hósdagur 15. mars 2018síða 16

FRÍGGJADAGUR 16. MARS 2018 SOSIALURIN 32 16 DANJAL AV RANA T að hevur elvt til nakað av ónøgd, serliga í ítróttar­ um­hvørvinum, at Sosial­ ur­in bar tíðindini um, at Ítróttarhøllin á Hálsi ikki lýk­ ur altjóða krøv. Avleiðingin er, at Hondbóltssamband Føroya má søkja um undantaksloyvi at skipa fyri altjóða kappingum og lands­ dystum sum nú er, og líkt er til, at slík undantaksloyvi ikki fara at vera givin í framtíðini. Tí eru mong sum halda, at tað er ov vánaligt, at Tórshavnar kommu­ na útbyggir høllina fyri tíggjutals milliónir, uttan at tryggja sær, at út­byggingin er nóg góð. Men í Tórshavnar kommunu siga tey, at tað ongantíð var málið, at høllin skuldi lúka strangastu al­ tjóða krøvini. - Tá tilgongdin til útbyggingina av nýggju høllini byrjaði í 2015, høvdu vit fund við ítróttarfeløgini í Havn, og teirra allarfremsta ynski var at fáa fleiri vallir at venja á, so at tey kundu fáa fleiri hallartímar í part, sigur Sigurð Ó. Vang, mentanarleiðari í Tórshavnar kommunu. Stórur tørvur á venjingartímum Hann greiðir frá, at hetta gjørdist fremsta málið hjá kommununi á ítróttar­økinum. Samstundis sum útbygg­ingina av ítróttarhøllini á Hálsi, sum bleiv víðkað frá hálva­ aðrari høll til dupulthøll, setti kom­mu­nan í gongd eina víðkan av ítróttarhøllini í skúlanum á Argjahamri. Afturat teimum kemur ein nýggj ítróttarhøll í skúla­num á Fløtum, eins og at ítróttar­feløgini væntandi sleppa at brúka ítróttarhøllini í Glasi, tá hon er liðug. - Allar hesar útbyggingarnar gera, at innandura liðítróttirnir í Tórs­havnar kommunu hava fingið nógv fleiri hallartímar at býta millum sín. Bara útbyggingirnar á Hálsi og á Argjahamri hava økt kapasi­tetin við 70 prosentum, sigur Sigurð Ó. Vang. Tað eru serliga flogbólturin og hond­bólturin, sum fáa betri gagn av nýggju dupulthøllini, men aðrar ítróttar­greinar hava eisini fingið betri innivist, eitt nú boksing, sum hevur vant í Tekniska Skúla í Marknagili og judo og borðtennis, sum bæði vandi í Eysturskúlanum, í auluni og ítróttarhøllini. Allar tríggjar ítróttargreinarnar eru fluttar í kjallaran í høllini á Hálsi og venja nú lið um lið. Ein tjóðarleikhøll er ov dýr Sigurð Ólason Vang sigur, at gaman í førdi Hondbóltssamband Før­oya fram eitt ynski um at gera ein tjóðarleikvøll, sum kundi hýsa altjóða kappingum og dystum. - Okkara metingar vístu, at ein slík høll fór at kosta umleið 100 milliónir krónur. Útbyggingin av høllini her, um vit ikki telja kjallaran og p-plássini uttanfyri við, kostaði 30 milliónir krónur. Hitt hevði verið ein ov stór íløga fyri Tórs­havnar kommunu í løtuni, og hevði heldur ikki uppfylt ynski hjá feløg­unum um fleiri hallartímar, sigur hann. Hann vísir kortini á, at hóast høll­in ikki livir upp til strangastu al­tjóða krøvini, so eru umstøðurnar til dystir nógv batnað, millum annað eru umstøðurnar hjá áskoðar­um nógv batnaði, eins og at pláss er fyri nógv fleiri áskoðarum til størstu dystirnar. - Vit skulu eisini minnast til, at tað væntandi einans eru A-landsdystir í hondbólti hjá monn­um, sum ikki kunnu spælast her longur. Til aðrar kappingar lýk­ ur hølllin øll krøv, ella í øllum før­ um somikið, at gjørligt verður at fáa undantøk, sigur Sigurð Ó. Vang. Størsti trupulleikin við altjóða góðkenningini er, at í høllini á Hálsi eru ikki nóg góðar umstøður til sjón­varpsupptøkur. - Seinastu árini er nógv meiri pen­ingur komin inn í altjóða hond­bólt, fyrst og fremst tí at sjónvarpsrættindini eru voksin tríggj­ar ferðir í virði. Tí leggur IHF, altjóða hondbóltssamgongan, stóran dent á, at umstøðurnar til sjón­varpsupptøkur eru í lagi, sigur Sigurð Ó. Vang. - Sjálvandi burdu vit havt eina slíka høll, men Tórshavnar kommu­na hevur ongantíð bundið seg til, at hendan høllin skuldi gerast ein slík. At byggja eina slíka høll er vælsaktans eisini ein lands­spurningur og ikki bara ein kommunalur spurningur, sigur Sigurð Ó. Vang. Høllin á Hálsi verður ikki størri Trupulleikin, sum høllin á Hálsi tá renir seg í, er at hon ikki kann víð­kast. - Sjónvarpsliðini krevja sera nógv pláss og tíverri er tað ógjørligt hjá okkum at uppfylla tey krøvini í høll­ini á Hálsi, tí soleiðis, sum hon er bygd av fyrstan tíð, ber ikki til at breiðka hana, sigur hann. Sigurð Vang vil tó minna á, at meðan hølllin sjálvandi verður nógv nýtt til hondbólt og flogbólt, tæn­ir hon eisini nógvum øðrum enda­málum. Nýggja høllin kann nýtast til finalur og framsýningar hjá øðrum ítróttargreinum og til­ tøk av øðrum slag. Gamla heitið var eisini Tórshavnar ítróttar- og sam­komuhøll. - Høllin er ein fleirnýtsluhøll. Heta merkir, at hon eisini skal nýtast til messir, møtir, dans, próv­handan og mangt annað. Gamla høllin rúmaði eini 1.500 til 1.800 fólk, alt eftir hvat tiltakið var, meðan vit rúma millum 2.500 til 3.000 fólk í nýggju høllini, sigur hann. - Eingin ivi er um, at hendan út­byggingin hevur flutt býin og Føroyar væl fram á leið, hóast onkur altjóða góðkenning manglar, sigur Sigurð Ó. Vang. HETTA ER IKKI OKKARA TJÓÐARLEIKHØLL Høllin á Hálsi skal fyrst og fremst nøkta tørvin hjá havnafeløgunum á venjingartímum. Kortini er tað bara í fáum førum, at hon ikki lýkur altjóða krøv ella kann fáa undantak til altjóða kappingar.