mánadagur 26. mars 2018síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 26. mars 2018 · Nr. 36 Dømdur fyri at hótta borgarstjóran Jólaaftan ringdi maðurin 35 ferðir til Kristin Michelsen. Nú er hann dømdur átta mánaðir fongsulsrevsing fyri hóttanir móti borgarstjóranum á Tvøroyri og familju hansara og móti almennum starvsfólkum á Tvøroyri. Danjal av Rana Eystari Landsrættur viðgjørdi í farnu viku eitt mál, har ein 61 ára gam­al maður varð dømdur fyri hótt­anir móti grannum og al­menn­ um starvsfólkum á Tvør­oyri. Í Før­ oya rætti fekk maðurin 10 mán­að­ir fongsuls­revsing. Fleiri ymiskar ákærur vóru móti manninum, men grovastu vóru um hóttanir móti borgarstjóranum á Tvøroyri og familju hansara og móti einum almennum starvsfólki á Tvøroyri. Í einum føri skal hann hava hótt við at knúsa ein av grann­unum sundur, eftir at tað var komið til ilnar millum nakrar grann­ar í túninum millum húsini. Maðurin er fyrr dømdur fyri at hava hótt Kristin Michelsen og tí hevði familjan Michelsen fingið pol­ititilhald móti persóninum. Hóast hetta, so setti maðurin seg í samband við familjuna yvir 100 ferð­ir frá januar til mai 2017, minst 82 ferðir umvegis telefon og 17 ferð­ ir gjøgnum SMS. Maðurin var eisini ákærdur fyri at hava sent fleiri sms boð við hótt­anum um harðskap til Kristin Michel­sen. Til seinast bleiv maðurin eisini ákærdur og dømdur í Føroya rætti fyri at hava sent hóttanir til eitt al­ ment starvsfólk á Tvøroyri. Skuldi neyðtaka dóttrina Aftur til borgarstjóran. Ákærurnar í dóminum strekkja seg frá januar 2017 til mai 2017. Í hesum tíð­ar­skeið­ num hevur maðurin ringt ella sent sms til familjuna Michelsen ikki færri enn 100 ferðir tilsamans. Hetta hóast hann í desembur 2016, eftir at hava sitið ein dóm fyri at hava hótt Kristin Michelsen, fekk politi­tilhald móti at seta seg í sam­ band við tey. Í ákæruritinum sást, at hann ofta ringdi fleiri ferðir somu nátt og oft­ast frá duldum nummarið. Hann ringdi til teirra dag og nátt, men tá Kristin Michelsen ella konan svar­ aðu telefonini, var bara tøgn í hin­ um endanum. Maðurin nýtti eina internet­ tæn­astu til at senda SMS til Krist­in Michelsen og konuna. Hann nýtti tá eyknevni sum Árna­fjall, Hel­vits­ hundur og Vágshora. Nógv­ar av hótt­anunum í sms’unum vóru rætt­ að­ar móti dóttur borgar­stjór­ans. Kristin Michelsen vitnaði sjálv­ ur í rættinum. Hann greiddi frá, at familjan øll livdi í óvissu og at tað merkti familjulívið. Serliga hart gekk tað út yvir dóttur hansara, sum ræddist mannin illa. Maðurin hótti við bæði at neyðtaka og drukna dóttrina. Hann greiddi frá, at uppring­ing­ arnar kundu koma nær sum helst, dag og nátt. Tær vóru held­ur ikki avmarkaðar til hasar fimm mán­ aðirnar, tí so seint sum jóla­aftan í 2017 hevði maðurin ringt 35 ferðir til borgarstjóran, skiftisvís á fast­ net­telefonina og fartelefonina. Krist­in Michelsen greiddi frá, at hann setti sær fyri at svara hvørja ferð telefonin ringdi, men í hinum end­anum var bara tøgn. Kúlurnar eru keyptar Somu framferð nýtti maðurin móti alment settu kvinnuni, sum við­gjørdi eitt mál hjá manninum. Dult nummar, uppringd dag og nátt og fleiri sms við hóttanum. Eitt kvøldið ringdi maðurin tíggju ferðir upp á tríggjar tímar frá trimum ym­isk­um nummarum. Hann ringdi eisini ofta um náttina, fleiri næt­ur á rað. Innihaldið í sms’unum var bæði hóttandi og útspillandi. Ser­ liga bangin gjørdist kvinnan, tá mað­urin sendi henni boðini “Nú eru kúl­urnar keyptar.” Kvinnan vitnaði í rættinum, at hon var sera bangin, tí hon visti ikki, hvat maðurin kundi finna uppá at gera. Maðurin hótti bæði hana og mannin, og hon føldi ikki, at hon fekk vart seg á nakran hátt. Hon fekk ongantíð frið, tí maðurin ringdi ofta aftaná arbeiðstíð og kundi eisini finna uppá at møta upp heima hjá kvinnuni. Hon greiddi frá, at ágangurin al­ tíð var ringast í vikuskiftinum og tí gleddi hon seg sjáldan til viku­ skiftið. Hon og maðurin máttu ofta sløkkja telefonirnar og hála stikkið úr fastnettelefonini fyri at fáa frið eina løtu. Tað var tann reini terror, greiddi kvinnan frá. Hon óttaðist veruliga, at mað­ur­ in ætlaði at skjóta seg, tá hon fekk boðini, at nú vóru kúlurnar keypt­ ar. Fleiri ferðir dømdur Maðurin noktaði seg sekan og segði, at hann ongantíð í lívinum hevði hótt hvørki Kristin Michelsen, kon­una ella dóttrina og ei heldur al­menna starvsfólkið. Hann er tó fleiri ferðir fyrr dømdur fyri bæði harð­skap og hóttanir, seinast í mars 2017. Ákærin heitti á landsrættin um at staðfesta dómin í Føroya rætti, sum var 10 mánaðir fongsuls­revs­ ing. Hon segði, at talan eyðsæð var um skipaða og áhaldandi forfylging av borgarstjóranum og familjuni og av alment setta starvsfólkinum. Verji mansins vildi hinvegin hava landsrættin at frídøma mann­ in. Hann helt ikki, at hóttanirnar vóru av slíkum slag, at fólkini høvdu orsøk at óttast fyri sínum lívi ella heilsu. Um boðini, at kúl­ur­ nar vóru bílagdar helt verjin, at kúl­ ur­nar kundi vísa til so mangt, uttan at tað hevði nakað við vápn at gera. Fekk linari revsing Tað loysti seg í ávísan mun hjá mann­inum at kæra dómin, tí Eyst­ ari landsrættur lækkaði revsingina úr 10 niður í 8 mánaðir. Orsøkin var, at landsrætturin valdi at frídøma mann­in fyri ákærur um at hava brotið politiviðtøkurnar um lóg og landa­skil. Maðurin var ákærdur og í Før­ oya rætti dømdur fyri at hava gingið heima hjá sær sjálvum og rópt sera niðrandi viðmerkingar um grannarnar og familjur teirra, bæði livandi og deyð. Onkrir av grann­unum høvdu upptøkur av mann­inum, har hann gongur heima við hús og ýlir og kallar grannarnar ymiskt. Eystari landsrættur var samdur við verjanum, um at maðurin ikki kundi dømast fyri hetta, tí at hann var heima hjá sær sjálvum. Hevði hann gingið úti á alfaravegi, hevði støðan verið ein onnur, men av tí, at hann var í sínum egnu húsum, var hetta ikki revsivert, hildu bæði verjin og Eystari landsrættur.