hósdagur 22. februar 2018síða 24

FRÍGGJADAGUR 23. FEBRUAR 2018 SOSIALURIN 23 24 ÍTRÓTTUR: Flogbóltur TRÓNDUR ARGE 12 steypafinalur upp á eitt vikuskiftið. Tað er avbjóðingin hjá Flogbóltssambandinum til leygardagin og sunnudagin. Av teimum 12 steypafinalunum eru SÍ í ikki færri enn 10 av teimum. Sermerkt er tó, at ættarliðsskifti er á besta liðnum. Teir eru ikki mentir nóg nógv enn, og taptu fyri SÍ b, sum hevur fleiri av royndastu spælarunum í landinum á liðnum. Tú kundi eisini sagt, at tað er ein staðfesting av, Sørvágur er ein flogbóltsbygd. Tað eru flogbóltsspælarar í øllum aldri. -Um nøkur ár hava hvørki vit ella ÍF ein kjans móti SÍ a, sigur Jørgen Niclasen við Góða Morgun Føroyar, tá hann verður spurdur um støðuna. Kendi politikarin er ein av fleiri navnframum spælarum á SÍ b. Eitt lið, ið telur spælarar sum Jón Falkvard, Ólav Jensen, Jón Nielsen, Jón Joensen og Jóhan Petur á Stongum. Samanlagt hava teir spælt yvir 170 landsdystir fyri Føroyar. ÍF er favorittur Tað er breið semja um, at ÍF er favorittur at vinna steypafinaluna, men tað merkir ikki at tað verður ein lættur dystur. -Vit hava vant soleiðis, at vit skulu toppa nú kappingin nærkast endanum. Nú vit hava vunnið okkum pláss í steypafinaluniu og fingið fatur áoddasessinum í landskappingini, sær tað út til at hava gingið júst sum vit ætlaðu, sigur Boban Ilic, venjari hjá ÍF. - Vit fara á vøllin fyri at vinna. Tað skal tað ikki vera nakar ivi um. Málið er eisini at koma í - og vinna - finaluna í landskappingini, og har liggja vit rættiliga væl fyri. So tað sær gott út hjá okkum. Royndi venjarin hjá ÍF, Boban Ilic, ivast ikki, tá hann skal seta orð á steypafinaluna hjá monnum, sum verður í høllini á Hálsi leygardagin klokkan 13.30. - SÍ b var mannað við góðum spælarum, sum avgjørt ikki eru gamlir. Teir eru eldri enn spælarar á hinum liðnum, men talan er framvegis um spælarar í góðum flogbóltsaldri, og tí skulu vit vera vaknir allan dystin, sigur Boban Ilic. Tí verður ikki talan um ein lættan dyst fyri ÍF, um nakar skuldi havt fingið tann tankan, vísir venjarin á. Sjálvsálit í Sørvági Fuglfirðingar skulu tí ikki vera í iva um, at teir mugu stríðast fyri gullinum, um teir ætla sær tað, sigur venjarin hjá sørvingum. Hann vísir á, at higartil í kappingini hava sørvingar verið undirtippaðir, hvørja ferð teir eru farnir á vøllin, men nú standa teir í finaluni. Og teir eru fullir av sjálvsáliti. - Vit hava spælt ímóti øllum liðum í landskappingini og vit hava vunnið á teimum øllum. Tað einasta liðið, sum vit ikki hava spælt ímóti er ÍF, og teimum skulu vit upp ímóti nú. Og sjálvandi trúgva vit uppá tað, sigur Jørgen Niclasen. Hann er eisini vísur í, at spælararnir fara at leggja alla orku í at vinna henda dystin, tí hetta er týningarmiklasti dysturin í ár. - Ein steypafinala er nakað heilt serligt, so ja, eg eri vísur í, at allir eru til dystin fús og fara at stríðast fyri sigrinum, sigur hann við heimsíðuna hjá Flogbóltssambandinum og leggur afturat: - Hvørja ferð vit eru farnir á vøllin, hava fólk roknað við, at vit fóru at tapa, og tað broytist neyvan til finaluna. Men tað sum er farið av steypakappingini hava vit spælt móti øllum liðum, uttan ÍF, og vit hava vunnið á øllum liðum, sigur Jørgen Niclasen, venjari og formaður í felagnum Um støðuna, at SÍ b er mannað við eldru spælarum, meðan SÍ a ikki kemur í finaluna, sigur hann: - Í ár hava vit valt at lata teir ungu leikararnar manna liðið í meistaradeildini. Teir eldru leikararnir hava ikki stundir til at venja so nógv sum krevst, men vit hava framvegis hug at spæla. Vit hildu ikki at rætta framferðin var at lata eldru og royndaru leikararnar yvirtaka liðið, um tað kom í finaluna, og tí valdu vit heldur at melda tvey lið til steypakappingina, sigur Jørgen Niclasen. Fleyr: Málið er at vinna greipuna Við tí støði, sum vit hava nú, ber ikki til at seta málið lægri enn at vinna leygardagin. Og málið er eisini at vinna FM-finaluna, har vit meira ella minni eisini hava tryggjað okkum pláss, sigur venjarin hjá kvinnuliðnum hjá Fleyr, Kristian Mikkelsen. Fleyr skal spæla móti Drátti í steypafinaluni hjá kvinnum. Venjarin letur væl at liðnum og ikki minst hugburðinum. - Hetta er nokk tann breiðasti og besti hópurin, sum eg havi arbeitt við. Legg so tað afturat, at uppmøtingin til venjingarnar er heilt framúr, umleið 95 prosent, og tað ger venjingarnar góðar og áhugaverdar. Bæði fyri spælararnar og fyri meg sum venjara, sigur Kristian Mikkelsen. Mált yvir allan hópin hevur hann eitt rættiliga ungt lið. Tveir spælarar nærkast 30,men restin liggur frá 25 árum og niðureftir. - Men tað merkir ikki, at talan er um óroyndar spælarar. Seks leikarar hava umboðað Føroyar í altjóða dystum og eg eri vísur í, at fleiri av teimum yngru fara at gera tað í framtíðini, sigur Kristian Mikkelsen. Hann leggur tó eina við, at hann væntar at fáa ein javnan dyst, tí sjálvt um Dráttur tapti seinasta landskappingardystin móti KÍF fyri fáum døgum síðan, er talan um eitt gott lið, sum hevur sínar dygdir. TRONDUR@SOSIALURIN.FO Steypaflogbóltur: Steypafinalurnar í flogbólti verða um vikuskiftið í umbygdu stórhøllini á Hálsi. Hjá kvinnum spæla Fleyr og Dráttur, meðan luttakarnir hjá monnum eru ÍF og SÍ b – sum hevur kenda politikaran, Jørgen Niclasen, á liðnum SÍ B ER ÓVANLIGI LUTTAKARIN