mánadagur 12. mars 2018síða 15

15 Mánadagur 6. januar 2014 · Nr. 2 Sosialurin Mánadagur 12. mars 2018 · Nr. 30 Hugskot og viðmerkingar – send sms til 225000 Pætur Albinus Stríðið um seinna FM-finaluplássið í Hvonndeildini ímillum Kyndil og VB heldur fram. Kyndil hevði í gjár heima í høllini á Hálsi vitjan av StÍF, sum roynir at byggja eitt nýtt lið upp, og tað bleiv eisini til ein kravsigur til heimaliðið, sum endaði við at vinna ein rættiliga stóran sigur. Heimaliðið byrjaði nevniliga alt fyri eitt at renna undan, og støðan í hálvleikssteðginum var heili 19-4 til Kyndil. Betur gekst at skjóta mál hjá StÍF í seinna hálvleiki. Tær komu upp á 15 mál, men Kyndil slakaði ikki við sínari málskjóting og vann at enda 40-15. Turið Arge var í hopla hjá heimaliðnum og skeyt 11 mál, meðan tann afturvenda Rebekka Justinussen enn einaferð gekk á odda við málskjótingini og legði fimm mál eftir seg. VB hongur í Kyndil hevur ligið væl í svinginum til at sleppa við í FM-finalurnar, men VB hevur ongantíð givið upp, og nú Kyndil síðsta umfar tapti ímóti Neistanum, eru VB-kvinnur einans trý stig aftanfyri. Tað halda tær fram við at vera, tí hesaferð vunnu tær heima ímóti H71. Liðini fylgdust til 3-3, men so byrjaði heimaliðið at draga frá og fór til hálvleiks á odda 14-10. Seinni hálvleikur byrjaði júst sum VB hevði ynskt sær, tí tað gingu ikki nógvir minuttir áðrenn støðan var 19-12 og alt at kalla leyst og liðugt. Tað endaði við, at VB vann 27-20. Agnes K. Fallesen, ið er einasti danski spælarin eftir á VB-liðnum, gjørdist toppskjútti við fimm málum. Hjá H71 var tað enn einaferð Maria H. Weyhe, ið var ein einmansherur. Hon skeyt ikki færri enn 13 mál. 29. mars hittast VB og Kyndil í Vági. Hesin dysturin kemur helst at verða ógvuliga avgerandi, og so mangla bæði liðini eisini at spæla ein dyst ímóti oddaliðnum, VÍF. Taptu aftur Baldruta kappingarárið hjá kvinnunum í Neistanum heldur fram. Eftir óvæntaðan sigur ímóti grannunum úr Kyndli mitt í síðstu viku, skuldi tað bláa havnaliðið royna at byggja víðari í dystinum ímóti Stjørnuni í gjár. Tað var heimaliðið í Klaksvík, sum byrjaði dystin betur og legði seg á odda 4-1, og hóast Neistin síðani tók sær um reiggj og kom á odda 6-4, so var tað Stjørnan, ið fór til hálvleiks á odda 12-11. Neistin fekk trý tey fyrstu málini í seinna hálvleiki og kom á odda 14-12, men síðani kom av álvara stígur í hjá teimum, og Stjørnan rann avstað og kom á odda 18-15 og 21-16. Tað vendist ikki aftur hjá Neistanum, sum fekk enn ein niðurtúr at arbeiða við. Stjørnan vann dystin 23-20. Hjá heimaliðnum gekk Judith Dam Jacobsen undan við fimm málum, meðan Eir Berg var toppskjútti hjá Neistanum somuleiðis við fimm málum. albinus@sosialurin.fo HONDBÓLTUR Hvonn deildin NR. LIÐ DYSTIR V.M. T.M. MUNUR STIG 1 VÍF 19 573 438 135 34 2 Kyndil 19 534 399 135 30 3 VB 19 505 411 94 27 4 Neistin 19 436 458 -22 17 5 H71 20 448 520 -72 13 6 Stjørnan 19 430 469 -39 12 7 StÍF 19 306 537 -231 1 Hvonndeildin, úrslit: Kyndil – StÍF 40- 15 (19-4) Kyndil: Turið Arge 11, Súna K. Hansen 9, Bára K. Hansen 8, Bjarta O. Johansen 4, Beinta Bárðardóttir 2, Sólja B. Poulsen 2, Anja Eliasen 2, Marianna G. Eystberg 1, Bjørk Brimnes 1 Útvísingar: 1 x 2 minuttir StÍF: Rebekka Justinussen 5, Fríðrún Olsen 2, Erla J. Petersen 2, Rebekka Poulsen 2, Durita Hummeland 1, Sara Dahl 1, Birna T. Mikkelsen 1, Simona á Fríðriksmørk 1 Útvísingar: 2 x 2 minuttir VB – H71 27-20 (14-10) VB: Agnes K. Fallesen 5, Rúna M. Jacobsen 4, Bára K. Mortensen 4, Christina Holm 4, Rannvá Johannessen 4, Barbara K. Hjelm 3, Gurið K. Augustinussen 2, Laila J. Eysturberg 2 Útvísingar: 5 x 2 minuttir H71: Maria H. Weyhe 13, Durita T. Joensen 3, Tórhalla Thorsteinsson 3, Silja Sámalsdóttir 1 Útvísingar: 4 x 2 minuttir Stjørnan – Neistin 23-20 (12-11) Stjørnan: Judith Dam Jacobsen 5, Jansy Jacobsen 4, Jórun B. Nielsen 4, Kristina Poulsen 3, Mina Sirdal 3, Sonja Sirdal 2, Tóra Eliasen 2 Útvísingar: 3 x 2 minuttir Neistin: Eir Berg 5, Marjun Danberg 4, Birita Ingolfsdóttir 3, Ása Dam á Neystabø 3, Daniella Joensen 2, Maria Dahl 2, Rannvá Hanusson 1 Útvísingar: 1 x 2 minuttir VB GEVUR IKKI UPP Kyndil kom aftur á slóðina við kravsigri, men VB gevur ikki upp og er einans trý stig frá seinna finaluplássinum. Næstu umførini verða avgerandi