hósdagur 15. mars 2018síða 17

FRÍGGJADAGUR 16. MARS 2018 SOSIALURIN 32 17 T órshavnar kommu­ na heldur, at sjálv­ andi skuldi ein tjóðar­ leik­vøllur verið sum altjóða kappingar og landsdystir kunnu spælast í. - Sjálvandi burdu vit havt eina slíka høll, men Tórshavnar kom­ muna hevur ongantíð bundið seg til, at høllin á Hálsi skal vera ein slík. At byggja eina slíka høll er vælsaktans eisini ein lands­ spurningur og ikki bara ein kommunalur spurningur, sigur Sigurð Ó. Vang. - Seinni í heyst verður ein nýggj kommunuætlan eisini løgd fram og tá verður eisini viðgjørt, hvar í býnum ein slík tjóðarleikhøll kundi verið, sigur hann. Tórshavnar Býráð hevur júst heitt á Føroya Landsstýrið, um at hava ein virknari leiklut í arbeiðinum við at betra um um­støðurnar hjá ítróttinum í Føroyum. Hetta gjørdi hon í samband við at Landsstýrið vil veita fíggjarliga trygd fyri at fáa Oyggja­leikirnar til Føroya. Tórshavnar býráð heldur, at um vit skulu kunna hýsa Oyggja­leikunum her í Føroyum, so er neyðugt við stórum íløgum í ítróttarverkløg av ymiskum slag. Tí heitir hon á Føroya Landsstýrið um at vera við til at fíggja hesi verk­løgini. Í býráðnum vísa tey á, at tað er Tórshavnar kommuna, sum hevur rindað fyri Tórsvøll, allan sum hann er, meðan aðrar kom­ munur eisini hava brúkt nógvar peng­ar upp á ítróttarhallir og annað. Hinvegin, so eru nakrar kom­munur, sum hava fingið ítróttar­hallir frá landinum. Tórshavnar býráð heldur, at ein byrjan kundi verið, at landið gav kommununum alt mvg’ið aftur, tá kommunur byggja ítróttar­verkløg. Sum nú er fáa tær 75 prosent aftur. Annika Olsen, borgarstjóri í Havn, er eisini í stýrinum í Kommunufelagnum, og hon upp­ lýsir, at eisini Kom­mu­nu­felag­ið tekur undir við, at kom­munurnar skulu fáa alt mvg aftur, tí tað eru kommunurnar, sum bera útreiðslurnar, tá ið ítróttar­verk­ løg verða gjørd. - Slíkar altjóða kappingar draga nógv fólk til Føroya, sum leggja nógv eftir seg, meðan tey eru her. Tí er býtt at ikki brúka tær 20 ella 30 milliónir krónurnar, sum skulu til fyri at tryggja, at hallirnar lýka altjóða krøv. Tí hava vit eisini sett okkum í sa­ mband við Svimjisamband Før­ oya, fyri at tryggja okkum, at nýggi langhylurin í Gundadali eisini lýkur øll FINA-krøv. So kun­ nu vit skipa fyri altjóða svimji­ kapp­ingum, kanska eisini EM ella líknandi, sigur Annika Olsen, borgar­stjóri. Golfvøllurin skal eisini lúka altjóða krøv, sigur hon. MILDRIÐ JACOBSEN N ýggja høllin á Hálsi lýkur ikki krøvini, sum verða sett til landsdystir í hondbólti. Evropeiska hondbóltssambandið EHF hevur givið greiðar ábendingar um, at hetta kann fáa avleiðingar fyri møguleikarnar hjá føroyska A-landsliðnum hjá monnum at spæla heimadystir í Føroyum í framtíðini. Krøvini, sum verða sett í sambandi við altjóða hondbóltsdystir, eru tey somu, sama um talan er um ungdómslandslið ella A-landslið. Møguleikarnir at fáa undatøk, tá A-landsliðið hjá kvinnum ella ungdómslandsliðini spæla landsdystir, eru góðir, men tá talan er um A-landsliðið hjá monnum, er ikki líkt til, at EHF vil víkja frá ásettu krøvunum. Í s a m b a n d i v i ð manslandsdystirnar verða eitt nú sett krøv um umstøður til sjónvarpsupptøkur, og tey krøvini lýkur høllin ikki. Høllin lýkur heldur ikki kravið um áskoðarapláss á báðum langsíðunum, og frástøðan millum vøllin og áskoðaraplássini er heldur ikki í lagi, tí høllin er ov smøl. Hallur Danielsen frá Hondbóltssambandi Føroya sigur, at tey rokna við at fáa undantaksloyvi frá EHF, tá komandi EM-undankapping verður spæld við úti- og heimadystum í heyst og næsta vár. Hetta loyvið er kortini ikki givið enn. Men eftir ta kappingina væntar Hallur Danielsen ikki at fáa undantaksloyvi til at hava heimadystir hjá A-landsliðnum hjá monnum í Føroyum. Hann sigur, at tá umboð fyri EHF var í Føroyum í sambandi við A-landsdystin hjá kvinnum móti Svøríki í fjør, fekk HSF greitt at vita, at roknast skal ikki við undantaksloyvum til A-landsdystir hjá monnum í framtíðini. Hondbóltssambandið fer saman við Tórshavnar kommunu at gera alt, sum til ber, fyri at sannføra EHF um kortini at geva undantaksloyvi til heimadystir hjá manslandsliðnum, men Hallur Danielsen sigur seg vænta, at tað fer at verða sera torført. Verður undantak ikki givið, er avleiðingin tann, at A-landsliðið hjá monnum má spæla heimadystirnar uttanlands. Hallur Danielsen sigur, at Hondbóltssambandið kann bara vóna, at EHF vísir vælvild, tí høllin er, sum hon er, og hon kann ikki broytast til at lúka krøvini. Landið má á banan Um føroyska A-landsliðið í hondbólti skal spæla A-landsliðið í Føroyum, má ein nýggj høll byggjast. Tórshavnar kommuna heldur, at landið má hjálpa til Bakgrund: Nýggja høllin á Hálsi lýkur ikki altjóða krøv Føroyska A-landsliðið í hondbólti sleppur neyvan at spæla heimadystir sínar í Føroyum