hósdagur 22. februar 2018síða 44

VINNUBLAÐIÐ HJÁ MIÐLAHÚSINUM 16 februar 2018 23 Vilmund Jacobsen Tað er fríggjadagur 26. januar 2018, og hetta er dagurin, tá ársins leiðarar - ávikavist fyri tað almenna og fyri tað privata - alment verða kosnir á leiðara­degi í Norðurlandahúsinum. Halda vit okkum til privatu vinnu­na, er hetta annað árið á rað, at stjór­in í KSS, Klaksvíkar Sleipistøð, Fri­modt Rasmussen, er innstillaður sam­an við tveimum øðrum. Í fjør gjørdist tað stjórin á Hotel Før­oy­um, Johannes Jensen, sum dró longsta stráið og gjørdist ársins privati leiðari. Tá fríggjadagurin líður, og tíð­ind­ini berast, gerst greitt, at ársins privati leiðari í ár - valdur av einari dóms­nevnd - verður Frimodt Rasmussen. Í sínum grundgevingum fyri at knýta henda heiður at klaks­vík­ing­inum sum er smiðju-og bed­ings­stjóri, sigur dómsnevndin, at maður­in síðan 2011 hevur verið undan­gongumaðurin og dugnaligi leiðarin á Klaksvíkar Sleipistøð. - Frimodt Rasmussen stendur á odda fyri eini vælvirkandi skipa­smiðju, har alt frá smábátum til stór skip fáa nútímans og dygdargóða tæn­astu. Við sínum nærlagna, virkis­fýsna og framskygda lyndi er hann ein fyrimynd og kveikjari fyri síni starvsfólk, sum trívast fakliga og sosialt. Dómsnevndin sigur, at við Fri­modt Rasmussen sum leiðara tekur KSS seg alsamt fram og veksur við teimum mongu og spennandi upp­gávum, sum teimum vera litnar upp í hendur. - Klaksvíkar Sleipistøð hevur har­um­framt havt góð úrslit, leggur dóms­nevndin aftrat. KSS hevur 23 lærlingar Mikudagin í hesi vikuni, nú nakrar fáar vikur eru lagdar aftur um bak síðan leiðaradagin, hava vit vitjað KSS og stjóran, Frimodt Rasmussen. Klaksvíkar Sleipistøð hevur eina drúgva søgu, sum røkkur heili níti ár aftur í tíðina. Tað verða nevniliga 90 ár í ár, síðan sleipistøðin á fyrsta sinni byrjaði sítt virksemi. - Eg byrjaði her hin 4. juni í 2011, tá eg saman við øðrum keypti KSS, og tað eru tvey feløg sum eiga fyri­tøkuna. Sum ungur var eg í læru á sleipistøðini, her eg gjørdist maskin­ smiðjur í januar í 1990. Síðan fór eg á Maskin­ meistaraskúla og gjørdist maskin­meistari í januar í 1993. Í eini átta ár fekst eg við aling, og eg havi eisini starvast hjá Thor í Hósvík sum inspekt­ørur í eini 4-5 ár. Frimodt Rasmussen sigur, at tað var onkur, ið arbeiddi hjá KSS, sum í 2011 spurdi, um áhugi møguliga var at keypa fyritøkuna. - Vit skulu ikki lata illa at hesi árini, vit hava átt og rikið virksemið. Tá vit keyptu, vóru eini 16-18 fólk í starvi hjá Klaksvíkar Sleipistøð, og í dag nær­kast vit teimum 70. Eg vil meta, at umsetningurin tá lá um einar 10 miljón­ir krónur, og í dag nærkast vit teim­um 70 miljónunum. Lítillátin, sum stjórin er, leggur hann aftrat, at umsetningurin onkun­tíð fyri hansara tíð í fyritøkuni var enn størri. - Av teimum út við 70 starvs­fólk­unum hjá KSS í dag, eru 20 smiðju­lærlingar, tveir goymslu­lær­ling­ar og ein skriv­stovulærlingur. Av arbeiðs­fólki annars hava vit eitt nú sveinar, maskinmeistarar og framleiðslutøkningar, og har­aftr­at hava vit gott samstarv við verk­ frøðing, sum ger uppgávur fyri okkum, tá slíkar eru, sigur Frimodt Ras­mus­sen, sum ikki er maðurin við teimum stóru orðunum og sum til dag­ligt veipar við ørmunum. Mong fortjena heiður Meðan vit sita og skifta orð, kemur kona Frimodt Rasmussen, Linda Ras­mussen, eisini inn á gólvið. Hon arbeiðir hjá KSS sum skriv­stovufólk, og soleiðis eru hon og maðurin - umframt at vera hjún - eisini starvsfelagar. Linda Rasmussen heldur fyri, at tað munnu vera fleiri privatir leiðarar, sum hava uppborið heiðurin, sum hesa­ferð fall manni hennara í lut. - Men, skal eg siga, hvat eg haldi, so hevur Frimodt fortjent heiðurin, so­leiðis sum hann saman við góð­um fólki í fyritøkuni hevur stríðst og strevast fyri teimum úrslitum, sum KSS higartil hevur rokkið. Hjúnini eiga trý børn, sum eisini fingu sína læru hjá Klaksvíkar Sleipi­støð. - Dóttir okkara, sum er elst, fekk sína skrivstovuútbúgving her, og haraftrat hava tveir synir okkara tikið útbúgving her sum maskin­smiðir. Teir ganga nú báðir á Maskin­ meistara­skúla, harav annar verður liðugur í summar, um alt gongur væl. Linda Rasmussen nevnir til stutt­leik­ ar, at tað ikki bara eru tey bæði í familjuni, hon og maðurin, sum hava arbeitt á sama arbeiðsplássi. - Tað gjørdu foreldrini hjá mær og foreldrini hjá Frimodt eisini. At vit bæði arbeiða á sama arbeiðsplássi haldi eg ikki hevur verið nakar trupuleiki. Eg haldi heldur, at tað hevur havt positivan týdning, at vit kenna arbeiðsdagin hjá hvørjum øðr­um og vita, hvat liggur aftan fyri, tá dagur er lokin, leggur hon aftrat. Frimodt Rasmussen tekur undir við konu síni í hesum og dylur ikki, at hon ikki minst hevur verið hansara stuðul og eigur saman við hinum øllum dugnaligu starvsfólkunum í fyri­tøkuni sín lut í góðu gongdini. Avbjóðandi at veksa Sjálvur sigur stjórin seg vera fegn­an um heiðurin sum ársins leiðara, og hann heldur, at hetta í fyrsta lagi kann hava týdning í mark­ naðar­før­ing­ini hjá KSS. - Eg havi fingið nógvar heilsanir og nógv fleiri, enn eg nakrantíð hevði roknað við, og tey eru mong, sum hava fegnast saman við mær. Hin­vegin hevur onkur, sum arbeiðir her, eisini skemtiliga spurt, nær tey skulu byrja at leita sær eftir nýggjum arbeiði, tí eftirtíðin hevur víst, at ikki allir ársins leiðarar hava havt eydnu­na við sær. Frimodt Rasmussen sigur, at hann er ikki maðurin, sum dámar at stinga nøsina ov langt fram, sum hann tekur til. Honum dámar betri at vera meira anonymur. - Í eini fyritøku sum okkara gert tú einki einsamallur, og tað hevur kravt nógv av okkum hesi árini síðan 2011, bæði at vaksið um virksemið og fingið rímilig úrslit á botnlinjuni. Tá ein fyritøka veksur skjótt, er ógvuliga um­ráðandi at hava røttu fólkini til teir røttu postarnar. Ein slíkur vøkstur kemur ikki av sær sjálvum. Vøkstur er ein stór avbjóðing, sum setir krøv til øll í fyritøkuni. Stjórin vísir á, at kappingin á mark­naðinum er hørð, og mark­naðar­prísurin er tað, hann er. - Hinvegin hava vit arbeitt meira við innkeypsprísinum og hava roynt at leitað okkum betri avtalur. Frimodt Rasmussen leggur dent á, at hóast kappingin millum veitar­ar­nar er hørð, er samstarvið millum somu partar bæði gott og gevandi. - Vit keypa frá okkara kapp­ingar­neytum, og okkara kappingarneytar keypa frá okkum. Haraftrat er van­ligt, at samstarvað verður um ymiskar uppgávur og verkætlanir - ikki minst, tá ræður um føroysku kapp­ingina mótvegis útlandinum. Vit hava eisini havt útlendsk skip her heima, har samstarvað hevur verið millum fleiri partar í Føroyum. Tað er fáur, sum klárar ella dugir alt, men saman kunnu vit røkka rættiliga langt, leggur hann aftrat. Hava 35 eindir koyrandi Hóast navnið er Klaksvíkar Sleipi­støð - stytt KSS - er sjálvur bed­ings­part­urin ikki hin størsti í fyritøkuni, men tá skip verða tikin upp, verður ofta annað arbeiði at gera eisini, eitt nú maskinumvælingar. Frimodt Rasmussen sigur, at KSS ikki - VIÐ SÍNUM NÆRLAGNA, VIRKISFÝSNA OG FRAMSKYGDA LYNDI ER HANN EIN FYRIMYND OG KVEIKJARI FYRI SÍNI STARVSFÓLK, SUM TRÍVAST FAKLIGA OG SOSIALT, SIGUR DÓMSNEVNDIN, SUM VALDI FRIMODT RASMUSSEN, STJÓRA Í KSS Í KLAKSVÍK, TIL ÁRSINS PRIVATA LEIÐARA. VINNAN HEVUR SKIFT ORÐ VIÐ SÁTTLIGA MANNIN, SUM Í ÁR FEKK HENDA HEIÐUR Á LEIÐARADEGNUM - Vit bæði kappast og samstarva við aðrar í vinnuni