mánadagur 5. mars 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. mars 2018 · Nr. 27 Tað var ein vøkur løta, tá móttøka um vikuskiftið var í Umsorganarheiminum Gloria í Klaksvík, har fyrstu búfólkini flyta inn í dag. Orkusparandi ljós í Vágs kommunu Vágs kommuna arbeiðir við at skifta vanligu gøtuljósini í kommununi út við led, sum bæði lýsa betri og eru orkuskarandi Vilmund Jacobsen Vágs kommuna hevur seinasta árið arbeitt miðvíst við at skifta gøtuljósini í komm­ununi frá vanligu gøtu­ljósunum til led-ljós. - Sum liður í hesum ar­ beiði eru gøtuljósini vestur á Eiði nú skift. Dennis Holm, borgarstjóri í Vágs kommunu, sigur, at tað at gøtuljósini vestur á Eiði og á parkeringsøkinum við Vágs Høll nú eru skift, merkir, at væl betri ljós nú er á hesum teininum og á park­ eringsøkinum á Eið­inum. - Umframt at led-ljósini geva betur ljós, er tað eisini ein munandi orkusparing við at skifta til led í mun til van­ ligu gøtuljósini. Dennis Holm sigur, at Vágs kommuna hevur rað­ fest orkusparandi partin sein­astu árini, og soleiðis er skiftið til led eisini ein liður í hes­um. Vilt fyri villan prís Vilmund Jacobsen Fyritøkan Villigott er eitt felag, sum virkar og handlar siðbundnar vørur millum Føroyar, Ísland, Grønland og Noreg. Sambært felagnum sjálvum fevnir vøruúrvalið eitt nú um sjófugl, villgæs, reinsdjór, oksa, lamb, hest, hval og fiskavørur. - Nógvar av hesum vørum eru ringar at fáa hendur á hjá vanligum fólki, hóast eftirspurningurin altíð hevur verið har. Tað er sera trupult við loyvum og heilsufrøðiligum krøvum, men Villigott hevur øll neyðug loyvi og fylgir heilsufrøðiligu krøvunum í londunum. Tað sigur Villigott, sum í løtuni lýsir við, at tey hava fingið eina sending av skrædlaðum álkum, sum tey selja fyri 145 krónur stk., og tey hava eisini nakrar heilar álkur, sum tey selja fyri 125 krónur stk. Síðsta heyst lýsti Villigott eisini við, at tey høvdu 13 royttar lundar, sum tey seldu fyri 145 krónur stk. Tankin hjá Villigott er at gera tað møguligt hjá vanligum fólki at fáa fatur á hesum vørum. - Vit stuðla undir siðbundnar matvanar í londunum og vilja eisini virka fyri at menna nýggjar vørur úr hesum tilfeingi. Hetta styrkir samstundis mentanarligu fatanina millum londini. Villigott leggur seg eftir at brúka náttúrutilfeingið á burðardyggum grundarlagi og vil stuðla teimum fólkum, ið dagliga liva av hesum tilfeingi. Heilsudepilin við Skálafjørðin boðar nú frá, at depilin letur upp nýggja heimasíðu, eins og kunngjørt verður, hvørji nýggju telefonnumrini hjá kommunulæknunum í læknadøminum eru. Bátar við snellu fáa nógvan fisk - Tað eru nógvir snellubátar norðan fyri, og fiskiskapurin er góður. Tað siga tey á Fiska­ marknaði Føroya, sum annars vita um gongd­ina hjá húkaflotanum at siga Vilmund Jacobsen Fimm ísfiskalínuskip hava seinastu dagarnar fiskað í íslendskum sjógvi og vænt­ andi landa fýra av hesum skipum heima í Føroyum í dag. Skipini undan Íslandi hava mest av toski, hýsu, longu og brosmu. Hitt fimmta ísfiska­línu­ skipið í íslendskum sjógvi er nýliga byrjað túr. Fýra frystilínuskip fiska eisini í íslendskum sjógvi í løtuni. Tvey ísfiskalínuskip, sum seinastu dagarnar hava fiskað undir Føroyum, landa ætl­andi eisini í dag og tvey onn­ur ísfiskalínuskip, sum eisini eru undir Føroyum, koma væntandi inn at landa seinni í hesi vikuni. Línuskipini, sum eru und­ir Føroyum, fáa mest av toski, hýsu, longu og brosmu. Sambært Fiskamarknaði Føroya er tískil væntandi, at ikki færri enn seks línuskip leggja veiðina upp í dag, fýra undan Íslandi og tvey undan Føroyum. Góður várróður Um útlitini til útróður hesa vikuna verður sagt, at streymurin verður harður, men veðrið verður gott, serliga fyrst í vikuni. - Tað eru nógvir snellu­ bátar norðan fyri, og fiski­ skapurin er góður. Hinvegin er fiskiskapurin hjá útróðr­ arbátum, sum royna við línu, smáligur í løtuni, vita tey á Fiskamarknaði Føroya at siga. Í fjør vár royndist várróðurin væl betur enn nøkur undanfarin ár, og vónir eru um, at várróðurin fer at roynast upp aftur betur í ár