hósdagur 5. apríl 2018síða 20

FRÍGGJADAGUR 6. APRÍL 2018 SOSIALURIN 39 20 NÝGGJA RÁ FERÐAVINN Nýggjar kanningar hjá ferðavinnuni geva ábendingar um, at ferðamynstrið verður øðrvísi í ár enn undanfarin ár. Eitt nú verður roknað við, at fleiri fara at velja ókend ferðamál, at avriksferðir og arbeiðsferðir verða væl umtóktar, og at fleiri ættarlið fara at ferðast saman ÓKEND FERÐAMÁL Nógvir av heimsins stórbýum eru komnir í trupulleikar av ferðafólkum, sum gerast alsamt fleiri. Í Amsterdam, París og Venedig gremja tey seg um ferðafólkini og kenna seg skumpa til viks í sínum egnu býum. Ferðavinnan væntar tí, at fleiri ferðandi enn nakrantíð áður fara at velja ferðamál, sum minna um væl dámdu stórbýirnar, men har tað er bíligari og ferðafólkini eru færri í tali. Roknað verður eitt nú við, at í staðin fyri at fara til Barcelona, so fara fleiri at velja býir sum Sevilla og Valencia, ið hava eina ørgrynnu av mentanartilboðum. Ferðavinnan væntar eisini, at í 2018 fara nógv at ferðast til býir sum Hamburg, kroatiska høvuðsstaðin Zagreb, Salzburg, Toulouse, Liverpool, Lausanne og hollendska býin Leeuwarden. Matferðavinna Serfrøðingarnir eru samdir um, at matferðavinnan fer at broytast frá dýrum matstovuvitjanum til meira ektaðar mat­ upplivingar. Tey, sum ætla sær at fara til nýggj ferðamál, fara at leggja høvuðsdentin á at vitja marknaðir og at eta heima hjá fólki á staðnum. Sambært ferðavinnuni er rákið broytt. Nú verða ferðir lagdir til rættis eftir mati, og ferðamálini verða vald út eftir mat­til­ boð­unum, sum tey ymsu ferðamálini hava. Roknað verður eitt nú við, at Japan fer at hava serliga stóran áhuga millum mat­ glað ferðafólk, tí landið hevur eindømis matmentan og serstakar matupplivingar. Avriksferðir At ferðast snýr seg ikki longur um sýnisferðir ella um at síggja so nógv lond sum møguligt. Eitt nýtt rák innan ferðavinnuna í 2018 er avriksferðir, siga serfrøðingarnir. Ferðandi, sum eru móð av at gera tað sama umaftur og umaftur, fara heldur at velja ferðamál, som geva teimum møguleika at røkka einum máli ella avrika okkurt, sum tey ongantíð hava roynt fyrr. Sagt verður, at fleiri fara at velja ferðamál, har tey eitt nú kunnu renna eitt maraton, fara niðan á Kilimanjaro ella fara pílagrímsferð eftir Santiago de Camino leiðini. Hetta rákið fer eisini at halda fram næsta ár, halda ferðavinnuserfrøðingar. MILDRID@SOSIALURIN.FO LÍVSSTÍLUR