hósdagur 5. apríl 2018síða 15

FRÍGGJADAGUR 6. APRÍL 2018 SOSIALURIN 39 15 GREINING: Hann hevur sitið á fíggjarmálum sum lands­stýris­ maður, umboðandi Sam­bands­ flokkin. Magni Laksáfoss avloysti tá nú­verandi formannin í Sambands­ flokkinum, Bárð á Steig Nielsen. Setan var ikki long – nakrar mán­aðir, men hann fekk tói sligið navn sítt fast í politikki, so hann á valinum í 2008 fekk triðflestar at­ kvøður yvirhøvur, 979. Hóast stóru undirtøkuna, so gav tað honum ikki serliga ábyrgd í valskeiðnum. Hann fekk ikki lands­stýrissess frá flokkinum og tað var avmarkað við álitisstørvum hetta tíðarskeið. Aðrir høvdingar skuldi fram­at í landsstýrinum hjá sam­bands­ for­manninum Kaj Leo Holm Johannesen. Fylgjurnar vóru rættuliga skjótt, at Magni Laksá­ foss ikki gjørdist aktivur politikari í valskeiðnum. Hann atkvøddi saman við flokkinum, men tað hendi fleiri ferðir, at hann hevði sjónvarmið, sum ikki altíð vóru tey somu, sum flokkurin annars stóð inni fyri. Valskeiðið gjørdist langligt og eftir øllum at døma hevur Magni Laksá­foss kett seg. Hann stillaðir ikki uppaftur, tá ið val var í 2011. Boðskapurin var, at hann ikki helt tað gav meining bert at sita í tinginum og ikki gera nakrar broyt­ingar í samfelagnum. Tí valdi hann heldur at arbeiða við øðrum uttanfyri politisku skipanina í eitt fýra ára skeið. Stillaði uppaftur Tá ið val aftur var útskrivað á ólavsøku í 2015 til at vera 1.september, meldaði hann seg tó aftur kláran og stillaði uppaftur. Risastóra undirtøkan frá vali­ num í 2008 sást ikki hesaferð, men kort­ini var hann valdur á ting við 374 atkvøðum. Hann var seinast valdi á sambandslistanum við 24 at­kvøðum fleiri enn partamaðurin Helgi Anrahamsen. Hesaferð fekk Magni Laksáfoss álitisstarvið, sum næstformaður í flokki­num. Sambandsflokkurin er í and­støðu og hevur verið tað síðani valið, so tað er avmarkað, hvussu stóra ávirkan flokkurin hevur havt í valskeiðnum. Stór mál hava verið fyri og tey hava havt stóran áhuga hja sambandstingmanninum. Hann var í oddinum, tá ið sitandi sam­ gonga eitt skifti samráddist við Sam­bandsflokkin um nýskipanina av fiskivinnuni, men hetta bar ikki á mál. Neyvan tí Magni Laksáfoss ikki vildi tað, men heldur tí Sam­bands­ flokkurin, sum heild ikki tó undir við sam­ráðingar­úrslitinum. Málið um at loyva samkyndum at giftast, var eisini eitt av teimum, sum vísti, at Magni Laksáfoss ikki er so konservativur, sum restin av flokkinum er. Men onki er at ivast í, at tað sum fekk bikarið at flóta yvir hjá tingmanninum, var tað sum hendi á landsfundinum hjá flokkinum herfyri. Sjálvt um ein næstformaður fyrr ikki hevur verið nakað serligt í føroysku flokkunum, so kom tað óvart á, at Hedlgi Abrahamsen, fyrr­verandi tingmaður, bjóðaði sitandi næstformanni av. Í veruleikanum var tað soleiðis, at stríðsvalið um næst­formans­ postin var útlagt, sum eitt val um, hvørja kós flokkurin skal halda. Størri meirlutin í baklandinum hjá flokkinum, valdi Magna Laksá­ foss frá og Helga Abrahamsen til og harvið meira konservativu kósina hjá núverandi leiðslu í flokkinum. Eitt greitt signal um, at Magni Laksáfoss ikki nóg væl hevur umboðað hendan partin í flokki­num. Signalið var so greitt hjá Magna Laksá­foss, at hann bert fáar dagar seinni, tók avgerð um at taka seg úr Sambandsflokkinum og fyribils gerast leysgangari í Løgtinginum. Missurin avmarkaður At ein tingmaður fer úr flokkinum er sjálvandi ein missur, tá ið tað hendir, men júst í hesum føri, er tað iva­samt um konservativa kjarnan í Sambandsflokkinum heldur, at hetta ger nakað fyri flokkin. Tann konservativa kjarnan er tann parturin í flokkinum, sum hevur meirlutan og sum stóð sterkast á landsfundinum herfyri. Men at allur flokkurin er samdur um hesa kósina er tó iva­ samt. Tað er ein vongur í Sam­ bandsflokkinum, sum ikki er heilt samdur við tí kós, Barður á Steig Niel­sen og hansara fólk hava lagt. Hesin vongurin vil fegin hava at flokkurin verður meira moderniseraður og leggur meira dent á liberala partin heldur enn bara at vera ein andstøðuflokkur, har samband telur mest. Hesin vongurin í flokkinum hevur í ávísan mun tikið undir við sjónarmiðunum hjá Magna Laksáfoss, um at flokkurin skal royna at fáa ávirkan, heldur enn bara vera ímóti tí, sum samgongan ger. Ímillum teirra á hesum á vongi­ num teljast fleiri ung. Tey vilja varð­veita Føroyar sum partur av danska ríkinum, men tey vilja eisini, at tey viðurskiftini verða nútímans­gjørd. Samstundis vilja tey, at Sam­ bands­flokkurin skal vera meira aktiv­ur og dagliga royna at fáa ávirkan á førda politikkin í Før­ oy­um. Avmarkaður missur fyri flokkin at Magni fer út Magni Laksáfoss er farin úr Sambandsflo0kkinum, men sjálvt um tað ger flokkin minni, so er missurin tó til at bera - Í hesum valskeiðinum hava vit sæð, at samgongan hevur verið opin og bjóðað inn til, at teir borgar­ligu flokkarnir í andstøðuni eisini kunnu fáa ávirkan. Men and­ støðu­flokkarnir hava takkað nei og hava harvið frávalt at taka ábyrgd, sigur Magni Laksáfoss og vísir á, at hetta kann skeiklað lógarsmíð í fleiri ár framyvir. - Tá Sambandsflokkurin var við í nýskipanini av fiskivinnuni helt eg, at javnvágin var góð. Sam­ gongu­flokkarnir hálaðu uppskotið til vinstru og vit hálaðu til høgri og úrslit­ið var ein nøktandi blanding av góðum kørmum fyri vinnuna og samstundis ein fín fordeiling av land­sins virðum. Men nú borgarligi vong­urin hevur trekt seg frá arbeiðnum, hevur vinstrasinnaða síðan tikið yvirhond og javnvágin er harvið farin, greiðir Magni Laksá­foss frá og vísir á, at hetta er tað mest skaðiliga fyri vinnulívið. - Allar vinnur siga, at tær bara ynskja stabilar karmar, sum ikki verða broyttar aftur og aftur. Tá andstøðan trekkir seg frá arbeiðnum á slíkan hátt, so merkir tað, at vinnan kann vænta, at fiskivinnunýkipanin til dømis verður broytt aftur, tá ið and­støðu­ flokk­arnir koma framat valdi­num. Og eftir tað verður tað so aftur broytt, tá ið ein meira vinstra­ sinn­að samgonga kemur aftur og so­leiðis koyrir tað í fleiri ár, sigur Magni Laksáfoss. Fari í onkran flokk Nú Magni Laksáfoss er tann triði ting­maðurin, sum júst nú hvørki er í samgongu ella andstøðu, er áhuga­vert fyri politisku skipanina at vita, hvar hansara loyalitetur ligg­ur. Tí tað kann fáa avgerandi týdn­ing. Men tingmaðurin sigur seg ikki vita enn, hvar hann endar og hann heldur so heldur ikki tað er so áhugavert. - Hvar eg endi er minni áhuga­ vert enn tey stórpolitisku mál, sum liggja fyri framman. Eg fari at taka støðu til tey fyrst og síðani fari eg at finna fram til, hvønn flokk eg skal fara í, sigur Magni Laksáfoss. Hendan dagin, bert dagar eftir at hann vendi flokki sínum baki, má hann ásanna, at tað er ein løgin kensla at vera floksleysur. - Tað kennist tómt. Tí alt arbeiði eg havi gjørt liggur eftir í flokki­ num. Sumt taki eg við mær, men nógv er arbeiði, sum eg havi gjørt fyri Sambandsflokkin og sum Sambandsflokkurin eigur. Hin­ veg­in var tað ein tómari kensla áðr­ enn eg fór úr flokkinum. Tí eg havi ongan­tíð havt nakran dreym um at gera politikk til mítt lívsstarv. Eg fór upp í politikk aftur, tí eg helt tíðin var búgvin til at gera nakrar ný­skipanir, sum fyri meg hava størst­an týdning fyri samfelagið. Og tá man so upplivir, at flokkurin ein er partur av, ikki vil gera nakrar broyt­ingar, so er tað tann størsti tóm­leik­in, sigur Magni Laksáfoss, sum í eina tíð aftrat verður uttan­ flokka­tingmaður. BARBARA@SOSIALURIN.FO