hósdagur 22. mars 2018síða 15

FRÍGGJADAGUR 23. MARS 2018 SOSIALURIN 35 15 DANJAL AV RANA Seinnapartin mikudagin fekk løg­reglan fráboðan um, at ein hundur hevði bitið eitt smábarn. Hetta hendi í einari bygd í Eystur­oynni, sigur løgreglan. Tað var, tá móðirin at barni­ num skuldi seta hálvt­annað ára gamla barnið inn í bilin, at hund­urin leyp á og beit barnið. Barn­ið bleiv tó ikki so illa bitið, at hol kom á, sigur vakthavandi. Eigarin av hundinum verður nú skuldsettur fyri ikki at hava tamarhald á hundinum. Í onkr­ um kommunum er krav um, at hundar altíð skulu vera í bandi, so sum í Klaksvík og í Havn, men hetta er ikki galdandi alla­ staðni. Hundalógin sigur tó, at eigarin altíð skal hava ræði á hundi­num. - Tað hevur ein ikki, um hund­urin loypir á og bítur eitt barn, sigur vakthavandi.  Umframt kravið at hava ræði á hundinum sigur hundalógin, at eigarin skal hava eina ábyrgd­ ar­trygging fyri hundin og spjald­ur við navni eigarans á hundi­num.  Løgreglan vil tí heita á fólk um at hava hundarnar í bandi og annars hava tamarhald á hund­um sínum. DANJAL AV RANA Næstseinasta vikuskiftið var eitt innbrot í Havn, har tjóvarnir fingu hendur á eini stórari nøgd av rúsandi heilivági. Hildur Hentze, kanningar­ leiðari hjá løgregluni, segði, at talan var um stórar nøgd­ir av morfintablettur, mor­fin­ ampullum, morfinplástrum og ketogan. Talan er um 90 morfin­ tablettir, 20 ampullir av flót­andi morfin, 10 ampullir av flót­andi ketogan, 2 pakkar av morfin­ plástri, 50 dololtablettir og aðrar tablettir. Nú hevur løgreglan handtikið ein mann fyri innbrotið. Talan er um ein mann í 30’unum, sigur kann­ingardeildin. Løgreglan sigur, at hon hevur fingið fatur á einum parti av morfininum, men handtikni maðurin sigur, at partur av tí er burtur­beint. Tað vóru kanningar hjá løg­ regluni, sum beindi hana á slóði­ na eftir mannin. ÁKI BERTHOLDSEN Nú skal nógv umrødda verkfallið hjá Pedagogfelagnum um árs­ skiftið eftirmetast. Tað sigur Eyðgunn Samuel­sen, landsstýriskvinna í al­manna­ málum. Í drúgva verkfallinum hjá pedagog­unum, varð fleiri ferðir ført fram at tað gekk so illa at fáa undan­tak frá verkfallinum, at lív og heilsa á búfólki á stovnum undir Almannaverkinum, varð sett í vanda. Nú hevur Brandur  Sandoy, løg­tings­maður, spurt lands­stýris­ kvinnuna, hvørji stig hon ætlar at taka fyri at sleppa undan, at vit enda í eini so vanlukkuligari støðu eina ferð afturat. Eyðgunn Samuelsen sigur, at beint tá ið verkfallið var av, lovaði hon at stig skuldu takast fyri at fyri­byrgja, at ein slík støða tók seg upp aftur.  –  Hetta lyftið standi eg við, staðfestur Landsstýriskvinnan. Hon sigur, at nú tað er friðartíð, fer hon sostatt at eftirmeta avtaluna um undantøk frá verkfallinum saman við Lønardeildini í Fíggjar­ mála­ráðnum og Pedagog­felagnum.  Avtalan, hon sipar til, er ein avtala ímillum Pedagogfelagið og Fíggjarmálaráðið um, hvørji undantøk skulu gevast, tá ið pedagogar eru í verkfalli, so at tað altíð er nokk at pedagogum til arbeiðis til at lív og heilsa ikki verður sett í váða. Men í verkfallinum hjá peda­ gog­unum var týðiligt, at hendan av­talan er ikki nøktandi, tí tað var stór ósemja ímillum pedagogarnar og Almannaverki um, hvørji undan­tøk, tað var neyðugt at geva. – Fyri meg er tað av sera stórum týdn­ingi, at borgarar við serligum av­bjóðingum og avvarðandi teirra ikki koma í eina líknandi støðu aftur, samstundis sum eg eisini meti, at verkfalsrætturin eigur at verða virdur, sigur Eyðgunn Samuel­sen.   – Tí er neyðugt, at avvarðandi partar seta seg saman og finna eina hald­góða loysn, ið er nøktandi fyri allar partar, leggur hon afturat. ÁKI BERTHOLDSEN Allir tunlar skulu bjóðast út ísenn. Tað heldur Heðin Morten­sen, løgtingsmaður fyri Javnað­ar­ flokkin. Løgtingið viðger eitt upp­ skot um at heita á Henrik Old um at bjóða Fámjinstunnilin út saman við Hvalbiartunlinum, sum annars skal bjóðast út seinni í ár.  Tey, sum hava sett uppskotið fram, eru tinglimir í andstøðuni og teir báðir tinglimirnir í sam­gongu­ ni, Heðin Mortensen og Krist­in Michelsen. Heðin Mortensen sigur, at verður Fámjinstunnilin boðin út saman við Hvalbiartunlinum, verður Fámjinstunnilin munandi bíligari. Og tá ið Løgtingið viðgjørdi málið í morgun førdi Heðin Morten­sen fram, at í roynd og veru er tað einasta rætta at bjóða allar tunlar­nar, út í einum, bæði stuttar langar tunlar. Hann hugsar um tunnil til Hval­biar, tunlarnar Norður um Fjall, Fámjinstunnilin, Dals­ tunnil­in, tunnilin til Gjáar, tunnil­ in til Tjørnuvíkar, tunnilin til Vestmanna, tunnilin undir Gøtu­ eiði tunnilin til Velbastaðar, tunnil­ in til Sandavágs, og aðrar tunlar við.  – Bjóða vit allar hesar tunlar út í einum, høvdu vit fingið teir fyri ein prís, vit høvdu klárað sum enki. Og so høvdu vit skriva politiska søgu, ístaðin fyri tað støðu, vit nú hava, har tað er stríð hvørja ferð ein sam­ gonga skal skipast, við teimum politisku rossahandlum, tað ber við sær, sigur hann.  Jenis av Rana, tingmaður fyri Mið­flokkin, er púra samdur í, at tað einasta rætta, og tað bíligasta, er at bjóða tunlarnar til tær  smærru bygdir­nar út undir einum, heldur enn at lata eitt tunlasjakk hjá Lands­verki gera tunlarnar í smá­ um, tí tað fer at taka nógvar ferðir longri tíð. – Bjóða vit allar hesar tunlar út í einum, høvdu vit fingið teir fyri ein prís, vit høvdu klárað sum enki, sigur Heðin Mortensen Hundur beit smábarn Eitt ára gamalt barn í Eysturoynni varð bitið av hundi Vil bjóða allar tunlar út samstundis Løgtingsmaður heldur, at ætlaðir tunlar í Føroyar eiga at bjóðast út samstundis Ein maður er nú handtikin fyri stóran morfinstuldur í Havn Maður tikin fyri morfinstuldur Hundaeigurin verður skuldsettur fyri ikki at hava tamarhald á sínum hundi FARA NÚ AT TOSA UM UNDANTØK Í VERKFALLI – Fyri meg er tað av sera stórum týdningi, at borgarar við serligum avbjóðingum og avvarðandi teirra ikki koma í eina líknandi støðu aftur, sigur Eyðgunn Samuelsen, landsstýriskvinna, um lønarstríðið millum tað almenna og pedagogarnar - Avvarðandi partar mugu seta seg saman og finna eina haldgóða loysn, ið er nøktandi fyri allar partar, sigur Eyðgunn Samuelsen