mánadagur 26. mars 2018síða 17

17 Mánadagur 6. januar 2014 · Nr. 2 Sosialurin Mánadagur 26. mars 2018 · Nr. 36 Hugskot og viðmerkingar – send sms til 225000 Leygardagin vóru fýra dystir í triðja umfari í næstbestu fótbóltsdeildini. Fimti dysturin – tann millum Giza Hoy­vík og ÍF – var útsettur til í morgin, týsdagin 27. mars klokkan 17. Giza Hoyvík og ÍF eru tvey av fýra feløgum, sum hava møguleika at flyta upp í bestu deildina. Hini bæði feløgini eru B68 og B71. Tey hittust á Svangaskarði leygardagin. Úrslit­ið var, at B68 vann 2-1. Av tí at landsliðið er á venjingar­ legu í Spania, varð tað ikki spælt í bestu deildini hetta vikuskiftið. Fleiri av teimum, sum annars eru nógv í bestu deildini, vóru á næst­bestu liðunum leygardagin. Tá ið teir næstbestu hjá KÍ vunnu 9-0 á heimavølli ímóti teim­um næstbestu hjá Suðringum, vóru eitt nú Óli Eyðsteinsson Poulsen, sum hevur spælt allar tríggjar dystirnar á besta liðinum á tamb, veteranurin Hjalgrím Elttør, sum ikki hevur spælt so nógv á besta liði­num higartil í ár, og Kristoffur Jakob­ sen, ið viðhvørt hevur verið á besta liðinum, á næstbesta liðinum hjá KÍ. HB var tvær ferðir í síðstu viku í Eysturoy. Mikukvøldið endaði tað við 1-0 sigri á Skála, og leygardagin endaði tað við 1-0 tapi í Runavík. Á NSÍ liðinum leygardagin vóru eitt nú Per Langgaard, Jann Martin Morten­sen og Karl Løkin, sum í fjør var í landsliðshópinum, men sum higartil í ár hevur verið lítið á besta liðinum. Per og Jann Martin hava verið á listanum hjá besta liði­num, men teir hava ikki verið nógv á vøllinum, tá ið besta liðið hevur spælt. Á HB liðinum leygardagin vóru eitt nú Hjalti Kárason Djurhuus, Jógvan Skeel Nolsøe og Niklas T. Kruse, sum hava verið á listanum á besta liðinum, men sum ikki hava verið millum stuðulsspælararnar. Óhepnar avleiðingar Næst­síðsta sunnudag var Giza Hoy­vík í Runavík, har úrslitið var, at teir næstbestu hjá NSÍ vunnu 4-2. Kenneth Hovgaard Djurhuus er formaður í Giza Hoyvík. Hann held­ur, at tað er óheppið soleiðis, sum skipanin nú er løgd: -Fyritreytirnar eru rættiliga ymiskar, um mótstøðuliðið hevur fleiri, sum plaga at spæla í bestu deild­ini, millum teir fyrstu ellivu, ella um teir ikki eru har. Soleiðis var tað í øðrum umfari, tá ið besta deild­in var á skrá leygardagin, og næstbesta deildin spældi sunnu­dagin. Tað høvdu verið somu fyri­treyt­ir hjá øllum, um bæði besta og næst­besta deildin vóru á skrá sama dag, tá ið tað ikki ber til, at næst­besta deildin spælir leygardag og besta deildin sunnudag, heldur Kenneth Hovgaard Djurhuus. -Onkur av teimum fýra, sum hava møguleika at spæla fyri upp­ flyt­ing, hava uppflytingina sum mál, meðan onkur hugsa meiri um at varðveita plássið í næstbestu deildini. Allir partar eiga at vera áhug­aðir í, at tað gongur rætt og rími­liga fyri seg, og tí eiga vit at kjakast um leistin, sum kappingin verður avgreidd eftir. Tað eigur at vera møguleiki fyri, at tað verður lagt betri til rættis, enn tað nú er, held­ur Giza Hoyvík formaðurin. 1. deild: FÓTBÓLTUR KAPPINGIN VERÐUR SKEIKLAÐ Formaðurin í Giza Hoyvík heldur tað vera óheppið, tá ið tað verður lagt soleiðis til rættis, at umfar í næstbestu deildini er á skrá dagin eftir, at dystirnir í bestu deildini hava verið 1. umfar Útsettur dystur Mikukvøldið 21. mars Skála – HB 0-1 (0-0) 0-1: Niklas T. Kruse br 51. 3. umfar Leygardagin 24. mars KÍ – Suðringar 9-0 (5-0) 1-0: sjálvmál 1. 2-0: David Langgaard 10. 3-0: Kristoffur Jakobsen 16. 4-0: Óli Eyðsteinsson Poulsen 19. 5-0: Kristoffur Jakobsen 33. 6-0: David Langgaard 61. 7-0: Henry Heinesen br 67. 8-0: Hjalgrím Elttør 81. 9-0: Dávid á Roykheyggi 89. NSÍ – HB 1-0 (1-0) 1-0: Hans Marius Davidsen 8. B68 – B71 2-1 (1-0) 1-0: Jonleif Højgaard 22. 2-0: Sveinur Justinussen 49. 2-1: Tijani Mohammed 78. Skála – Víkingur 1-2 (1-0) 1-0: Jóhan Bergsson Johansen 38. 1-1: Ási Dalheim Rasmussen 62. 1-2: Hans Jákup Lervig 77. Giza Hoyvík – ÍF útsettur til týsdagin kl. 17.00 Máltindurin Hans Marius Davidsen NSÍ 3 Jóhan B. Johansen Skála 3 Jonleif Højgaard B68 3 1. deild menn støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 KÍ II 3 2 1 0 13 3 +10 7 2 NSÍ II 3 2 1 0 7 4 +3 7 3 B68 3 2 0 1 11 6 +5 6 4 ÍF 2 2 0 0 8 3 +5 6 5 Víkingur II 3 2 0 1 8 7 +1 6 6 Skála II 3 1 0 2 6 4 +2 3 7 B71 3 1 0 2 4 5 -1 3 8 HB II 3 1 0 2 2 3 -1 3 9 Giza Hoyvík 2 0 0 2 2 5 -3 0 10 TB/FCS/Royn II 3 0 0 3 1 22 -21 0