hósdagur 22. mars 2018síða 18

FRÍGGJADAGUR 23. MARS 2018 SOSIALURIN 35 18 PÆTUR ALBINUS F øroyar løgdu væl fyri í dystinum. Serliga var tað verjan, ið stóð stinn, og Viviann Petersen í føroyska málinum stóð eisini framúr væl fyrsta stóra korterið. Makedonia hevði ilt við at finna vegin til málið av hesum sama, og í hinum endanum gekst betur hjá Føroyum at fáa mál. Tað var javnleikur 4-4, tá ið Føroyar økti til 7-4 og Makedonia valdi at taka timeout. Serliga vinstra síðan hjá Føroyum við Marianna G. Eystberg á bakkinum og Turið Arge á vonginum var eyðsýnd, og tað eina málið var eitt satt perlumál við einum flúgvara. Eftir hetta timeoutið hjá Makedonia steðgaði fullkomiliga upp hjá Føroyum. Okkara fingu einki mál tað, sum eftir var til hálvleiks, og hesin føroyski málturkurin, ið vardi eitt lítið korter, elvdi til at hálvleiksstøðan var 7-7. Greitt tap Makedonia kom betri út til seinna hálvleik, og skjótt løgdu tær seg á odda 9-8. Tað sást, at tær av álvara høvdu tikið sær um reiggj, og at tær ætlaðu sær sigurin. Tær øktu so líðandi um munin. Skotini hjá teimum sótu betur, samstundis sum tekniskar villur sníktu seg inn á føroyska liðið, har hugskotini og vónin so smátt hvurvu. Innskifti málverjin hjá Makedonia gjørdi tað heldur ikki lættari fyri tær føroysku. Munurin bleiv nakað stórur av tí sama, og tað endaði við, at Makedonia vann dystin 22-15. - Sjey mál eru ov nógv. Vit spældu fínt í fyrra hálvleiki. Eftir nakrar minuttir í seinna hálvleiki skifta tær málverja, og hon tekur pippið frá okkum. Tað eru nógvir spælarar, sum kiksa í avgerandi løtum, og tá ið tú kiksar 100% í hesum spælinum, so blívur tað øgiliga ofta tungt. Og tað bleiv tað hjá okkum, tíverri, segði føroyski landsliðsvenjarin, Dia Midjord, eftir dystin. Sunnukvøldið hittir Føroyar aftur Makedonia, men ta ferðina á útivølli í Skopje, har nakrir túsund áskoðarar kunnu væntast til dyst. - Eg gleði meg ordiliga nógv. Eg elski at spæla landsdystir. Tað eru einir 3.000 áskoðarar, sum troppa upp til ein slíkan dyst, men man skal ikki ræðast tað. Tað er eitt upplivilsi, sigur toppskjúttin í dystinum hesaferð, Turið Arge. ALBINUS@SOSIALURIN.FO EM-undankapping: Føroyar høvdu gott tak á dystinum og vóru á odda 7-4, men serliga í seinna hálvleiki kom stígur í og Makedonia vísti hvør dugur er í teimum. Føroyar taptu greitt 22-15 Føroyar – Makedonia 15-22 (7-7) Føroyar: Turið Arge 5, Kristianna Henneberg Joensen 3, Marianna G. Eystberg 2, Daniella Joensen 2, Durita C. Jojic 1, Bára K. Hansen 1, Eir M. Berg 1 Útvísingar: 2 x 2 minuttir Makedonia: Sara Ristovska 8, Mirjeta Bajramoska 4, Teodora Keramichieva 4, Ivana Gakidova 3, Jovana Sazdovska 2, Elena Gjeorgjievska 1 Útvísingar: 2 x 2 minuttir EM-undankapping Bólkur 3 LAND S V J T MÁL +/- STIG Serbia 3 3 0 0 99 – 70 29 6 Svøríki 3 2 0 1 94 – 71 23 4 Makedonia 3 1 0 2 75 – 86 -11 2 Føroyar 3 0 0 3 50 – 91 -41 0 A-landsliðið: TAÐ KIKSAÐI Í SEINNA HÁLVLEIKI Dystarskrá, A-landsliðið: 25. mars Makedonia – Føroyar 30. mai Føroyar – Serbia 2. juni Svøríki – Føroyar