hósdagur 5. apríl 2018síða 21

FRÍGGJADAGUR 6. APRÍL 2018 SOSIALURIN 39 21 ÁKIÐ INNAN NUNA Í 2018 Á ferð við arbeiðsplássinum Rákið í fjør at samantvinna arbeiði og stuttleika fer at halda fram í 2018, men ábendingar eru um, at í ár verður ikki bara talan um stuttar ferðir í nakrar fáar dagar. Í dag hava starvsfólk størri frælsi til at leingja arbeiðsferðir nakrar dagar ella enntá vikur, so tey eisini kunnu fara privatar ferðir. Rákið at samantvinna arbeiðsferðir og stuttleika tók veruliga dik á seg í fjør. Roknað verður við, at komandi árini fer tað at gerast alsamt meira vanligt at arbeiða fulla tíð ella parttíð sum talgildur reikari í ein mánað ella meira. Um stóran part av heiminum er atgongd til álítandi alnet, stór framstig verða gjørd innan netborin samskiftisamboð, og tí verður tað alsamt lættari at arbeiða og búgva ymisk støð í longri tíðarskeið. GISTINGAR­ HÚS LEGGJA DENT Á FELAGSSKAP Nógv gistingarhús fara at leggja høvuðsdentin á at gera størri felagsøki til gestirnar heldur enn at gera kømrini størri. Fleiri og fleiri ferðandi í dag leita eftir gistingarmøguleikum, sum minna um vallaraheim, tá talan er um støð, har gestirnir kunnu halda til og hitta onnur ferðandi. Stóru felagsøkini draga sosial ferðandi til sín, sum vilja hava hentleikar og friðin, ið eitt gistingarhús kann bjóða, samstundis sum tey vilja hitta onnur og koma í samband við nýggj fólk. Nýggj gistingar­ hústøkni Sambært serfrøðingunum, sum hava kannað ferðarákið í 2018, fara nógv gistingarhús at gera íløgur í nýggja tøkni. Sagt verður, at gistingarhúsini fara at brúka ein størri part av fíggjarætlanini til at betra alnetið. Í eini roynd at gera ferðina lættari og einfaldari hjá gestunum fara gistingarhús at gera íløgur í tøkni sum eitt nú sjálvvirkandi inn- og útskriving og í fartelefonappir, sum nøkta tørvin hjá gestunum bæði á og uttanfyri gistingarhúsið. Eitt dømi um eina slíka app, er appin sum gevur gestunum møguleika at bíleggja stovutænastu, viðgerðir á kurstaði og at bíleggja flutning millum flogvøll og gistingarhús. Endamálið er at geva gestunum møguleika til sjálvir at leggja ferðina til rættis, meðan starvsfólkini á gistingarhúsinum kunnu leggja høvuðsdentin á at geva gestunum eina góða uppliving og veita teimum góða tænastu. Ferðir fyri fleiri ættarlið At ferðast einmallur ella einsamøll var væl dámt í fjør, tá serliga nógvar kvinnur fóru at ferðast einsamallar. Tað verða framvegis nógvir valmøguleikar til tey, sum vilja ferðast einsamøll, men í ár verður eisini roknað við vaksandi áhuga fyri ferðum fyri fleiri ættarlið. Familjulimir í øllum aldri, bæði foreldur, børn og ommur og abbar, fara at leggja seg eftir at ferðast saman fyri at endurskapa sínámillum sambandið og skapa nýggj minnir saman, siga serfrøðingar innan ferðavinnuna. Nógvir ferðafyriskiparar fara tí at leggja dent á tilboð til fólk í øllum aldri. Ferðatilboðini nøkta tørvin hjá meira enn einum aldursbólki, bæði tá talan er um innivist og ítriv. TILVITAÐAR FERÐIR Burðardyggar ferðir vóru millum mest umtalaðu ferðirnar í 2017. Tey, sum kanna rákið innan ferðavinnuna, eru samd um, at nýggjasta ferðakonseptið verður tilvitaðar ferðir. Burðardyggar ferðir savna seg serliga um CO2 útlátið og búskapin á staðnum, har ferðast verður til. Tá talan er um tilvitaðar ferðir kemur felagsskapur afturat. Meira enn nakrantíð áður fara ferðandi at geva sær far um, hvørja ávirkan tey hava á búskapin og fólkið, sum býr har, ið tey fara at ferðast. Hesi ferðandi fara at keypa vistfrøðiliga frukt og grønmeti á staðbundnum marknaðum, og tey fara at legga áherðslu á at brúka peningin, so hann gagnar búskapinum í nærsamfelagnum heldur enn stórum útlendskum feløgum. Til dømis kann talan verða um at gista á lítlum gistingarhúsum heldur enn stórum ketugistingarhúsum, og at velja staðbundnar handlar heldur enn altjóða sølumiðstøðir. Kelda: momondo.dk