hósdagur 8. mars 2018síða 11

FRÍGGJADAGUR 9. MARS 2018 SOSIALURIN 26 11 hátíðarhaldum. Tað plagar at vera feløgini hjá tónleikarum, ið skipa fyri slíkum. Og soleiðis verður tað kanska einaferð í framtíðini, men eg haldi tað vera super, at vit í Norð­urlandahúsinum fingu høvi at vera við hesi fyrstu árini og fáa Faroe Music Awards upp at koyra, sigur Sif Gunnarsdóttir. Betur fyri hvørt ár Sif Gunnarsdóttir hevur verið stjóri í Norðurlandahúsinum øll tey árini, ið skipað hevur verið fyri Faroe Music Awards, og hevur bara positivt at bera tiltakinum, ið hon heldur verður betri fyri hvørt ár. - Tiltakið verður betri og betri fyri hvørt ár sum gongur. Soleiðis skal tað eisini vera. Eg helt tað gekk ordiliga væl fyrsta árið, og minnist, at tað var spennandi og stuttligt at vera við. Men um eg samanberi fyrsta árið við tiltakið í fjør, so er nógv broytt til tað betra, sigur Sif Gunnarsdóttir. Tað er serliga, tá hugt verður eftir heildarmyndini, at stjórin í Norðurlandahúsinum heldur, at tiltakið hevur ment seg og vorðið meira professionelt. - Samskipanin av tiltakinum er vorðin betri, kvøldið sjálvt koyrir betri og sum heild er alt vorðið meira professionelt og gott nú. Og so haldi eg, at tiltakið øll árini hev­ur megnað at víst fjølbroytni í før­oyska tónleikalívinum, sigur Sif Gunnarsdóttir. Lurta eftir kritikki Meðan Sif Gunnarsdóttir heldur, at tiltakið er vorðið betri við ár­ un­um, so er hon eisini gott varug við, at tað er ymiskt, ið kann gerast betri, og eru tey altíð klár at lurta eftir hvat fólk halda um tiltakið. - Sjálvandi er tað altíð onkrar røddir, sum siga vit kunna gera okk­urt betri. Tað er fínt at tær eru til og vit skulu sjálvandi lurta. Sjálvt um okkurt er gott, so kann tað gerast betri. Eg haldi eisini, at vit hvørt ár duga at lurta eftir teim­um kritisku røddunum og gera broytingar. Eitt sum Sif Gunnarsdóttir tó metir er ein forðan fyri at gera til­takið uppaftur betri er ótrygga fíggj­arstøðan hjá Faroe Music Awards. - Mentamálaráðið og komm­un­ urnar stuðla tiltakinum og har­ um­framt seta Norð­ur­landa­húsið, Kring­varp Føroya og Miðlahúsið peng­ar í tiltakið. Men hetta er ikki eitt slíkt tiltak, ið man veit hevur fleiri hundraðtúsund krónur at brúka. Her verður meira roynt at fáa ov mikið av peningi inn hvørt ár, og sjálvt í januar veit man ikki, hvat man hevur av peng­um til tiltakið í mars. Tað ger tað eitt sind­ur verri at skapa góð­ar karm­ ar til tiltakið, sigur Sif Gunn­ars­ dótt­ir. Kann fáa fólk til Føroyar Aðrastaðnis í blaðnum sigur Rólant Waag Dam, samskipari av FMA, at FMA seinastu árini hevur lagt seg eftir at bjóða útlendskum journal­istum og fólkum innan vinn­una til Føroyar, so at tey kunna uppliva tað, ið føroyskur tón­leikur hevur at bjóða. Og júst hetta, at bjóða útlendingum til Før­oyar í samband við FMA, er nakað, ið Sif Gunnarsdóttir metir kann gerast meira av. - Síðsta ár høvdu vit fleiri gest­ir, ið umboðaðu bæði tón­ leika­vinnuna og journalistar. Tey vóru øll sera bergtikin av tí, ið tey upplivdu á pallinum. Men flestu teirra komu fleiri dag­ ar áðrenn FMA tiltakið í Norð­ ur­landa­húsinm, og upplivdu tey ym­iskar konsertir í Vágum, Klaks­vík og aðrastaðni. Tey fingu eitt innlit í føroyska tón­leika- og mentanarlívið, ið var nógv meira enn bara eitt kvøld í Norð­ urlandahúsinum, sigur Sif Gunn­ ars­dóttir og heldur fram. - Og tað er júst hetta, ið eg haldi FMA kann gera meira við. FMA kann fáa fleiri útlendingar til Føroyar uttanfyri hásesong hjá ferðavinnuni. Tað kann so vera við til at seta sjóneyka á føroyskan tónleik í útlondum. Journalistarnir skriva heim um føroyska mentanina, meðan fólkini í vinnuni fáa føroysk nøvn inn á festivalar sum Spot og Icelandic Airwaves. Úrslitið av tí er, at alsamt fleiri fara at fáa eyguni upp fyri Føroyar sum eitt áhugavert mentanarligt ferðamál. Sunleif kann økja um sigursrøðina Seinastu árini hevur ein aftur­ vend­andi táttur í Føroysku Tón­listavirðislønunum verið, tá navnið á Sunleifi Rasmussen er kunn­gjørt sum vinnari av Ársins kom­positión. Føroyska tónaskaldið hevur nevniliga vunnið heiðurin sein­ astu trý árini og er aftur í ár til­ nevndur fyri verkið Autumn. Í fjør vann hann fyri Sym­ phony No. 2: The Earth Anew, í 2016 fyri Territorial Songs og í 2015 fyri Nordisk messe. Hóast onnur listafólk eisini hava megnað at vunnið FMA- virðis­lønir fleiri ár á rað, so er Sun­leif Rasmussen tann einasti, ið hevur vunnið somu virðisløn trý ár á rað. Og leygardagin kann sigursrøðin so økjast til fýra ár á rað. Fyrsta árið uttan toppskoraran 2018 verður fyrsta árið, tá før­ oyska sangkvinnan Eivør ikki vinnur nakra FMA-virðisløn. Í ár er hennara navn nevniliga ikki at finna millum tey tilnevndu, og hevur hon sostatt ikki møgu­ leikan at vinna nakra virðisløn. Eivør er annars tann tón­ leik­arin, ið hevur vunnið flestar FMA-virðislønir. Tilsamans hevur sangkvinnan úr Gøtu vunnið níggju virðislønir síðan tær fyrstu blivu handaðar í 2014. Í 2014 vann hon tær báðar fyrstu virðislønirnar, tá Lítla skrímsl varð kosin ársins fløga og Lurta Nú vann ársins lag. Í 2015 var eitt soltið ár hjá henni, tá hon einans fekk tí fekk ta einu virðislønina, ið var fyri sjónbandalagið til sangin Rain, ið varð kosin til ársins sjónbandalag. 2016 gjørdist heilt stóra árið hjá Eivør í FMA-høpi, tá Eivør fekk handað fýra virðislønir. Hon gjørdist Ársins songkvinna og Árs­ins einstaklingur, samstundis sum Slør varð kosin ársins út­ gáva. Eivør fekk eisini FMA- virðis­lønina fyri ársins húsi fyri systir­fløgurnar Slør og Bridges. Í fjør gjørdist hon ársins sang­ ari í Opna flokkinum, umframt at hon vann Ársins útgávu/konsert fyri útgávuna At the Heart of a Selkie. Umframt at vera tann føroyski tónleikarin, ið hevur vunnið flestar FMA-virðislønir, so er Eivør eisini tann tónleikarin, ið vann flestar Planet Awards- virðislønir. Í árunum 2005 til 2012 vann Eivør átta Planet Awards- virðislønir. - FMA kann fáa fleiri útlendingar til Føroyar uttanfyri hásesong hjá ferðavinnuni. Tað kann so vera við til at seta sjóneyka á føroyskan tónleik í útlondum - Samskipanin av tiltakinum er vorðin betri, kvøldið sjálvt koyrir betri og sum heild er alt vorðið meira professionelt og gott nú. Og so haldi eg, at tiltakið øll árini hevur megnað at víst fjølbroytni í føroyska tónleikalívinum. A SINNI