hósdagur 8. mars 2018síða 15

FRÍGGJADAGUR 9. MARS 2018 SOSIALURIN 26 15 upp­skot til at vinna Ársins bólk/ ein­staklingur. Harumframt eru video­løgini til Let It og No Shapes tvey av teimum fimm videoløgum, ið kunna Ársins videolag. At fáa so nógvar tilnevningar til FMA er Jenný Augustudóttir Krage­steen fegin um, men vísir á, at tað er ikki viðurkenning frá øðr­um, ið er drívmegin fyri tað, ið hon ger. - Tað er ein góð kensla, at fólk taka væl móti tónleikinum. Men or­søkin til, at eg skapi tónleik, er tí hugurin er har og man brennur inni við tí. Tónleikurin er ein máti at sleppa av við hetta. So til­nevn­ ing­arnar eru eitt pluss og so fær man eisini eitt gott kvøld saman við øðrum føroyskum tónleikarum, sig­ur Jenný Augustudóttir Krage­ steen. Hjartabarn FRUM er eitt hjartabarn hjá Jenný Augustudóttir Kragesteen, og er tað í stóran mun hon sjálv, ið er einsamøll um tað. At byrja við vóru nakrir aðrir tónleikarar knýtt­ir at bólkinum, men arbeiðir Jenný Augustudóttir Kragesteen fram ímóti, at hon kann gera allan tón­ leik­in einsamøll. - Eg geri meira og meira sjálv nú. Tey flestu løgini hava onnur verið út­yvir, men tað hevur kortini verið mítt hugskot. Síðan eg byrjaði við FRUM, so havi eg lært nokk so nógv. Nú eri eg komin har til, at eg arbeiði við eini verkætlan, har eg ætli at gera alt sjálv, greiðir sang­ kvinn­an frá. Við at gera sum mest sjálv, so tryggjar hon nevniliga, at hon fær júst tað úrslitið, ið hon ynskir sær, við at hon fær tamarhald á allari tilgongdini frá hugskot til endaliga úrslitið. - Tá eg geri alt sjálv, so fái eg tað ljóðið, ið eg fari eftir. Tað er týdningarmikið, at onnur sleppa framat og siga sína hugsan, men tá lagið kemur so langt innanífrá sær sjálvum, so vil man sjálvur forma tað og ikki lata nakran annan forma tað fyri teg, sigur Jenný Augustudóttir Kragesteen. Framtíðin Í løtuni arbeiðir Jenný Augustu­ dóttir Kragesteen við tónleikinum við síðuna av lesnaðinum, men í summ­ar verður hon bachelor, og tá ætlar hon sær at finna út av, um tón­leikurin er nakað, ið hon skal gera meira við. - Eg taki ein steðg frá lesnað­ in­um í summar fyri at vita hvat eg vil við hesum. Fleiri dyr eru longu latnar upp um allan heim, ið eg kann arbeiða víðari við, um eg so ynski, men eg má líka hugsa tingini ígjøgnum. Men eg kundi hugsað mær at roynt at liva av tón­leikinum, sigur Jenný Aug­ustu­ dóttir Kragesteen. Sjálvt um hon lesur, so er hon tó kortini í holt við at útgeva sína fyrstu fløgu, og hevur hon áð­ur kunngjørt, at hon ætlar ikki at útgeva fleiri stakløg fyrr enn fløg­ an er klár. Nær hon er klár, ynskir hon tó ikki at siga enn. - Tað gongur væl við fløguni og tað byrjar at líkjast nú. Men slíkt tekur tíð og tað einast eg veit er, at hon kemur út tá hon er liðug, sigur Jenný Augustudóttir Kragesteen. Leygarkvøldið fáa føroyingar møguleikan at hoyra FRUM fram­ føra á FMA, men harumframt er møguligt at hoyra bólkin fleiri­ staðni komandi tíðina. Í næstu viku framførir hon á Vel Føroyar til­ takið á Norðuratlansbryggjuni og í summar skal hon millum annað spæla á G!. Størsta upplivingin verð­ur tó helst í Danmark, tá hon í summ­ar skal spæla á stóra Spot Festi­valinum. - Tað er ordiliga cool, at eg havi fingið møguleikan at spæla á Spot. Eg gleði meg nógv til tað og royni at gera mítt arbeiði ordi­liga gott áðrenn, so eg fái sum mest burt­ ur­úr, tá eg skal spæla har, sigur Jenný Augustudóttir Krage­steen. DYRNAR TIL KINA - Tað er ein góð kensla, at fólk taka væl móti tónleikinum. Men orsøkin til, at eg skapi tónleik, er tí hugurin er har og man brennur inni við tí. Tónleikurin er ein máti at sleppa av við hetta. - Bara fyrsta fríggjadagin, tá tað bleiv útgivið, varð tað spælt 40.000 ferðir og í dag er tað spælt umleið 200.000 ferðir. So man kann siga, at tað gekk rímiliga væl, men tað var púra óvæntað, sigur Jenný Augustudóttir Kragesteen frá.