hósdagur 22. februar 2018síða 45

VINNUBLAÐIÐ HJÁ MIÐLAHÚSINUM 17 februar 2018 23 minst hevur sína styrki í motor­um­vælingum og umvælingum av generatorum, og soleiðis hevur fyri­tøkan umleið 35 koyrandi eindir ella bilar við einum ella tveimum monn­um í hvørjum bili - alt eftir, hvørjar upp­gávurnar kring landið nú eina­ferð eru. - Eg kann siga, at hesir bilar eru koyrandi verktoyskassar, sum við teimum monnum, sum koyra í teimum, kunnu loysa ein hóp av ymisk­um uppgávum, bæði umborð á skip­um og hjá ymiskum fyritøkum á landi. Í stuttum kann eg siga, at tey arbeiði, sum fylla mest hjá okkum, eru arbeiði upp á motorar, generatorar umframt ymiskt stál-og sveisi­arbeiði. Skipini fylla nógv hjá KSS, men fyri­ tøkan hevur eisini gjørt uppgávur fyri eitt nú SEV í Vestmanna, har teir hava gjørt ymiskt viðlíkahald í sam­band við ventilar og annað á vatn­orku­verkinum hjá el-felagnum. - Nú nýggja Sundsverkið verður bygt, hava vit eisini gjørt nógv rør­arbeið­ið fyri SEV. Talan er her um stór rør og ikki hvs-arbeiðið, sum fyri­tøkan í Klaksvík ikki hevur í sín­um konsepti. Stjórin heldur tað vera umráðandi, at ein veitari sum KSS ikki arbeiðir á øll­um frontum, men brúkar orkuna har, sum teir góðu førleikarnir eru. - Vit hava eisini eina sam­døgur­tænastu, sum svarar allar tímarnar í døgninum. Tá ringt verður, tekur vakt­in telefonina, og tá hetta er inn­an okkara virksemi, gera vit alt fyri at rætta eina hjálpandi hond, har tørvur er, sigur Frimodt Rasmussen. Stinga fingurin í jørðina Fyri lítlum ári síðan setti KSS sær fyri at stinga fingurin í jørðina, soleiðis sum stjórin tekur til. - Vit settu okkum niður at tosa um, hvussu vit kunnu gerast enn betri heldur enn at veksa so ógvuliga nógv. Tó at tað hevur gingið væl, kann nógv gerast betri, og vit ivast onga løtu í, at tá vit eru betri enn í dag, kemur framhaldandi vøksturin av sær sjálvum. Vit løgdu eina lang­ sikt­aða ætlan at arbeiða við, og vit ar­beiddu við hesi ætlan tað mesta av 2017. Stjórin heldur fyri, at tað ikki altíð nýt­ist at vera rætt at ganga beint fram, sum hann tekur til. - Vit kunnu ikki bara siga, at alt er gott sum er. Neyðugt er viðhvørt at stinga fingurin í jørðina og seta sær nýggj mál. Eitt av málunum hjá okk­um er alla tíðina at gerast betri á ymisku økjunum, sigur Frimodt Ras­mus­s­en, stjóri í KSS og ársins privati leiðari 2018. Kona og maður arbeiða hjá Klaksvíkar Sleipistøð, stytt KSS. Linda er skrivstovukvinna, og Frimodt Rasmussen er stjóri og ársins privati leiðari 2018 Mynd: Vilmund Jacobsen Klaksvíkar Sleipistøð hevur í ár 90 ár á baki, men í dag er hetta ein nútímans beding og um stutta tíð eisini við nútímans smiðjubygningi Mynd: Vilmund Jacobsen