jørgensen, umboð fyri Klippfisk, Marjun Nicla­sen, umboð fyri Filmshúsið, Eilen Anthoniussen, umboð fyri Tórs­havnar Kommunu, Johnny í Grót­inum, stjóri í Kringvarpi Føroya og útlendski leikstjórin Hlyn­ur Pálmason. Teir níggju filmarnir, sum eru í uppskoti at vinna Geytan og Áskoðaravirðislønina, snúgva seg millum annað um ein mammu­ drong, sum málar kamarið hjá sær, andaliga prædikumannin Baldur og moralska nihilistin Teit, mannin við blæuni og um ein trøllvaksnan mann, sum býr heima hjá mammu síni. Tiltakið verður í Norður­landa­ húsinum leygarkvøldið. Føroysku stutt­ filmarnir, sum eru við í kapp­ingini um Geytan og Áskoðara­ virðis­lønina: Myndamálarin. Leikstjóri: Gudmund Helmsdal 111 góðir dagar. Leikstjóri: Trygvi Danielsen Skóhorn(y). Leikstjóri: Sóley Danielsen og Gudmund Helmsdal Fisherman. Leikstjóri: Franklin Henriksen Frosthvarv. Leikstjóri: Franklin Henriksen Maðurin við Blæuni. Leikstjóri: Maria Tórgarð Collission Course. Leikstjóri: Rói Davidsen Sorte Hunde. Leikstjóri: Atli Brix Kamban Wunder Pitsa. Leikstjóri: Hanus Johannesen GEYTIN