hósdagur 12. apríl 2018síða 16

FRÍGGJADAGUR 13. APRÍL 2018 SOSIALURIN 42 16 MENTAN: Nadia Abraham ÁRNI GREGERSEN T að er ein søga, sum er at finna bæði í Bíbliui og hjá islamistum um Móses, sum var sendur til Egyptalands, men endaði við at føra fólk sítt heimaftur úr útlegd. Barbara Nadia Abrahamsen av Argjum hevur fingið stóra leik­lutin, sum kona Móses í sang­leikinum, sum júst hevur havt enska frumframførslu á Fredericia Teater og har danska frumframførslan verður 17. apríl. -Ja, hetta er heilt klárt tann størsti leikluturin eg higartil havi havt, sjálvt um eg eftirhondini havi verið við í nógvum leikum, sigur Nadia Abraham, sum er navnið hon brúkar, tá ið hon dansar, syngur og spælir sjónleik. Hon er annars fult upptikin nú. Seinastu tveir mánaðirnar hava allar venjingar verið á enskum og arbeiðsmálið hevur verið enskt undan frumfrramførsluni á enskum. -Men nú skulu vit uppá nakrar fáar dagar flyta allan leikin yvir til danskt mál, so vit venja ógvuliga hart, sigur hon. Leikurin sum hon spælir við í ber heitið “Egyptiski prinsurin”. Sami leikur hevur verið at sæð, sum animatiónsfilmur. Søgan er lívs­søgan hjá Móses, sum fyrst verður settur í eina kurv í Nil­ánna og endar sum prinsur í Egypta­ landi. Hann var ein góðan uppvøkstur saman við Ramses, sum er borin til ríkið. Í leikinum er Nadia Abraham kona Móses. Sjálvur leikurin er góð­ar tveir og ein hálvan tíma lang­ ur og eftir at eini 40 minuttir eru farnir er Nadia Abraham fyri tað mesta á pallinum. -Størsta avbjóðingin fyri meg er seinasta pallmyndin, tá ið eg eri tikin fangi og syngi seinasta sangin, sigur Nadia Abraham. Syngur og dansar Nadia Abraham bæði syngur og dansar í stóra leiklutinum. Hon hevur áður luttikið í hópin av sang­ leikum í Danmark og Svøríki. Í hesum leikinum syngur hon eisini heimskenda sangin “When You Believe”, sum Whitney Hous­ ton og Maria Carey gjørdu til eitt hitt. Í teknifilminum var tað Michelle Pfeiffer, sum sang og legði rødd til leiklutin, sum Nadia Abraham nú hevur. Sum vanlig er til slíkar fram­ førslur, so eru upp­tøku­royndir og sjón­leikarar, dansara og sangarar bjóða seg fram. Nadia Abraham bjóðaði seg fram til ein minni leiklut, men tá ið framleiðararnir høvdu sæð hana, avgjørdu tey at fáa hana at spæla leiklutin sum kona Móses, Tzipporah. -Eg var ógvuliga glað og bilsin, tá ið eg fekk hesa avbjóðingina. Eg haldi tað gekk so, tá ið amerikansku framleiðararnir sóu, hvat eg hevði víst, sigur Nadia Abraham. Leikurin her hevur nógvar dansarar við, sum koma úr Suðurafrika, Italia og aðrastaðni. -Hetta eru fólk, sum eru útvald tí tey eru so dugnalig til júst dansin, sigur Nadia Abraham. Amerikanskur leikur Leikurin er skaptur av amerikana­ num Stephen Schwartz, sum hevur gjørt tónleikin og sum eigur kon­ septið. Tað er sonurin, Scott Sch­ wartz, sum er leikstjóri. Sjálvt handritið til sangleikin hevur Philip LaZebnik skrivað. Tilsamamans eru 130 fólk í gongd, tá ið leikurin verður fram­ førdur, men á sjálvum leikpallinum eru tey millum 30 og 40 fólk. Danska frumframførslan verður 17.apríl og so verður spælt til inn í juni, men eftir ætlan, so verður leik­urin framførdur á Kongaliga Leik­húsinum í Keypmannahavn næsta ár. Nadia Abraham hevur gjørt sátt­mála um, at hon eisini er við, tá ið leikurin verður settur upp í Keyp­manna­havn. STØRSTA KVINNULIGA LEIKLUTIN Í SANGLEIKI UM EGYPTISKA PRINSIN Nadia Abraham av Argjum spælir leikin á enskum og á donskum