mánadagur 12. mars 2018síða 14

Mánadagur 12. mars 2018 · Nr. 30 14 Sosialurin Hugskot og viðmerkingar – send sms til 225000 HONDBÓLTUR Pætur Albinus Oddaliðið í FTZ-deildini, H71, var leygardagin á vitjan hjá Team Klaksvík, sum leingi hevur stríðst í miðfeltinum í deildini, men er gliðið omaneftir stigatalvuni og helst má veittra bronsuspælinum farvæl. Fyrstu smáu tíggju minuttirnar av dystinum var Team Klaksvík væl við og kundi eisini verið væl á odda um tað ikki var fyri tvey misýtt brotskøst, men so fór H71 at revsa heimaliðið fyri mistøkini, og við støðuna 6-3 tók Team Klaksvík timeout. Teir komu tó ikki tættari, og heldur hinvegin økti H71 um leiðsluna og fór til hálvleiks á odda 17-11. Í seinna hálvleiki kom Team Klaksvík ongantíð tættari enn fimm mál á muni, og seinastu tíggju minuttirnar staðfestu hoyvíkingar ein tryggan sigur, sum bleiv áljóðandi 33-22. Nýggjur toppskjútti hjá H71 var Andor Sivertsen við heili níggju málum. Fyri Team Klaksvík skutu Ludvík Súnason og Vilhelm Vilhelmsen hvør síni fimm mál. Neistin er við Neistin, sum nýliga mátti avhenda oddasessin í FTZ-deildini til H71, hevði tørv á báðum stigunum fyri at halda fast í marsjinum ímóti FM-finalunum, tá ið teir bláu úr Havnini sunnudagin vóru á vitjan í Kollafirði hjá botnliðnum í deildini, KÍF. Rímiliga javnt leikti á bróðurpartin av fyrra hálvleiki, har Neistin fyri tað mesta var á odda við einum, men beint undan hálvleikssteðginum fekk Neistin skapt eitt lítið hol og fór til hálvleiks á odda við trimum, 12-9. KÍF royndi at tetta holið beinanvegin í seinna hálvleiki, men sum dysturin fráleið bygdi Neistin sær eina tryggari leiðslu. Til endans var heldur eingin ivi, og Neistin vann dystin trygt 26-16. Hjá heimaliðnum var Hans Eli Sigurbjørnsson nærmast ein einmansherur. Hann skeyt níggju mál. Betur býtt var tað hjá Neistanum, har Rasmus Søby og Tróndur Kragesteen báðir kundu kalla seg toppskjúttar við hvør sínum fýra málum. Comeback Menninir hjá Kyndli stríðast við at halda lív í teoretiska møguleikanum at røkka FM- finalunum, men kanska mest realistiskt at vinna bronsuna, og sunnudagin snúði tað seg um heimadyst ímóti StÍF. Eftir eina javna dystarbyrjan byrjaði StÍF at vinna sær eina leiðslu, og hendan bleiv somikið stór, at ein kundi hildið, at Kyndil misti tamarhaldið á dystinum. Serliga síðstu løtuna av fyrra hálvleiki rann StÍF avstað og var á odda heili 18-12 í hálvleikssteðginum. Kyndil syrgdu fyrstu løtuna av seinna hálvleiki fyri, at StÍF ikki slapp fullkomiliga at renna avstað og avgera dystin, og sohvørt sum seinni hálvleikur leið át Kyndil seg inn á stóru leiðsluna, og tá ið seinni hálvleikur var hálvrunnin var einans eitt mál á muni, nevniliga 22-21 til StÍF. Tá ið sjey minuttir restaðu í javnaði Kyndil á fyrsta sinni (25-25), og so var lagt upp til ein spennandi dystarenda. Hóast StÍF var á odda bæði 26-25 og 27-26, so javnaði Kyndil hvørjaferð og fekk eisini síðsta orðið í dystinum og fekk umvegis frálíkan 28-27-sigur bæði stigini. Hjalti Mohr Jacobsen skeyt seks mál fyri Kyndil, meðan Pætur Ó. Joensen var toppskjútti hjá gestunum við seks málum. albinus@sosialurin.fo FTZ deildin NR. LIÐ DYSTIR V.M. T.M. MUNUR STIG 1 H71 19 505 471 34 29 2 Neistin 18 468 406 62 27 3 Kyndil 17 434 413 21 20 4 VÍF 17 499 491 8 18 5 Team Klaksvík 19 459 518 -59 14 6 StÍF 18 490 504 -14 11 7 KÍF 18 444 496 -52 7 FTZ-deildin, úrslit: Team Klaksvík – H71 22-33 (11-17) Team Klaksvík: Ludvík Súnason 5, Vilhelm Vilhelmsen 5, Hørður F. Sigtórsson 4, Jens Pauli Mohr 4, Beinir Johannesen 2, Sámal á Tjaldrafløtti 1, Petur Martin Eliasen 1 Útvísingar: 1 x 2 minuttir H71: Andor Sivertsen 9, Peter Krogh 8, Rúni Vest Højgaard 6, Sigmundur Nolsø 3, Vilhelm Poulsen 2, Ári Dam 2, Bergur Ákason 1, Leivur Mortensen 1, Mark Marcher 1 Útvísingar: 3 x 2 minuttir KÍF – Neistin 16- 26 (9-12) KÍF: Hans Eli Sigurbjørnsson 9, Magnus Müller 4, Tony Weyhe 1, Teitur Joensen 1, Ási Dam 1 Útvísingar: 2 x 2 minuttir Neistin: Rasmus Søby 4, Tróndur Kragesteen 4, Pætur Mikkjalsson 3, Høgni Zachariasen 3, Carl Herup Olsen 2, Jónsvein Dulavík 2, Torkil Hentze 2, Rune Olsen 2, Karl Martin Olsen 1, Pál Niclasen 1, Hjalti í Jákupsstovu 1 Útvísingar: 4 x 2 minuttir Kyndil – StÍF 28- 27 (12-18) Kyndil: Hjalti Mohr Jacobsen 6, Rógvi Dal-Christiansen 5, Rókur Akralíð 4, David Edvardsen 4, Bartal Klein Olsen 4, Ólavur av Fløtum Mittún 3, Høgni Klein Olsen 2 Útvísingar: 2 x 2 minuttir StÍF: Pætur Ó. Joensen 6, Allan Norðberg 4, Joakim Jürs 4, Sveinur Justinussen 3, Jóannes Prestá 3, Marius Joensen 2, Tummas Simonsen 2, Ivan Mrdalo 2, Borgar Persson 1 Útvísingar: 3 x 2 minuttir Oddaliðini í FTZ-deildini, H71 og Neistin, vunnu sínar dystir um vikuskiftið, og hóast Kyndil vann frálíkan comeback-sigur, so er vegurin helst ov langur inn í ta alt meira kláru FM-myndina MYNDIN ER PÚRA KLÁR