mánadagur 19. mars 2018síða 4

Mánadagur 19. mars 2018 · Nr. 33 4 Sosialurin Hugskot og viðmerkingar – send sms til 225000 GRIND Fara aftur at skipa fyri skeið í at drepa grind GRINDAPRÓGV Skeið verða aftur í ár, og so skulu skeið verða regluliga minst annaðhvørt ár Áki Bertholdsen Nú fer Fiskimálaráðið at taka tey vælumtókti skeiðini í at drepa grind, upp aftur. Tað fortaldi Høgni Hoydal, lands­stýrismaður í fiskvi­nnu­mál­ um, grinda­monn­unum, sum vóru møttir á aðalfundinum hjá Grinda­ manna­felagnum leygar­dagin. Eftir nýggju grindalógini skulu grindamenn nú hava prógv í at drepa grind, og tann, sum ikki er løg­gildur grindamaður, sleppur ikki í grind. Í hesum sambandi varð skipað fyri skeiðum um alt landið í 2015 og 2016, har tilsamans 3000 fólk fingu prógv í, at tey eru før fyri at avlíva ein hval á skynsaman hátt. Í fjør vóru ongi skeið, men í ár er ætlanin at taka tey upp aftur. Høgni Hoydal sigur, at ætlanin er at hava eitt ella tvey skeið í ár, men so er ætlanin at fáa tey í eina fasta legu, har skeið verða minst annaðhvørt ár. Hann heldur eisini, at tá ið tað eru so nógv fólk, sum taka grindaprógv, átti tað eis­ini at verið eitt gylt høvi hjá Grinda­manna­fel­ agn­um at fingið fleiri limir fyri at styrkt felagið, sum hann sigur, er bul­urin í føroyska grindaveiðini í Før­oyum. Hann heldur nevniliga eisini, at rákið er vent í Føroyum, og at tað er týðiligt, at áhugin hjá ungum fólki at verja okkara rætt at drepa gind, er nógv størri enn hann hevur verið. Brekið rættað Annars hava tað verið trupulleikar við mønustingarunum, sum tey hava brúkt, tí teir hava víst seg at vera ov veikir. Men tað sær út til, at teir eru loystir við at gera nýggjar mønu­stingarnar úr betri stáli. Í nýggju grindareglugerðini eru eisini tekningar av, hvussu mønu­ stingarin skal síggja út, og nú skal so hvør hvalvág hava neyðuga talið av tí nýggja mønustingaranum. ALTJÓÐA RÁKIÐ ER VIÐ GRINDADRÁPI VIÐRÁK Føroyska grindadrápið er í fullum samsvari við málsetningin hjá ST, var boðskapurin hjá Høgna Hoydal, landsstýrismanni, á aðalfundinum hjá Grindamannafelagnum Áki Bertholdsen –  Tað er týðiligt at merkja, at alheims rákið er vent og at tað nú er við okkum í sambandi við grindadráp. Tey boðini hevði Høgni Hoy­dal, lands­stýrismaður, við sær á aðal­ fundin hjá Grinda­manna­felagn­um leygardagin. Hann heldur, at vit kunnu sakt­ ans verða errin av arbeiðnum, tey í Grindamannafelagnum, og øll onnur, sum fáast við grind, gera. Hann vísir eisini á, at síðani vit fingu nýggju grindalógina, sum avmarkar møguleikarnar hjá um­ hvørvis­felags­skapum at virka her, hevur tað verið rættiliga frið­arligt. Og hann heldur, at nú er lógar­ verkið í sambandi við grind so væl orðað, sum tað kann vera. Altjóða rákið er vent Men Høgni Hoydal sigur somu­leið­ is, at á hansara mongu utt­an­lands­ ferðum sum lands­stýrismaður, merk­ir hann eisini týðiliga, at al­ tjóða rákið er vent, og at tað nú er við føroyingum á hesum øki. –  Tað eru fleiri orsøkir til tað, heldur hann. Ein orsøkin til tað er, at grindadrápið í Føroyum er besta dømi yvirhøvur í øllum heiminum um burðardygga veiði, og tað er eisini besta fyrimyndin fyri øll tey mál, sum heimurin setir sær í dag. Grindastovnurin hevur ong­an­ tíð verið hóttur og grind hevur havt ein avgerandi leiklut fyri væl­ferð­ ina hjá føroysku tjóðini. Í hesum sambandi vísir hann á, at ongastaðni er ein veiða so væl skjalprógvað fleiri hundrað ár aftur í tíðina sum grindadrápið er. Landsstýrismaðurin sigur, at av teimum 17 málunum, sum ST hevur sett fyri heiminum, er mál nummar 14 um lívið í havinum. –  Í hesum sambandi mælir ST til, at øll lond skulu hava lógir og reglur sum tryggja burðardygga gagnnýtslu av havsins tilfeingi, og at tað er atkomuligt hjá landsins fólki. Tað hevur eisini verið ein málsetningur hjá ST, at allar tjóðir skulu hava rætt til at gagnnýta sítt nátt­úrutilfeingi. Høgni Hoydal sigur, at sam­an­ bera vit grindadrápið við mál­setn­ ingin hjá ST fyri heiminum, lýkur tað allar treytir. – Og tað lýkur treytirnar nógv betri enn okkara fiskiveiða ger tað, tí vit hava nógv betri prógv fyri, at grindaveiðan er burðardygg enn vit hava fyri at fiskiveiðan er burð­ar­ dygg, leggur hann afturat. Høgni Hoydal sigur, at hann er errin av at fáa høvi til at føra hetta fram, tá ið hann er uttanlands. –  Vit hava kanska ikki vunnið stríðið heilt enn. Men vit eru nær við at vinna stríðið um rættin til at drepa grind, og við at vinna stríðið um at sannføra umheimin um, at grindadráp er tann best skjal­ prógvað, og best skipaða, veiðan, nakað land kann vísa á, yvirhøvur, sig­ur Høgni Hoydal. Tá ið eg eri uttanlands, eri er errin av fáa høvi til at greiða frá um okkara grindadráp, sigur Høgni Hoydal, landsstýrismaður í grindaviðurskiftum