hósdagur 22. februar 2018síða 46

VINNUBLAÐIÐ HJÁ MIÐLAHÚSINUM 18 februar 2018 23 Byggir nýggja smiðju og hevur keypt elektro- mekaniskan verkstað Vilmund Jacobsen Klaksvíkar Sleipistøð, stytt KSS, klárar ikki alt, sum landsins størsta skipa­smiðja klárar, men á bedingini í Klaks­vík klára tey tað mesta.  KSS kann taka skip upp, sum viga upp í 800 tons, og har mesta longd er 65 metrar. Í 2015 varð bedingin er dagførd, heilt frá sjóvarmálanum og út. Tá vórðu fundament og skinnarar skift, og hetta var eisini ein liður í eini ætl­an at uppstiga bedingina til 1500 tons. KSS er í fyrsta lagi ein smiðjudepil og ein heildarveitari til viðlíkahalds-og ymiskt umbyggingararbeiði. Skipini eru krumptappurin í virk­semi­num, og tað er ikki minst fyri at veita vinnuni bestu tænastu, at KSS hevur fleiri eindir sum koyra út kring land­ið at gera ymiskt maskin-og smiðju­ arbeiði. Men, tænastan røkkur enn long­ur, og hon røkkur eisini út um land­odd­ar­nar. Hevur eitt reiðarí tørv á umvælingum, viðlíkahaldi ella øðrum til skipið, sum ikki er í Føroyum, ber eisini til at seta seg í samband við KSS, sum tá kann seta eitt ferðalið saman júst til tann tørv, sum spurt verður eftir. Tað merkir, at KSS vil gera sítt besta fyri at møta sínum við­skifta­fólk­um, har tey eru. Samdøgurtænastan til skip og virkir er eisini virkin allan sólaringin, gerandis-sum halgidagar, alt árið, og henda tænasta fevnir sjálvsagt eisini um veitan av eykalutum til ávísu upp­gáv­urnar. KSS er heildarveitari, men fyri­tøkan samstarvar eisini við aðrar veitar­ar á sínum øki, soleiðis at upp­gávur­nar kunnu loysast á besta hátt. Nógv betri umstøður Dygst við sjóvarmálan norðuri móti Kósabrúnni í Klaksvík hevur KSS sín smiðju-og maskinverkstað, og tað er eisini her - millum bedingina og skriv­stovupartin hjá fyritøkuni - at nýggi smiðjubygningurin nú verður bygdur. Frimodt Rasmussen, stjóri í KSS, sigur, at hetta er gamla smiðjan sum brendi, men sum nú verður bygt upp­aftur. - Tað er Malltek Byggivirkið í Klaksvík, sum ger arbeiðið, og æt­landi skal bygningurin standa liðug­ur í mai í ár. Stjórin vísir á, at bygningurin er 524 fermetrar stórur, og síðan er ein partur í tveimum hæddum, soleiðis at her koma 158 fermetrar aftrat. - Hetta verður ein smiðju­bygn­ing­ur og stálverkstaður burtur av, og her fer eisini sveisingin at ganga fyri seg. Hann sigur, at sum er, er mekan­iskur verkstaður og stál­verk­stað­ur í verandi bygningi, men her eru um­støður­nar vorðnar ov trongar. - Verandi smiðjupartur er ov lítil, og tá smiðjan flytir í nýggja bygn­ing­in, verða umstøðurnar hjá mekaniska parti­num í verandi bygningi eisini mun­andi betri. Frimodt Rasmussen sigur, at nýggi bygningurin - oman og niðan - er 22 metrar langur, og í endanum oman eftir verður hurðagapið heilar 10 metrar breitt og 10 metrar høgt. - Her verða nógvir hugsandi møgu­leikar, og her kunnu eisini byggj­ast smærri skip og bátar, um tað skal vera, tó at hetta ikki liggur í kort­unum í løtuni. Hava keypt Johs. Elektro Klaksvíkar Sleipistøð hevur fyri eini tíð síðan keypt Sp/f Johs. Elektro í Klaksvík, sum er ein elektro­mekan­isk­ur verkstaður. - Tað var Johannes Sólsker, sum átti fyritøkuna, og hann er framvegis álitið og drívmegin í fyritøkuni. Vit hava ikki havt elektriskan part í mínari tíð í KSS, og nú vit fingu møgu­leikan at keypa, hildu vit, at fyri­ tøkan passaði væl inn í okkara kon­sept sum heildarveitari. Frimodt Rasmussen vísir á, at Johs. Elektro Nýggi smiðjubygningurin hjá KSS fer at gera umstøðurnar nógv betri, bæði fyri smiðju-og mekaniska partin. Mynd: Vilmund Jacobsen - VERANDI SMIÐJUPARTUR ER OV LÍTIL, OG TÁ SMIÐJAN SKJÓTT FLYTIR Í NÝGGJA BYGNINGIN, VERÐA UMSTØÐURNAR HJÁ MEKANISKA PARTINUM Í VERANDI BYGNINGI EISINI MUNANDI BETRI, SIGUR STJÓRIN Í KSS, FRIMODT RASMUSSEN