hósdagur 1. mars 2018síða 21

FRÍGGJADAGUR 2. MARS 2018 SOSIALURIN 26 21 – MEIRA DYGD skapar ikki betri public service. Sum Helgi Abrahamsen so rætt segði í Tinginum mikudagin, so renna miðlarnir mest sum bara kapp. Tað snýr seg um skjótar dag­før­ingar – sum oftast bara eru ”skrambul”, sum hann málbar seg. Dygd kostar – eisini í journalistikki. Besti mátin at trygg­ ja fjølbroytni og dygd í føroyska miðlalandslagnum er at raðfesta privatu miðlarnar við einum upp­ byggiligum miðlapolitikki og miðla­stuðli, men uttan at skerja Kring­varpið, sum frammanundan er skert. Tí fegninst eg eisini um, at nakað av miðlastuðli nú verður latið privatu miðlunum, hóast upp­hæddin enn er alt ov lítil til at tryggja fjølbroytni og breidd í føroyska miðlalandslagnum. Miðla­húsið/Sosialurin hevur tikið seg nógv fram seinastu árini við gravandi journalistikki, hóast saml­ aða miðlaframleiðslan er minkað. Ynskiligt hevði verið, at aðrir miðlar løgdust afturat, so útboðið av føroyskum miðlatilfarið bleiv størri, samstundis sum dygdin er í hásæti. Eg hevði ynskt, at kritisku røddir­nar brúktu orku upp á at framleiða dygdargóðan journalistikk i staðin fyri bert at standa á síðulinjuni og rópa pravda-pravda. Tí vit hava sanniliga tørv á øllum góðum journalistiskum kreft­um í hesum lítla landi. Vandin fyri Pravda- líknandi tilstandum verður bara størri, um vit ikki hava verulig journalistisk umhvørvi og kritisk­ ar redaktiónir, sum virka eftir journalistiskum prinsippum. Ikki handilsligum, populistiskum ella politiskum. Eg ynski mær minni skrambul, meira dygd.