hósdagur 15. mars 2018síða 18

FRÍGGJADAGUR 16. MARS 2018 SOSIALURIN 32 18 ÁRNI GREGERSEN S itandi samgonga er meira ella minni óarbeiðsfør, tí ongi álit kom aftur úr fíggjarnevndini hjá Løgtinginum. Orsøkin er, at ein av fýra sam­ gongu­nevndarlimunum, Kristin Michel­sen, ikki vil skriva undir álitini. Tað skulu minst fýra undir­skriftir til fyri at álit kunnu leggjast fram. -Tað kann ikki halda fram tí fíggjar­nevndin druknar í málum, sum ikki koma fyri tingið aftur, sigur Poul Michelsen, formaður í tí eina samgonguflokkinum, Fram­ sókn. -Stríðið á Tvøroyri mill­um Kristin Michelsen og Javn­að­ ar­flokkin leggur forðingar fyri tingarbeiðnum og tað kann ikki halda fram uppá hendan mátan, sigur landsstýrismaðurin. Innanhýsis er stríð í Javn­að­ ar­flokkinum. Kristin Michelsen hevur boðað flokkinum frá, at so leingi málið á Tvøroyri ikki verður loyst, so kennir hann seg á ongan hátt bundnan at atkvøða tað sama sum Javnaðarflokkurin. Við øðrum orðum vil hann hava for­mannin í Javnaðarflokkinum at leggja seg uppí ósemjurnar á Tvøroyri, men tað hevur for­maður­ in ikki gjørt enn. Saman við andstøðuni Eitt annað, sum hevur tikið seg uppí seinastuni er, at samgongufólk hava lagt uppskot fyri tingið saman við andstøðuni. Eitt dømi er uppskotið um at gera tunnil til Fámjins í sama viðfangi sum tunnil til Hvalbiar. Bæði Heðin Mortensen, Javn­að­ arflokkurin, og Kirstin Michelsen hava skrivað undirt tað uppskotið. -Tað hoyrir ongastaðni heima at leggja uppskot fram saman við andstøðuni. Slík uppskot verða viðgjørd í samgonguni og har verðaur avgerð tikin um tað skal leggjast fram, sigur Poul Michel­ sen. Hann sigur seg møguliga kunna skilja slíka framferð, um talan er nýggj tingfólk, sum ikki kenna mannagongdirnar nóg væl, men í hesum føri er talan um politikk­ ar­ar, sum hava verið í poli­tikki í mong ár. -Tað undrar meg, at andstøðan spælir við uppá hetta við ikki at fáa mál úr aftur íggjarnevndini til dømis. Hetta leggur arbeiðið stilt, bert tí tey skulu vinna samgonguni neisur, sigur Poul Michelsen. Eitt annað mál, sum eisini ligg­ ur og bíðar er málið hjá Sonju Jógvansdóttir um at lata løn­ takar­ar sleppa at draga lima­gjald til yrkjisfeløg frá í skatti. Hesum tekur Framsókn ikki undir við og tí liggur eisini tað málið framvegis í nevnd. -Vit taka ikki undir við tí og vit hava ongantíð sagt, at vit fara at taka undir við málinum, sigur Poul Michelsen. Samgongan? Samgongan stendur ógvuliga veik júst nú, men formaðurin í Fram­ sókn er ikki serliga heitur fyri, at hon verður styrkt við onkrum flokki afturat. Hann heldur, at hetta ikki fer at styrkja samgonguna. Samgongan hevur eitt samgonguskjal at fyri­halda seg til og skal ein flokkur uppí afturat, so skal nýtt samgonguskjal skrivast. -Og ongin sigur, at tað verður lættari við einum flokki afturat, sigur Poul Michelsen. Samráðingar hava verið – fyrst við Miðflokkin og seinni Sjálvstýri – um møguligt samstarv. Sjálvstýri gjørdi avtalu við samgonguna um pensjónsskipanina og um fíggjar­ lógina, men valdi ikki at fara í tætt­ ari samstarv við samgonguna. Nú er í veruleikanum talan um eina minnilutasamgongu. Higartil hevur hon talt 16 tinglimir og so uttan­flokkatingkvinnuna Sonju Jógvans­dóttir, men nú hevur Kristin Michelsen so sagt, at hann ikki kennir seg bundnan at av­ talum, sum Javnaðarflokkurin ger. -Eg má staðfesta, at higartil hevur samgongan staðið saman, tá ið atkvøðast skal. Tí haldi eg tað er avgerandi at vit fáa álitini í ting­salin. Síggja vit har, at vit hava ein meirluta ímóti okkum, so er tað so einfalt – so leggja vit frá okkum, sig­ur Poul Michelsen. INNNANHÝSIS STRÍÐ Í JAVNAÐARFLOKKINUM HÓTTIR SAMGONGUNA Samgongan er meira ella minni óarbeiðsfør, tí mál kom ikki aftur úr fíggjarnevndini Kristin Michelsen roynir at drzga trupulleikarnar á Tvøroyri uppí landspolitikkin Poul Michelsen er formaður í Framsókn og ein av teimum trimum samgonguleiðarunum Heðin Mortensen er ein av samgongulimunum, sum hevur lagt eitt uppskot fram saman við andstøðuni