mánadagur 19. mars 2018síða 17

17 Mánadagur 6. januar 2014 · Nr. 2 Sosialurin Mánadagur 19. mars 2018 · Nr. 33 Hugskot og viðmerkingar – send sms til 225000 André Olsen Seinasta vikuskiftið var fyrsta ferðin, at vit á ÍtróttarSosialinum settu liðið hesa vikuna, sum vit fara at seta til hvørt umfar í Betri- deildini hetta kappingarárið. Teir ellivu leikararnir, umframt venjarin, sum eru á liðnum hvørja viku, eru teir, sum vit á ÍtróttarSosialinum meta at hava avrika best eftir hvørt umfar. Lágur miðal aldur Hesa vikuna eyðkennir tað vikuliðið, at talan er um nógvar ungar leikarar, ið hava havt eitt gott umfar. Í fleiri av dystunum vóru tað júst ungir leikarar, ið áttu avgerandi fót til málini hjá liðunum sum vunnu. Nevnast kunnu millum annað Stefan Radosavljevic (17 ára gamal), Jóannes Bjartalíð (21 ára gamal), Meinhard Olsen (20 ára gamal) og John Frederiksen (22 ára gamal). Miðal aldurin til Betri-liðið hesaferð er 23,63 ár, har serliga málverjin, Meinhardt Joensen, ið hevur fingið eina sannførandi byrjan uppá kappingarárið, hálar miðal aldurin á liðnum upp. Nógvir um boðið Hesaferð vóru eisini serstakliga nógvir um boðið til liðið hesa vikuna. Men av tí at talan er um avmarkað pláss, gjørdist hesa ferð ikki pláss til millum annað Jóannes K. Danielsen hjá KÍ, Jákup B. Andreasen hjá KÍ, Ronni Møller Iversen hjá KÍ og John Frederiksen hjá HB, ið allir høvdu eitt gott umfar. Tíverri fyri teir, eru tað aðrir leikarar, ið eru tiknir framum hetta umfari. Á Betri-liðnum í umfari nummar tvey eru tað serliga fleiri ungir leikarar, ið hava gjørt um seg Spælarametingarnar: 1: Avrikið er út av lagi vánaligt og kostar dystin 2: Avrikið er vánaligt og dystaravgerandi 3: Avrikið er væl undir miðal og tað sæst aftur á liðavrikinum 4: Avrikið er undir miðal, men ikki avgerandi 5: Avrikið er miðal og spælarin røkir tær uppgávur hann skal 6: Avrikið er beint yvir miðal 7: Avrikið er yvir miðal og tað sæst aftur á liðavrikinum 8: Avrikið er væl yvir miðal og spælarin er avgerandi 9: Avrikið er framúr og spælarin er dystaravgerandi 10: Á landsliðið og seldur í morgin! Betri-liðið umfar 2: FÓTBÓLTUR Meinhardt Joensen 38 (KÍ) Heldur nullið annan dystin á rað, tá KÍ spælir toppdyst á útivølli í Runavík. Er byrjaður sannførandi. Sørin Samuelsen 25 (AB) Hóast flestu serfrøðingar hava tippa AB at flutt niður undan kappingarbyrjanini, hevur AB higartil fingið stig í fyrstu tveimum dystunum. Á Eiði leygardagin stóð Sørin Samuelsen greitt sterkast í myndini hjá AB. Teit Jacobsen 20 (HB) Ungi HB leikarin fekk um vikuskiftið eina frálíka debut, eftir at hann í farnu viku var leigaður heim til Føroyar frá Sønderjyske. Var valdur til besta leikara á vøllinum í 2-1 sigrinum hjá HB móti Víkingi leygardagin. Deni Pavlovic 24 (KÍ) Nýggi serbiski verjuleikarin hjá KÍ hevur verið eyðsýndur fyrstu tvey umførini, har tað nærum ikki ein einasti málmøguleiki er givin burtur móti KÍ. Millum bestu menn á vøllinum móti NSÍ Adrian Justinussen 19 (HB) Tekniskt sterki miðvallarleikarin hevur fingið eina góða byrjan uppá kappingina. Leygardagin skoraði kantspælarin móti Víkingi, og var annars millum bestu leikarar á HB liðnum. Jóannes Bjartalíð 21 (KÍ) Kreativi kantspælarin hjá KÍ var leygardagin matchvinnari, tá KÍ vann trupla útidystin í Runavík móti NSÍ. Tí er hann á liðnum hesa vikuna. Stefan Radosavljevic 17 (TB/FCS/Royn) Yngsti leikarin á liðnum hesa vikuna, skoraði bæði málini tá Suðringar um vikuskiftið fingu sín fyrsta sigur í deildini. Umframt at skora málini, var Stefan Radosavljevic eisini eyðsýndur í spælinum á Dungasandi leygardagin. Semir Hadzibulic 31 (KÍ) Er annar leikarin á liðnum, sum hevur fingið afturval frá fyrsta umfarinum. Hevur í tveimum teimum fyrstu dystunum verið klárt besti leikarin í deildini og stóð serstakliga sterkur í myndini í Runavík leygardagin. Skilagóður, tekniskt sterkur og arbeiðssamur. Meinhard Olsen 20 (B36) Kviki offensivi profilurin kom aðru vikuna á rað á máltalvuna, tá B36 um vikuskiftið fekk sín fyrsta sigur ímóti Skála. Útyvir at koma á máltalvuna, var Meinhard E. Olsen eisini burturúr besti leikari í dystinum á Skála leygardagin. Hørður Askham 23 (KÍ) Sterki verjuleikarin stóð saman við Deni Pavlovic sterkur í myndini í Runavík leygardagin, har tað annars vandamikla NSÍ álopið, ikki kom fram til nakran stórvegis málmøguleika. Búi Egilsson 22 (TB/FCS/Royn) Vágbingurin, sum í fjør fekk sítt gjøgnumbrot, var saman við Stefan Radosavljevic, mest eyðsýndi leikarin ímóti 07 Vestur leygardagin. Búi Egilsson fekk bæði straffini hjá Suðringum, og er tí á liðnum hesa vikuna. VENJARIN HESA VIKUNA: Heimir Guðjónsson (HB) Íslendski venjarin fekk um vikuskiftið fyrsta sigurin í føroyskum fótbólti, tá HB vann á føroyameistarunum úr Víkingi. HB venjarin loysti sína uppgávu serstakliga væl, tí havast skal í hugsa, at fleiri profilar hjá HB sótu uttanfyri til dystin leygardagin. FLEST UNGIR Á LIÐNUM HESA VIKUNA