hósdagur 12. apríl 2018síða 17

FRÍGGJADAGUR 13. APRÍL 2018 SOSIALURIN 42 17 ÁRNI GREGERSEN T að byrjaði við, at hon sum smá­genta gekk til dans hjá Elsu Mariu Bærentsen. -Ja, tað var heilt greitt har, at eg fekk lært fyrstu trinini í hesum slagi av dansi. Siðani havi eg bygt uppá. Nadia Abraham hevur júst nú sín størsta leiklut í einum sang­leiki. Talan er um leikin ”Egypt­iski prinsurin”, sum verður framførdur á Fredericia Teater. Hetta er søgan um Móses og fosturbróður hansara, egypt­iska Ramses. Nadia Abraham hevur leik­ lutin, sum kona Móses. Hon kem­ur á pallin umleið 40 minutt­ir inni í leikinum, men er so eisini við teir tveir tímarnar, leikutin varar afturat. Argjakvinnan hevur fingist við dans og sang síðani hon var smá­genta. Hon hevur yrkis­ út­búgving í hesum sama frá Per­forming Arts í Gøteborg í Svøríki. -Hetta er ómetaliga stuttligt, men tað er hart og ikki nakar dansur á rósum, sigur hon, sum hevur luttikið í stórum sang­ leikum. Millum annað hevur hon verið við í Cabaret á Kongaliga Leik­húsi­num í Keyp­manna­ havn, Mama Mia í Tivoli, West Side Story í Gøteborg, og Klokkarin fra Notre Dame í Fredericia. Hon hevur eisini verið við í Shrek. -Men hetta er greitt mín størsti leiklutur, sigur Nadia Abra­ham. Leikurin er krevjandi. Tað verður vant ógvuliga hart við bæði dansi, sjónleiki og sangi. Tað ger tað heldur ikki minni krevj­andi, at leikurin verður spæld­ur bæði á enskum og donsk­um. Men Nadia Abraham arbeiðir í stóran mun sum yrkisfólk. -Tey flestu sum luttaka í slík­um, arbeiða bara við hesum meðani vit venja og spæla leikir­ nar, men vit noyðast at hava onnur arbeiðir afturat fyri at fáa alt at hanga saman, sigur hon. Annað arbeiði hava tey so millum leiklutirnar. Hon býr í Keypmannahavn, men sum øll hini sum luttaka í leikinum, so búgva tey í Fredericia, meðan vant verður og meðan leikurin verður spældur. Nadia Abraham skipaði í heyst fyri einum filmfestivali í Norðurlandahúsinum. Hon vildi dansa og syngja Nadia Abraham, sum nú hevur kvinnuliga høvuðsleiklutin í “Egyptiski prinsurin”, hevur altíð viljað dansað og sungið