hósdagur 22. februar 2018síða 15

FRÍGGJADAGUR 23. FEBRUAR 2018 SOSIALURIN 23 15 Rigsombudsmanden på Færøerne Í sambandi við, at eitt av starvsfólkum okkara fer í barnsburðarfarloyvi, sóknast Ríkisumboðið eftir einum skrivstovufólki at avloysa í farloyvistíðarskeiðnum, sum væntandi varir eitt ár, uml. 30 tímar um vikuna ella sambært nærri avtalu. Vit vænta okkum, at tú kanst byrja 1. mai 2018. Ríkisumboðið er ein lítil stovnur við nógvum og ymiskum uppgávum. Tí vænta vit, at tað liggur tær væl fyri at fáast við nógvar ymiskar uppgávur samstundis uttan at missa tráðin og at tú lættliga kanst seta teg inn í nýggj viðurskifti. Høvuðsparturin av arbeiðsuppgávunum verða innan familjurættin, har tú millum annað skal megna at samskifta dagliga við borgarar um persónsviðkvom mál á virðiligan hátt. Arbeiðsuppgávur • At fyrireika familjurættarlig mál skrivliga, m.a. at senda út fundarinnkallingar • At rokna út inntøkugrundarlag og taka avgerðir í málum um barnapening o.a. • At svara telefonini • At svara skrivligum og persónligum áheitanum frá borgarum • Vanligt skrivstovuarbeiði v.m. Førleikakrøv • Skrivstovuútbúgving ella onnur viðkomandi útbúgving/royndir • Royndir innan sjálvstøðuga málsviðgerð • Góð evni at samstarva og tænastuvinarligt sinni • Álítandi, fleksibul, uppsøkjandi og hug til broytingar • Búgvin og hevur ábyrgdarkenslu • Góðir málførleikar í donskum og føroyskum, bæði skrivliga og munnliga • Dugir at arbeiða við tølum og hevur teldukunnleika Setanartreytir Talan er um fyribils starv eftir galdandi felags sáttmála ímillum Finansministeriet og OAO-S og organisationsaftale mellem Finansministeriet og HK/Stat for Kontorfunktionærer, Laboranter og IT-medarbejdere i staten. Gerast skal vart við, at føroyskir myndugleikar yvirtaka málsøkið persóns-, familju- og arvarætt á Ólavsøku 2018. Í sambandi við yvirtøkuna flyta tey starvsfólk, sum starvarst á persóns-, familju- og arvarættarliga økinum við yvir til føroyskar myndugleikar, soleiðis at tey frá 29. juli 2018 eru í starvi hjá nýggja føroyska myndugleikanum. Nærri upplýsingar um starvið kunnu fáast við at venda sær til skrivstovufulltrúða Lailu Enghamar ella ríkisumboð Lene Moyell Johansen á tlf. 20 12 00 millum kl. 10 og 14. Umsókn Umsóknin skal vera okkum í hendi í seinasta lagi sunnudagin 11. mars 2018 á midnátt. Setanarsamrøðurnar verða væntandi hildnar í viku 11 ella viku 12. Tú kanst senda umsóknina saman við próvskjølum og øðrum viðkomandi til: Rigsombudsmanden på Færøerne, Postboks 12, FO-110 Tórshavn ella við telduposti til: ro@fo.stm.dk sum PDF- ella Wordskjal. BARNSBURÐARAVLOYSARI HJÁ RÍKISUMBOÐNUM