fríggjadagur 5. november 2004síða 4

6 Nr. 212 - 5. november 2004 Nr. 212 - 5. november 2004 7 Musikkskúlin í Suð- uroy gongur nýggjar leiðir fyri at fáa meiri burturúr pengunum og tað stendur ikki á at fáa næmingar MUSIKKSKÚLI Áki Bertholdsen aki@sosialurin.fo – Børn vita oftani ikki, hvat tey hava hug til. Tí eiga vit at beina tey á røttu kós. Hetta er ein sannroynd, sum musikkskúlin í Suður- oy hevur tikið til sín. Musikkskúlin í Suðuroy gongur nú nýggjar leiðir. Endamálið er fyrst og fremst at fáa børn at taka ljóðføri í hond. Men enda- málið er eisini at fáa meiri burturúr tí avmarkaða pen- ingi, sum verður tillutaður musikkskúlanum. Men tað er altíð spæli- gleðin og hugurin, sum skal dríva verkið, sigur Ulf Nordlund, studentaskúla- lærari, musikkskúlalærari og leiðari fyri musikk- skúlan í Suðuroy. Leita eftir næmingum Hann hevur sera drúgvar royndir í at arbeiða við børnum og hann sigur, at ofta er tað trupult at fáa næmingar til musikkskúlan. – Tað vanliga er, at mus- ikkskúlin letur næmingarnar koma til sín. Tað er ikki vanligt, at musikkskúlin ger eitt uppsøkjandi arbeiði fyri at fáa næmingar. Men tað ger musikk- skúlin í Suðuroy. Farið verður út á skúlar- nar at royna tónlistarligu evnini hjá næmingunum. Við sær hava lærararnir eina serliga tónleikaroynd. – Tað ræður um at finna teir næmingar, sum hava evnini at spæla og at eggja teimum at ganga í musikk- skúla. Vit skulu finna teir evnaríku næmingarnar og geva teimum møguleikan at royna seg, sigur Ulf Nord- lund. – Á henda hátt fáa vit eggja næmingarnar at melda seg í skúlan. Vit fortelja næmingunum, at vit halda, at teir hava góð evni at spæla eitt ávíst ljóð- føri og at vit halda, at teir áttu at melda seg til skúlan. – Hetta er eitt tilboð til næmingarnar, sum teir allarflestu taka av. Tað stendur heldur ikki á at fáa næmingar til musikk- skúlan. Undirvísa í bólkum Men í Suðuroy brúka teir ikki einstaklingaundirvís- ing, har ein lærari venur við einstøkum næmingum. – Vit halda, at vit fáa ikki nóg nógv fyri peningin á tann hátt. Tí hava vit heldur gjørt størri orkestur, har vit fáa undirvíst fleiri næming- um ísenn. Einasti máti at fáa sum mest burturúr pengun- um, er at undirvísa í bólkum. Hann heldur, at tað er neyðugt at ganga aðrar leiðir við musikkskúlanum úti um landið, har bygdir- nar eru spjaddar, enn tað tey ganga í Havnini og í Klaksvík, har alt er samlað. – Men tað skal gerast á ein hátt sum ger, at næm- ingarnir tíma at halda á. Hann dylir kortini ikki fyri, at tá ið næmingarnir verða heilt dugnaligir at at spæla uppá, so verður tað neyðugt við einstaklinga- undirvísing. – Men tað er yvirhøvur ikki tað, vit tosa um á hesum støðinum.Vit skulu hava tað stuttligt og tann sosiala sam- veran hevur stóran týdning í undirvísingini. – Men tað skal heldur ikki takast frá næmingun- um, at nógvir teimum eru rættiliga evnaríkir. Teir skulu bara haldast til. Yvirhøvur heldur mus- ikkskúlalærarin, at tað eru nógv fleiri børn við tónlist- arligum evnum í Føroyum, enn tað er vanligt í Dan- mark, Svøríki hinum norð- urlondum. – Í Føroyum eru nakrir serligir møguleikar at menna tónleikarar, sum eg ikki havi sæð aðrastaðni. Hann veit ikki, hví so er, men hann ein orsøk kann vera, at føroyingar eru van- ir at syngja allarstaðni, har teir eru. Lærarin leggur afturat, at musikkskúlin hevur eisini fingið samstarv í lag við Vágs skúla, soleiðis at næmingar við atferðartrup- ulleikum av ymsum slagi sleppa í musikkskúlan at spæla. Hann sigur, at royndirnar av hesum eru sera góðar, bæði tí næmingarnir hava evni at spæla og tí at skúlin leggur til merkis, at tað eisini mennir næmingin á annan hátt. Hann sigur, at hesin áhug- in hjá børnunum í Suðuroy at spæla í musikkskúlanum, speglast aftur í samfelagnum annars. Eitt nú vísur tað seg nú at vera nógv lættari hjá skúlanum at fáa fyritøkur at stuðla skúlanum peninga- liga, eitt nú hevur skúlin fingið munagóðan stuðul frá sparikassunum báðum, Suð- uroyar og Føroya. Konsertir hetta vikuskiftið Fyribils úrslitið av roynd- unum í Suðuroy verður at hoyra hetta vikuskiftið, tá ið orkesturvikuskifti verður í skúlanum í Trongisvági. Hetta vikuskiftið fara musikkskúlanæmingarnir at vísa síni kynstur fyri suð- uroyingum í einum stórum harmoniorkestri og einum hornorkestri. Umframt næmingarnar, verða eisini Tvøroyrar Hornorkestur, GHM, Klar- inetorkestrið og Tórshavnar Ungdóms Harmoniorkestur við. Í tí sambandinum verður konsert í skúlanum í Trong- isvági seinnapartin sunnu- dagin klokkan 15. Spæligleðin skal dríva verkið Hesir báðir halda taktini á trummunum Í musikkskúlanum í Suðuroy undirvísa tey í bólkum fyri at fáa meiri fyri pengarnar. Fyribils úrslitið verður at hoyra á konsert í skúlanum í Trongisvági hetta vikuskiftið Næmingarnir eru sera hugagóðir. Musikkskúlalærarin er vísur á, at gjørdi musikkskúlin í Suðuroy ikki eitt uppsøkjandi arbeiði, hevði ikki ein tann einasti av hesum næmingunum verið í musikkskúlanum Fríggjadagin 5. no- vember klokkan 16 letur upp ein nýggj framsýning í Leika- lund við 16 listaverk- um eftir Astrid Luihn. Harafturat verða eisini fleiri tekningar eftir listakvinnuna við framsýningini TÍÐINDASKRIV Leikalund Innan føroysku listina eru myndirnar hjá Astri Luihn sermerktar. Hon arbeiðir við grafikki og málningalist, og flestu verk hennara eru soleiðis samansett av hesum báðum tøkum. Gjøgnumgangandi á myndunum síggja vit fuglar. Bjargafuglar, kvæðafuglar, ævintýra- fuglar og allir siga teir sína søgu. Verkini, ið verða sýnd fram í Leikalund, eru gjørd á linoleum. Partar av mynd- ini eru skornir út, partar eru prentaðir og partar eru mál- aðir. Við hesum blandaða tøkni gandar Astri Luihn fram sterkar og hugtakandi myndir. Astri Luihn er fødd í 1949 og er útbúgvin MA við lærda háskúlan í Oslo. Hon hevur í mong ár arbeitt burturav við list, og hon hevur sýnt fram víða hvar. Nevnast kunnu lond sum: Týskland, Írland, Danmark, USA, Áland, Svøríki og so sjálvandi í Føroyum. Somuleiðis eru verk eftir Astri umboða á fleiri almennum støðum. Eitt nú kunnu hennara myndir síggjast í Listaskálanum, Listasavnið Reykjavikar, Nordatlantisk Brygge í Keypmannahavn, Den Danske Bank og Føroya Sparikassa. Framsýningin við Astri Luihn er at síggja í Leika- lund allan november mán- að. Til ferniseringina klokk- an 16 fríggjadagin, spælir Kjell Orseth nøkur løg, og Edward Fuglø bjóðar vælkomin. Framsýnginin, ið tekur við eftir Astri Luihn, er við Kára Svens- son, sum sýnir fram í de- sember. H.C. Andersen- dagur í Klaksvík Í sambandi við, norður- lendsku bókasavnsvik- una, skipar Klaksvíkar bókasavn fyri einum H.C. Andersen-degi mánadag- in 8. november. Hendan dagin verður upplestur av ævintýrum hjá H. C. Andersen kl. 16.00 og kl. 17.00. Klokkan 19.00 verður hugnaløta fyri vaksin og foreldur/ børn. Tá verður ævintýrið "Mishátti dunnuungin" lisið fyri børnunum. Aftaná fara børnini at tekna okkurt av ævintýrunum hjá H.C. Andersen, sum tey kenna. Meðan børnini tekna og hugna sær verður ævin- týrið "Tað ótrúligasta" lisið fyri teimum vaksnu og sagt verður frá um H.C. Andersen og lív hansara. Síðani verður kaffi, saft og køkur at fáa. Á øllum teimum norð- urlendsku bókasøvnum, sum taka lut í felags bókasavnsvikuni verður skipað fyri einum tílíkum upplestrarkvøldi sama kvøld. Tað eru átta ár síðani at byrjað varð at hava eitt felags upplestrarkvøld í øllum Norðurlondum, og er hetta fimtu ferð, at Klaksvíkar bókasavn er við. Ymiskt er, hvat hevur verið lisið hesi árini. Í ár hevur norðurlendski fyri- skipanarbólkurin valt at lesa ævintýr hjá H.C. Andersen við tað, at tað komandi ár eru 200 ár síðani, hann var føddur. Gallaveitslan hjá KÍ klár Fyrireikingarnar til 100 ára veitsluna hjá Klaks- víkar Ítróttarfelag eru so at siga komnar undir land. Veitslan verður í KÍ høll- ini leygarkvøldið 13. no- vember klokkan 19.30. Mangt og hvat verður á skránni. Jákup Ziskason stendur fyri matgerðini og borðreiðir hann við trí- rættaðari matskrá. Undir borðhaldinum fara mill- um annað Pipar og Salt at undirhalda. Eisini fara allir FM vinnararnir hjá KÍ júst farna kappingárið á pall- in, KÍ-cheerleaders fara at framføra, ársins KÍ arar verða kosnir, heiðurslimir verða kosnir og gestarøð- arar vera eisini at hoyra. Til dansin aftaná spæla Fróði og Deiggj. Atongumerki til veitsl- una kunnu keypast á Statoilstøðunum í Klaks- vík og Gundadali og í Kiosk Vár í Klaksvík. Fyrireikararnir siga, at enn er ikki so langt síð- ani, at atgongumerkini vórðu løgd út til sølu, so enn er ikki greitt, hvussu undirtøkan higartil er. - sae - Um stutta tíð verður arbeiðið at fríðka um Vágstún í Klaksvík boðið út. Gamli kirkjugarður verður meiri opin og bæði fríøki og parkering- søki verða gjørd á økinum niðan fyri minnisvarðan fyri teimum sjólætnu FRÍÐKAN Solby A. Eliasen solby@sosialurin.fo Klaksvík: Síðani rund- koyringin við posthúshorn- ið var liðug fyri umleið einum ári síðani, hevur økið rundan um verið nýtt sum best ber til. Ferðslan oman og niðan við gamla kirkjugarði norðarumegin, hevur verið nakað ivasom, tí uppmerkingin ikki hevur verið nøktandi. Samstundis sum økið heldur ikki hevur verið nakað serliga vakurt á at síggja. Men tað verður broytt nú. Býráðið hevur samtykt ætlanina um at fríðka økið við Vágstún. Tekningin frá Fuglø Arkitektum vísir, hvussu økið við gamla kirkjugarð kemur at síggja út – helst komandi summ- ar. Steinbjørn Jacobsen, borgarstjóri sigur, at ar- beiðið verður boðið út sum skjótast, og er ætlanin at nakað skal gerast í ár og so restin komandi ár. – Hetta er eitt arbeiði, sum má gerast í stigum, tí vit mugu sýna ferðsluni atlit, greiðir hann frá. Lætt atkomuligt Sambært tekningini verður sjálvur garðurin rundan um minnisvarðan fyri teimum sjólætnu tikin niður. Ein nýggur garður verður so laðaður, men hann verður munandi lægri enn tann í dag. Síðani verður plantað rundan um, so at minnis- varðin kortini verður væl- vardur. – Vit meta, at vit kunnu varðveita friðin rundan um minnisvarðan best á henda hátt, sigur Steinbjørn Ja- cobsen. Síðani rundkoyringin kom, hevur eitt fríøki verið niðan fyri kirkjugarðin. Fólk hava kanska verið nakað í iva um, hvat tað skal nýtast til, men sam- bært hesi ætlanini at fríðka Vágstún, verður norðari parturin av økinum nýtt til fríøki, har benkur og annað kemur at standa. Sunnari parturin verður so nýttur til parkeringspláss, men tað verður ógvuliga avmarkað, hvussu nógvir bilar kunnu standa har. Hendan ætlanin letur upp fyri minnisvarðanum, og tað verður munandi lættari at koma til hann í fram- tíðini. Hóast tað ber borg- arstjórin ikki ótta fyri, at herverk ella nakað annað fer at vinda upp á seg. — Hatta er eitt so mikið vakurt stað, at eg trúgvi, at tað fer at fáa frið, sigur borgarstjórin í Klaksvík, Steinbjørn Jacobsen. Astri Luihn í Leikalund Vágstún skal snøggast Astri Luihn hevur listaframsýning í Leikalund í Klaksvík í november mánaði. Fernisering verður fríggjadagin klokkan 16 Soleiðis kemur Vágstún at síggja út sambært modellmynd frá Fuglø Arkitektum C M Y K 7 6